Electric bill pe tur hian nileng nghah a ngai thin a, electric bill pekna-ah hian bill pekna tur counter hawn belh se, chuti lo chuan mipui hna min thulh tir nasa lutuk. Aizawl khawpuiah pawh hian tha engzat nge kan hloh ang? Mipui an tam leh in tan a nuam a, mipui tan chuan thil harsa tak min thlen a ni.
9612238063
—————-
Mizoram PWD Minister hna hi a har vak hmel loh, kawng a chhiat hle chuan fur rei vang a ni mai a, lei a chim leh mipui nawr chim te, a zawh tawk aia tam a ritin a zawh vangte, a kilhna ruk vangte a lo ni leh a. Bang rawh se tih a nih chuan ka thawhpuite ka la rawn lo a ni mai.
RK Sanga
—————-
Kan hre theuh anga, kan khaw kar kawng chhiat zia chu. Chutih laiin lei dawh a lo chim chhen bawk a, mi thenkhatin nunna hial an chan a, hmannia Tuirial kawng black top chhiat zia te kha aw. Hetihlai hian a changtu Minister hi a Paihte ralveng thut veng veng mai em ni le? Ka chan ni ta se vahmim parawl an sawi ang mai hian ka rum ka rum mai awm e.
RODY PA
—————-
Nizan chanchin thar puan chu a tha e. A key a san vangin ngaihthlak a nuam e.
9862153088
—————-
ZPM atanga kan bial rawn viltu hian sum a hma theh tan hle mai. Hetiang hi an chet dan a nih chuan lo thlang tling ta pawh ni ila, ZPM hi Congress, MNF aia an that bik ka ring lo.
Malsawma pa, Kawnpui
—————-
Aw Kristian mi, mite tihdik loh i hmu thei viauin, i lo sawisei thin maw? Mi tlin lohna lai i lo bukin i lo teh vel thin tiraw? I bukna leh tehna chiah khan bukin teh ve ta che sela, in tling zo bik ang em? Khawvelah hian sawisei bo tumah an awm si lova.
Vala Sailo
—————
Pu ZONET, hei hi Fakselna a telh tlak loah i ngai em ni? Mizo tawng hman dik loh ka sawi a nih hi. ‘Vawiin niah hian kan programme tanna kan lo nei tawh ang a’. ‘Tanna min neih sak turin Pu Thanga sawmna kan nei ang a, chumi zawhah Pu Fela thusawina nei turin sawmna kan nei leh ang’. Hei lo pawh kut hnathawktu, sumdawngtu, lehkhazirtu, dawrkaitu, Aizawla kaltu, lo neia eizawngtu, etc. Pu Manzuala’n “Mizote hi rilru nghet lo kan ni” a tih angin, thangthar chauh an ni lo, putar pui pui pawhin an ti ve zel mai. A dik lo tih pawh an hre lo.
8413931575
————–
A changin an party office-ah a sawi an ti a, a chang leh ZPM Office-ah a sawi an ti leh a, heti reng reng chuan ka hrethiam phak ta hauh lo.
Duata pu
—————
Mizo ho hian mi thar hrim hrim hi kan pak deuh huamin ka hria. Entirnan:- YMA-ah pawh hian veng tana thahnemngai tak leh rim taka thawka, rilru te pawh lo seng ve tawh an awm laiin, mi thar veng chhungah awm thar, neinung deuha an hriat chu an han pak huam nghal zel mai te hi tha ka ti lo tawp mai. Rim taka lo inhmang thinte kha dawn ve tur a nia. YMA chanchinbu Editor-ah te pawh a lo inhmang thin aiin mi thar an dah zung zungte pawh hi midang tan vui leh vaina an siam tih an inhre si lo reng reng te hi a tha lo tawp. Chutiang veng chu kan ni a.
No. thup
—————-
Electric Department hian BSNL an tluk lo hle mai. BSNL-ah chuan intlar teuh mahse minute 10 bak kan nghak ngai lo, bill hi kan pe zung zung mai a ni.
9612238063
—————–
