ZNT Khiangte khan, “Tlabung Uitangrualte khan MNF hi Pathian ruat in ti a, keini hmar lam chuan Pathian ruatah kan ngai ve lo” kha i rawn ti a. Tunge Pathian ruat chu ni ta ang le? Bible-in ram roreltu chu Pathian ruat a ni a ti a. Kum 1966 a\ang tawh khan MNF te hian Pathian leh kan ram tan tiin, A hruaina mak tak tak te an lo tawng fo tawh a. Chak, thlang, chim leh hmar tlang leh ruam leh ram chhung leh pawn a awm zawng zawng Zofate tan a Pathian ruat a ni a. Hmar lam chauh hi a huam lo. An sual leh \hat lam ni lovin kum tam tak min lo hruai tawhna hi a ni zofate hruaitu an nihna zawk chu.
Tlabung Uitangrual
9862014844
Mipui tena sorkar dik leh \ha kan tehna dik ber chu a ram mipui tana an thiltihah a ni. Khawchhung leh khawkar kawng pawh a \ha leh ta hle mai.
Thlirtu
8729984567
ZPM te hi a tak awm lo thu ringawtin a kal dawn lo. MNF hi a sorkar hmasak pawh khan ei leh bara intodelh kha an thupui pakhat a nih kha. Tunah pawh ei leh bar a intodelh tho! Engtikah nge kan intodelh ang? A tak awm lo, hmanah leh tunah, nakinah pawh ram leh mipui zawng zawng hi t^ng kan ni an ti a, salt^ng kan ni reng mai dawn a nih hi le. Salt^ng chu amah leh amah pawh a inchhuah thei lo. Pu Rama hruai salt^ngho hian tumah hi an hruai chhuak lo vang. MNF an nih chhung chuan t^ngah an inngai reng dawn. Ram leh hnam mipui zawng zawng hi t^ng kan ni an titlat a lawm. An rilru chawpin t^ng reng rawh se.
ZNT Khiangte, TD
8730841016
Ka Pu Zorama chuan mipui sum ei kan tum lo a tih chu, a va mak ve. Electric bill leh tui bill sang bawk si. Chu bakah chhiah a la sang bawk si. Chu chu ram hmagaihna maw? Tin, thawlawm khawntu leh a petu chu inang a ni. Pu Zoram, i thawhlawm khawn chu mipui tan i hmang em tih ka zawt a che, kei mi mawl hian.
8974135066
New Delhi khu National Capital a ni a, India ram hruaitu lawk zawng zawng awm khawmna a ni bawk. Ram dang hruaitu lu berte an rawn kalin an innghahna a nih avangin Central sorkar pawhin th^ a thawh nasa. Mizoram erawh India rama kilkhawr leh chhengchhe ber, leilung pawh nghet lo ber a ni a, Modi-a leh Kejriwal pawh rawn CM se an chuti tehual bik lo vang. Khaikhin chi leh chi lo hi an awm ve a nia.
7005811526
Tun a kan MLA hoin House-ah ro an rel mek lai hian hei hi telh se ka ti hle mai. VC/LC term hi kum 3-ah pawt tawi leh se a \ha ngawt ang. Mahni vua leh vang leh duhsak zawngte thliar hrangran mai, mi chapo zet thlan fuh palh phei chuan kum 5 hi chu a rei lutuk a ni. Laina mumal nei ve lo, rethei bawk si tan chuan HREMHMUN NOTE a ni ngawt \hin. Kum 3-ah hian pawt hniam leh hram se kan ti tak zet mai. Ruling VC mi chapo zet neih leh hi kan va hlau tawh tak em.
Dawitea
Number thup
9862349117
Kan sorkar hrawn mek chu mahni inhai vurin an ham\hatna turin hma an la sauh sauh mai maw? An hlawh an tipung a, term hmasa a hman, car la thar \ha tak tak chu chhuanlam fahrah te te hmanga hluihlawnin car man to, vaibelchhe tel teh meuhin an han lei a. Pu ber jeep tur lah nuai 25 man! In sakna tur an dawn theih zat lah nuai 20-ah an la tipung thul. Kawng \ha sa siam\hain an buai tak luih luih a. Development lam ngaihtuah lek lovin han inhai vur teh se. Kawng chhawng leh Ropeway kan hmuh hman meuh pawh hi a rinawm si lova. Nuai thum sem lah an sawi \ha leh duh tawh mang si lo. An term an hman zawhah meuh chuan mipui kan fing hman em ang chu maw!
Dare Devils
94363 65956
Vawiin chu ka ngaihtuah mai mai a, Pu Rama leh Pu Zaichhawna te hi thawk dun ta sela, an suangtuah a lian dun bawk a kan ram hi development chu sawi loh, kan state boundary te hi a lian awk lo maw? tihte ka ngaihtuah niap niap a.
LEMMY
70058 35399
Pute u, hmun hrang hrangah hian fakna hi a tam tho si a Chanchin thar puannaah hi chuan a kara fakna awm hi in titawp thei tawh lawm ni? tiin, Zonet chhungkuate hian kan han ngen tak meuh che u a ni.
Zonet chhungkuate
96121 12393
Zoram kuthnathawkte khaichhuahna atana an Flagship Programme pui ber, kan CM phei chuan, “Hmarchhak hel tih rehna atan leh IAS te meuh pawhin an hna bansan a, an buaipui tur” ti hiala a sawi, Rua leh Mau chungchang a tun Budget Session neihna a zawhbelhnaah khan a tuipui bertu kan CM khan, “Zir chawp a thilti an nih thu leh Delhi lam pawh an zirtir chawp, a hmuchhuak tupa pawhin la zirchawp ve tho” a nih zia a sawi a nih kha. He tianga thil chiang lo leh rinthu phuahkhawm mai mai hmanga kuthnathawk te intodelh tir min tum hi chu “Beiseina Beidawng” bak hi min thlen dawn hauh lo tih hi a chiang reng mai a ni. Thingtlang lam a tuar nasa ber turte lah hian “Budget a Thlaithar leina Dah” Ngaihven zawk aia, an dawt hmahruai nuai 3 pawisa faia sem tuipui zawkin kan thlangtling miau mai si a. Sem an tum loh zia lah chu, sem an tum lai aia nasain min fah let leh tawh zawk a nih hi. He tianga patling leh patling inbawl kual hi chu. Party ruihchilh hle tan lo chuan a ngeiawmin, eng inthlan pawh hmachhawn leh dawn ila, vote tawh loh hi kan tihtur diktak niin a lang. Kei leh ka chhungte chuan kan dinchhuah ve tak takna tura kan thlaithar budget a min dahsak a, market min zawn sak tumtu ZPM ngei hi kan vote tawh dawn a ni.
Thingtlang Pa
93666 30785
K|P General Conference kan thlen dawn avangin motor leh thil dang, felfai a dah leh kan senghawi hian conference chhung chauh lo deuh hi daih se a va \ha dawn em. Veng chhung kawng te leh zimah phei chuan chetsual a hlauhawmin, kalkawng awm chhun a ni tih leh hnawksak a ni em tih pawh hi inenfiah fo a \ha khawp mai.
Nghaka, Serchhip
