Aizawl Dawrpui Taxi Stand velah hian sorkar hian sweeper a dah ve a, chung sweeper-te chuan aikal an la a, an phiah fai lai hmuh tur a awm mang lo. Sweeper dahtu kan sorkar hian heng a mi rawihte hi a veng thei lo a nih chuan bang vek sela, thawk duh mi tam tak kan awm. Corruption hi hna hniam ber thawk atangin a sang ber thlengin kan kai rual ta lutuk a nih hi.
Dawrpui Nu
—————–
|angrual pawl in rawn sawi mawi hlawm viau mai a. Han thlang tling chiah ila, MLA tam deuh deuh chhung leh khat sorkar hna a inthun ngai ngah deuh kan thlang tling mai lo’ng maw? Term khatna chu mahni invûr reng rengin an hmanhlel ve leh mai ang ah!
K. Hautea
—————-
Parliamentary Secretary bang ho motor chu a nalh hle mai. Thawh chhuah nei lo motor-ah chuan.
9862809443
—————-
‘A pa’ tih kha rawn sawisel an awm a. ‘A pa’ tih hi a lam rik dan a zirin third person leh first person a ni thei. Sap hovin ‘father’ ti lova ‘dad’ emaw ‘daddy’ an tih ang leh Grik hovin pangchang aw deuha ‘Abba’ an tih ang hian ‘ka pa’ ti chang fuk lovin pangchang aw deuha ‘A pa’ han tih chu inzawmna leh inpumkhatna a tilang zawk fe lo maw?
8413931575
—————-
GST dan hman a nih tak avanga eng vangin nge Central Excise & Custom hovin ILP an palzut theih ngawt ang? A hma pawhin India khua leh tui chu ram chhung khawiah pawh a sumdawn theih dan a awm reng a, ILP avangin Mizoramah an zalen lo a ni a, GST hian ILP hi a hnuaichhiah thei tur a ni lovang. Mizoram sorkar hi inbih chiang thuai rawh se.
Citizen
—————-
Ramthar ni kan hmang zo chiah a, kan rama chanchin tha rawn thlentirtu, Pu Arthington-a hi khawvel thil tak pawhin a ngaihsan awm a, amah avangin ‘ringtu’ kan intih theih phah a ni a, kan Synod hruaitute leh MKHC-te thinlungah hian eng ang takin thawk ang maw? Ramthar tur leh ramthar kan neih sate buaipuiin Kohhran tinte kan phu suau suau a, chutih lai mek laiin kan khawpui berah chuan zu kan zuar a, zu avangin ruihhlo dang a pun phah a, ruihhlo chauh pung lovin ramthar tur pawh a pun phah a nih hi. Kan kawtkai maia ramthar vei tur tam tak a awm lai hian kan Synod leh Kohhran hruaitute chuan huat enah pawh en lovin, an uipui tuilian thlir ve mai mai niin a lang ta. Kohhran an chet loh chuan tunge che ta ang le? Political party-ten an sawisel lahin politic-a hamthatna duh vanga inbeihnaah kan ngaihsak zel bawk si. CYMA lahin zu ni lovin ruihhlo dang an vei tlat bawk si a. Ram dang mi, ring ngai lote ring tura kan duh em em lai hian kan unau tlu chhe mekte hi engtin nge ni ta ang le? Kristian ram inti chunga zu zuar si hi hnam dang unaute hian engtin nge min hriat a? Tunge a nih min tih le?
Khara
—————-
Tunlai hian Bank hnathawkte, a bikin cashier an ni mai thei. Hmel hriat loh chu sawi loh, hmel hriat leh mahni vengte ngei tan pawh biak leh dawr an hrehawm thu an sawi fo mai. A bikin SBI Dawrpui leh khawpui chhunga Rural Bank te, an hotu lamten in lo hriat a, in lo inzirtir deuh a tha hle mai. Sorkar hnathawk ve lo, Bank dawrtuten hrehawm an ti thin tlat.
Puipuii pi
—————-
SDO, Revenue Sub. Division-in kan electric load hman zat chhutna tur form a rawn sem kha kan dah khat thiam hlawm si lova, anmahni in tinah lo kalin rawn khawih zawk se a fel hma zawkin a dik zawk bawk ang.
CHHUANLIANA, BVT
—————
Kan CM chuan MZI din vawi 37 lawmnaa a thusawiah zirna lama hmasawnna lian tham awm turin theihtawp chhuah a ni tih a sawi thu chanchinbuah kan lo chhiar a. Hei hi theihtawp chhuah a nih chuan a beidawnthlak hle mai. Elementary school lamah sorkal enkawl ho chu a rawih chho tial tial a, engemawzat khar tawh a ni. Kei chuan kan sorkar hi zirna kawngah chuan a hlamchhiahin a tang lo mang e aw ka ti thung.
RK Sanga
—————-
ILP dan thiah a nih si loh chuan eng vangin nge GST avanga Mizoramah hnam dang sumdawng lian luh theih a nih ngawt ang le? Thil inkalh tlat dik lo tak a ni. Mizoram sorkar hian Court lamah chin fel dan a zawn vat a ngai a ni e.
Zopa
—————-
|angrual Pawl tang fan fan. Pu Duh, fak dertu lakah fimkhur rawh. Kum 2013 ang khan chapona i liampui leh palh ang e. Kum 68 lai i nih tawh kha.
Hnemi Pu
—————
MPC, ZNP leh ZEM an thawk hova, an thang duang hle. An lungrual phawt chuan an chak ngei dawn pawhin a lang. Thawhhona tihchhiat dan awlsam ber chu leader chuh tura Pu Duhoma fuihpawrh a ni tih hriain Bhavan lamin tan an la nasa hle. Kum 2013 inthlan khan mal dintir tumin Congress |halaiten lem an chang chiam tawh a, opinion poll siamin CM tha berah te an thlang a nih kha. Tunah an tactic ngai hmangin tan an la leh ta, Pu Duha hian a awih leh chuan a tla leh ang. |angrual pawl chak leh chak lohna chu Pu Duhoma inphah hniam duh leh duh lohah a innghat.
Tuaisiala
—————
Mizoram hi District Council kan nih atanga kan chh<t chuan kum 2017 hi kum 65-na a nia, India hmarchhak state te atanga kan inen chian chuan eng vangin nge kan intodelh loh em em bik aw. Kan ram hruaitute leh Department hrang hrangte leh nihna pawimawh chelhtute leh kan VC-te mipuite pawh hian kan ram hi kan hmangaih tawk lovin kan ta neih tawk lo em ni aw? Kan rama Kristian-te hi i harh chhuak ang u khai. Thlarau mi kan nihna hi kan ramah hian lang chhuak hram teh se, khua a tlai hma hian New Mizoram siam turin i inbuatsaih theuh ang u. Party ngawl leh nihna ngawl i vei lo hram ang u, kan ram a rethei tawh em mai. Kan ram tan hian enge ka tih zawk ang tiin rilru i siam thar theuh ang u.
Tlabung aw
—————-
ZNP, PC leh ZEM-te thawkho tur hi an khuang ben rual tak ang maw? Nuthlawi leh Pathlawi innei angin ka lo khaikhin ve mai mai a, a tuah remtu ZEM kan mi hriatte vek. Pathian kawrah hmangin lalna an zawng ve ni berin ka hria. Dik tak chuan lal hi a chakawm a ni ang chu. Voter-te lungkuaitu atan Pathian hming kan inlamsiak leh tan dawn a ang ta hle mai. A thuhrimah Pu Duhoma hi Kohhran Upa niin ka lo hria a, chuti chunga politik tuinu pawh a hleuh zuai zuai thei a, mi a sawi chhe tim lova, dawt var a sawi tim hek lo, Pulpitah eng thu tak sawi thin ang maw te ka ti ve mai mai a, party engzat tak la bel leh ang maw?
Chuka
—————
Congress ho chuan hnam aia Party-a an chianna tinghettu atan an GS atan Nihar Kanti Chakma a dah leh ta maw? Mizo lehkhathiam kan tam tawh tehreng nen. Pu Hawla leh a pawlte rilru put hmang chu Zoram mipuite hriatah puan chhuahin a awm leh dawn tan ta. Ram thatna aia Party thatna ngai pawimawh sorkar an ni tlat alawm le.
Tlabung Uitangrual Group 11
—————
Pu Rama leh a hote tak hi chu aw, heti khawpa lal leh chak si an hun lai khan thlan lal leh tlakin hna lo thawk se kan thlang leh mai tur. MIP an tih lah Rs.30,000/- an tiam a, Rs.4,000/-ah an tawp a, Rs.3,00,000/-ah Rs.30,000/- aia tam an pe leh chuang lovang. Referral Hospital, Tuirial Hydel Project, ek in kal thei, night vision, mawza man to, OPD chhawng bo a tam sawi vek sen
a ni lo e.
J-a pa
—————-
PRISM-a Pu Tlanthanga thusawi kha ka lo en fuh hlauh mai a. Pu Tlanthang, i thusawi ka hriat thiam miah loh chu maw, Mizoramah Chakma ho lo pawh thang leh thar lo awm tur tibuai thei tam tak an awm i ti a, kan ramah hian Chakma ho lo chu tu hnam dang nge awm? Zohnahthlak hrang hrang leh Mizo ni ve lo Chakma kan awm tih chu ka hria a, Chakma ni lo, min tibuai thei an awm ka hre lo. I thusawi kal hmang atang khan ZOHNAHTHLAK zingah tute emaw tak i sawi chhanin ka hria. Nge ni a, a tute nge ni ang le? Chakma ho hi a pakhatna lo ni ta se, a dang leh chu tute nge ni a?
MS-a Vaiphei tlangval, Selam khua, Mizo ngat
—————-
|angrual pawl ni lovin, tangho pawlte hi han tangho zel teh u. Kan ram tan hian in that ka ring tlat, a chhan chu lalna duh
avanga tlem te in ni tih inhre reng chunga ti tang tang in ni a, lal duh thah, mahniin ngai ropui hlir hi han tling vek mai ula, kan ram hruai tur hian eiruk leh induhsakna dik lo tak tak awm thin te hi in inthik ang a, zep lovin inpuang zar zel ang a, in tha phian ang. Mahse, mahni hma khua uma tlin dan tur zawnga, thawk ho duh lek in ni tih erawh mipuiin kan hai si lo, vawkpui pawh a vah a vah chuan ek thing a tawng nge nge an tih kha maw. Ui vak vak pawh hian mawngzawm tur a tawn thin hi maw.
7005873180
—————
Kum 2018 te rawn inher chhuak phawt rawh se. CM turah tun atanga buai a ngai rih love. A hun takah chuan a tur dik tak an rawn tar chhuak nalh mai ang.
Ruthii Pu
—————
Kei chu CM atan chuan Pu Duhoma ai chuan Pu K. Sapdanga ka duh ber.
9862405467
—————
Phai lam sangha kan lak luhte hi a chhiat loh nan formalin-a jection nia sawi a ni a. Ei duh lo pawh an awmin an jection lai thlalak te pawh theh darh a ni a. Hei hi kan sorkar hian a chhui chiang em? Enfiaha a thianghlim tawk em tih hriat a va tha em.
8794716138
—————-
Ni 31.8.2017-a Davida ziaktu hian thuziah a thiam lutuk nge, a thiam hlawl lo zawk? A thu leh uibeng hlin tur a va vang em, “A la chiang lo lalte va lam leh tawh” tih mai a ngai alawm, keini ang mimawl tan chuan. Thu ziah/sawi hian thiam tum leh lutuk vang hian hriatthiam hleih theih lohah a chhuak daih thei. Mi hriat tura kan duh chu mawl fel tak si, felfai deuha ziah hi a tha mai Pu PL a ang hian.
7005360457
—————
Chaltlang High School hnuaia in rel mek hi kum 20 vel liam taa sak chhunzawm leh a ni a. A len zawng hi 51ft. a sei, 39ft. a zau a ni a, a sakna a rei tawh avangin a ban rod tam tak hi a lei seh chinah a bung tawh a, a slap inches 2 vel lek lek kera zawm mai mai a ni. A ban rod hi 16mm niin paruk chauh dah a ni a, cement chhun hnuah ft khat leh inches 10 chauh a lian a ni. Lirnghing awm theihna zone 5 a awm kan ni a, a rinawm ang em le? AMC-a Engineer-te hian a rinawm tawkah an ngai a ni phawt ang a. AMC hi fimkhur deuh sela a va tha ve, a in hi a lian si, a ban rod a te-in a tlem si, a va hlauhawm em.
Liana
—————
Kum tina nuai 312.48 chuang senna, dan kalh chung chunga an siam Parliamentary Secretary post tihtawp chu a tha dawn hle mai. A hma zawng khan tihtawp theih a ni lo em ni? Ram hmasawn aia nuam tawl zawng ringawta chet hi Congress sawrkar thiam awm chhun a ni mai ang em? Kan KAWNGPUI chhia te hi an vei mawlh si lova, mang an va ti ang tak em.
RUATSANGA RENTHLEI
—————
Officer thenkhat, ei ru leh dik lo taka sum la lut ho kha hei hi kan hrilh duh che u. |halai thil dik taka tih duh kan tam tawh a nia, dan chu dan a ni tawp tih hre chiang tawh ula, in fimkhur loh chuan hnung lama sa barh angin, in zahna tur thil a la thleng thut lo ang tih in hre lo a nia. In chunga hotute hriat hmaa ngaihdam dila khawsak ve in duh loh chuan thil dik lo tih hi sim a tha. Chutih rualin a hming lamin Fakselna kaltlang hian ka fak duh che. Thianga kha kan fak che a, kan chhuang lutuk che, Zoramin hre rih lo mah che sela, private investigator tha takah kan puang a che, i dikna leh huaisenna te,i thluak thatna zawng zawng te kha Zoram tan han hmang zel la, kan Zoram chu hun rei loteah a tha ngei ang. A bikin Aizawl lam te hi rawn thlir ve la kan va ti em. Ruatsaki leh a thawhpuite, Aizawl
9615053445
—————–
