Hman ni lawka Chakma lal, Devasish Roy leh kan CM, Pu Zoramthanga te inbia khan eng tak sawi ang maw? An party lah hian Press Release an siam hek lo. Thla hmasa lamah All India Chakma Student Union nen khan Delhi Mizoram House-ah an inbe tawh bawk a, Chakma Vibraint Nation tiamtu an nihna laiah ngaih a va ngam chiah lo em! Hmasawnna kan tih phenah hian ram leh hnam, sakhua chimralna hi a lo inphum ru reng zawk lo maw?
Zo Estheri
98622 89125
Kamalanagar College-ah hian zirtirtu indaih loh a na hle a, zirlaite leh zirtirtu ten an tawrh phah hle bawk. Result \ha hmuh tur a awm lo hle a, zirtirtu attested a chhuak mi sawm lai mai hmuh tur an awm ta lo hian Chawngte College zirlai naupangte leh zirtirtute min vawchhe hle bawk. Sorkar thar hian kan harsatna te hria a hma min lak sak ngei turin kan phut bawk a ni tih hi he Fakselna a\ang hian min hriatsak se kan duh.
MSU SUB- HQR’S CHAWNGTE
70859 24639
Tlai dar 6 News hi phur chang changly em ni? Hun bik a nei ve em? LPS anga news kara fakna tel lovin ti ve ngam ula, in chawi belh ang em le?
98623 21957
Pu duh takte Assam rifle te an chhuah dawn chuan tlem rawtna han siam ve ka duh a. Tuna an Hospital awmna tlang bawk khi Fire Services awm nan ruat nise. Chhim leh hmar zawngin an tlan par par thei dawn a. Tin, chhuah lam pawh eng emaw chen chu a veng thei bawk anga a \ha dawnin a remchang dawn em a ka rawn rawt a ni e.
94361 52175
Pu Robert Romawia Royte hian Saitual khaw mipuite hi min va zah lo ve aw. A hnathawhna shopping mall sak mek hi a thawktute hlawh pawh a pe \ha duh lo a nia. Mi pakhat phei chu cheng nuai sawm dawnlai a tih tan sak lehnghal. Hetiang mi hi kan ram hruaitu (Minister) atana kan thlan a ni si a, in enfiaha, thuneitute hian hmalak dan a awm lo maw? Chuta karah sorkar thar lawmna nimin maiah an nei a, an ruai siam mipui ei tur chaw leh sain a la daih lo zui! Mipui tam tak an intlara, fatu ho an inseng fel mawlh mawlh bawka, mipui an sawm zau tehlul nen mipui an tibeidawngin, an tihrilhhai khawp mai. Saitual khawchhung chauh an ni lo leh nghal. An inti mualpho khawp mai.
SAITUAL-pa
82578 02679
India chuan firfiakte a bomb ta ulh ulh mai maw? A ropui e.
Mahse, engatinge mawni a hma pawhin firfiakte tàwmkuk hi an hretawh tihna a nia, MP Election dawn hnaiah chauh an Bomb lë? Political game chikhat chu a nih hmel.
Lba Pa
84140 29478
Sorkar hmasa kum 10 chhung khan kawngpui siam\hatah hmalak a nei mumal lova, mipui kan buai takzet a nih kha. Assam Rifle sawn phei kha chu a thawi pawn sawi rik a awm lo. Tunah hei AR sawnna order a awm ta rup mai. Kum 10 lai kan lo lal tir kha a pawi ta hle mai a nih hi.
RK Sanga
9862366590
Minister zuitu mi 3 lai nun hloh an awm hi a pawi takzet. Chutih rualin mikhual lam an reh riau mai. An veng vairampur lamah an haw zo ta em ni? A pawi love, Mizo kan tam tho a lawm.
Carolini Pu
9862216410
Zonet leh Vanglaini palaite Myanmar leh Mizoram inrina a an va kalna khua kha in 25 vel lek kha an ti a, dan lova khaw din mai mai a ni lo maw le? An in leh lo, a hmun hma te en khan a la rei loh hmel e mai. Ram veitute khan han sawi chhunzawm te u.
Pavalai
8014499153
Mizote ram hrang hranga awm insuihkhawm turin kan sorkar hian a ngaihna an hre berin a rinawm. Chuvangin a rang lamin hma la nghal rawhse.
Duata Pu
8730099759
Kan ram intodelh nan kan ramah hian eng thlai nge chin \ha a, kan leilung leh boruak nena inmil leh hlawk tur tuna kan sorkar hian zawng chhuak se, ram dang tan pawha chhenfakawm tham thar thei turin mipuite zirtir se a lawmawm hle ang.
VL Ruata
8257065411
Kan ram mau tam tak Pathian dah sa hi a hman \angkai dan a awm ngei ang. Kan sorkar pawh hian mau chi dang chin belh kher lovin, kan mau neihsa te hi hman \angkai dan zawng tehse.
Lalrinfela
8014168221
Sorkar thar a lo piang chu Zoramin hmel thar a hmu ta zut zut mai. Congress sorkarin tih ngaihna a hriat loh leh ngam loh Aizawl hmun laili a sipai hnawk tak mai chu Zokhawsangah a sawn chhuak ta rup mai. Hei lo pawh thil thar a thleng ta zut zut mai. Mizoram a nih angin a neitu MNF party ngeiin kan ram a hruai hi a va inhmehin, a va thlamuanthlak em aw. Kan ram nu leh pa ber, Pu Zorama hi chu a chapo ve lova, biak a nuam a, a rilru a \ha bawk. Kan sorkar hmasa nen chuan inthlau tak, lei leh van ang a ni. Mipui huap zo SEDP hmangin Pathian hruainain Zoram hi min chawikang dawn a ni. Zoram mipui zawng zawng ten \awng\aina nen i \awiawm zel ang u. Kan ram a dam dawn e.
Chhimkun pa
9612573684
Brute chuan electoral roll a thun an dilna kan pawm si chuan kan duh loh CAB kha lo pawm law law ila a \ha mai tur. Kan ram mi pawh ni lo mahni duh thu ngei a chhuahsan te kan lakluh leh tho chuan kan buaina a thui sawt dawn a nih hmel. Hnam dang te par\hi kan awrhtir zing tawlh tawlh ta mai zawng a nih hi. Eng tikahmah kan harh thei dawn lo a nih hi. Zoram hi Zofate Jerusalem a ni a, hnam dang te thiam takin kan laluta, kan buaina thlentu an ni zel dawn a ang khawp mai. Lo thlir zel phawt mai teh ang.
Fela pa, KK
