Politics hi chu a buaithlak teh zawng a nih hi. Party induhsakna awm lova zirtirtu an lak leh Party-in an tibuai a, hei raw kan Zoram hi tu party mah hian an lo hmangaih tak tak love. Lu inti hai e. Khawngaihin Primary zirtirtu inlak thar te, intihkhawtlai leh hi rawn tifel vat vat teh u. Zirlai 40 chuang awmnaa zirtirtu pahnih chauh awmna te hi rawn pe ve vat teh u. Thingtlangin kan nghakhlel tawh teh a nia. Thingtlang naupangin zirtirtu ngah ve an chak tawh a nia.
8837230997
UNO chuan Oct 1 hi, khawvel pum huapin Upate Ni atana hman turin a puang a, Mizoram Upa Pawl te pawhin an hmang \hin a ni. Upate hi kan awmna leilung lo luah hmasatute an ni a, an zarah \hangtharte kan lo awm chho zel a, an hlu takzet a ni. Ram changkang apiangin an upate an zahin an chawimawi \hin. Mizoram pawhin upate hi kan hlut chho ta zel a, a lawmawm tak zet a ni. Upate zawng zawng he ni-ah hian DUHSAKNA CHIBAI KAN BUK VEK A CHE U.
RK Sanga
9862366590
Kan Ration Card siam dan hi ennawn leh a va hun ta ve. Tuna kan hmanlai siam a nih laia BPL ni \hin kha tun thlengin an la BPL ngat ngat a, APL ni ho lah chuti bawk. A bikin thingtlangah phei chuan kan dinhmun hi kum tin a danglam zung zung mai si a, buhfai leina man a sang hlei em em mai si. Ennawna siam \hat a nih loh pawhin buhfai leina tal hi tihhniam ni thei se a va duhawm ve.
Dindini pu
8974244232
Tukin Vanglaini chhuaka hnam inpumkhatna lam rawn ziaktu, Lalrinliana Sailo rawn ziah kha a va \ha tak em! A khuh hawnna tih vel leh rukru huangtau tih vel ai chuan chhiar a manhla e.
PAVALAI
8014499153
CAB duh lo vek awm khawm kan ni bawk a, AMIT SHAH pawh lo kal se, kal lo se kori a tu vak dawn em ni? Pathiannia thlalakpuitute pahnih tih lohah chuan a thu chuan Pu Rama leh Pu C. Lalrosanga te pawh khan an do ve khawp kha mawle. Kan rilru chu kan duhdan, kan chetdanah tarlanin a awm \hin; i sawi zawngin i nihna a lang. NDA-ah hian tute emaw nihna hi chu a lang kuk mai lo ang maw?
Ringhlela leh a fate
Thingdawl khua
8730841016
Ni e, CM thiltih/hmalak tawhte chu en ang aw. Tuirial HEP suasam te, mipui hminga BAFFACOS project siama mipui hnen thleng mang lo sum tam tak riral te, MIP Scheme din a hlawhchham let der te, sum tam tak senga din, Thermal plant, Bio-mass hluihlawn zui tak te, tin tih a tum, a tih leh si loh, Switzerland of the east siam te, Chakma Dist. \hiah te, ei leh bara kum thum chhunga intodelh tura Mizoram siam te. (Hemi avang hian Agri leh Horti deptt. hi ka enkawl a ni a tih kha 1998-a an sorkar \um khan). Tih \hat pawh a nei ve nual tho, mahse han fak tehchiam tur a ni em? Ram hmangaih bertu party an intih ang hian kan ram tan hian a thawkin, a retheihpui em? Thlir zel ang.
Zotea, TT
919862539105
Dt 30/9/2019 zana Zonet chanchin thar puangtu khan ‘Union Home Minister-in Mizoram a lo tlawh dawn’ ti khan a sawi sek mai a. Kha kha Mizo \awng kalhmang dik lo a ni. Mizoram a rawn tlawh dawn tih zawk tur a ni ang. Tu-in emaw kan awm loh hlanin min lo tlawh a ni thei a; kan awmlai erawh chuan “Min rawn tlawh” a ni zawk ang. Mizo \awng hi hman dik i tum ang u.
PC Pakunga, Kolasib
9612691391
Police kan \an laiin civil kan ni lo va, enga tinge kan pensawn hnuah civil pensioner min tih leh si? Police lak a nihin kan tu, kan fate min lak sak duh chuang lo; Pu Zira bial leh Armed veng kan nih ngat loh chuan.
9862385339
Mahni lam inen let vein thawhchhuah lamah \an la tlang ila, sorkar tha ring lo hian taimak chhuah \heuh ila, kan tih theih tawkah lawm \heuh bawk ila chuan lungawi lohna hi kan pumpelhin ka ring \hin. Zonet Fakselna hi ka lo en \hin a, a rei lovin, a kham awm loh \hin khawp mai. Zonet vul zel rawh tiin duhsakna ka hlan e.
Serlui Pachuau
8787487887
Tunlai hian naupang rukbo, kal (kidney) laksak tih vel hi whatsapp group leh Facebook velah kan inthawn darh nasa hle mai a, hei hi sorkar lam hian chhui chianna a nei em? Thudik nge dawt? Mipuite thlamuan tur hian sorkar hian eng nge hmalakna a neih? Mipui hriatah puangzar ve se a va duhawm em.
LT Ralte
