CM Guard-ten driver an sawisak chungchanga sorkar lam dawt sawi hi chu lo dah \ha ta ila, driver enkawlna senso, mipui sum a\anga pek ngawt chu mipui tan hriatthiam chi a ni lo. A kut thlaktu, Police-te ngei khan an tum tur a ni. Mi sualin an sual man an tuar zel lo hi kan ram enkawltute nepzia leh tlin tawk lohzia pho langtu niin ka hria.
RK Sanga
————-
Chanchin thara kan lo hmuh danin Pu Hawla leh a pawlte chuan Biakzuala chungchangah Rs. 50,000/- pein thu tawp siam an tum ta mai niin kan lo hria a, kan ram hi dila chungu awm khawmin an lal atan kanghlai an dil a, a tawpah chuan a ei zo ta vek maia tia Esopa Thawnthua an sawi ang kha kan ni mai lo maw? Dan leh dun pawh a awm tawh lo, an duh dan danin min hrual a, zu hmanga mipui min hrai hlum zawh hma hian Zoram hi Zohnahthlakte rama siama din thar turin i harh ang u. ZORAM hi kan ram a ni si a.
Hnam Arsi hruaitu, ZORAM SAKEI
—————-
Kan Venga Officer pakhat chuan a hlawhin a phak lo tih hriat ngawih ngawih in \ha deuh mai a sa luah mai a, \henawmte pawhin an sawi sep sep \hin. Mahse, kohhran lamah thawhlawm a thawh tam avangin kohhranah pawh dinhmun sang a chelh tho mai. Hetiang hi in vengah an awm ve fur lo maw?
Aizawl pa
————-
Tukin chu hmeichhiain Zing Daifim a rawn chhiar a, ngaihthlak a nuam ta khawp mai.
8415843194
—————-
Kawng min kian \ha duh lo Truck hi ka tawng fo mai, truck ke kah puahsak zeuh zeuh hi a \ul fo dawn em ni ta le?
9612614959
———–
Tripura Chief Minister leh Mizoram Chief Minister chu an va inang awm lo ve. Ama pualin Mobile phone pawh a nei lova, khutianga mahni ram tana thawk tak tak khu alawm Mizoram pawhin kan mamawh le.
Ruatdiki pu
————-
Congress ho hian dawt sawiin Zoram mipuite hi min bum tum fo tawh lo rawh se, a \hing lutuk, ram hlui zia a ni. An hneawm lutuk tawh, dawt sawi reng ringawt mai! Chutih laiin zu an zuar a, mi pangngai kohhrana inhmang tak tak, Congress ruh em em leh vote thei reng in la awm hi mak ka ti tawp thei lo!
SANGA
———–
Tun hnaia Chief Minister Pilot-ten Serkhana Sihphir pa kut an thlak chungchangah kut tuartute leh sorkar an inrem thei hi a lawmawm khawp mai. Chutih rual erawh chuan Congress party-a media cell lam erawh an demawm deuh chu a ni lo maw? Hetiang a nih chuan an thu leh hla reng reng awih loh chanin kan chang zel tawh mai thei a ni.Thil dang han sawi leh daih ila, Fakselnaah Zing Daifim huna chanchin thar rawn puangtu mipa rawn sel \hin kha a awm a, kei chuan a chanchin thar puan hi hriat theih loh ka neih ka hre lova, a aw pawh hi ngaihnawm ka tih zawng tak a ni tlat, rawn puang zel teh se.
Mesaka pa
———-
Pu Hawla nge nge chuan Zofate min hawl hlum zo mai ang tih a hlauhawm khawp mai. Tunah pawh kan tuara an tlin leh phei chuan a uifing Pu Zira leh a ui pa dawp Pu Romawia leh a hnung zui, Pu Sawta nen kan hmuh leh peih ka ring tawh lo. Kan hmangaih kan chan tam em mai.
No. thup
———–
Ram chu a leilung mai ni lovin, a chhunga cheng mihringte hi kan ni. Central YMA hian Mizo \halaite humhim tura ruih theih thil zaa 80 tihbo an tum hi Pathian pawhin \anpui se, sorkar leh kohhran hrang hrangten thlawpin pui mawlh rawh se.
VL Ruata
—————
PRISM-in President leh PM hnena lehkha in thawn hi \ha ka ti khawp mai. Kan ramah hian sual inhneh tir mai lovin keinin sual i ngam zawk ang u aw. Rorelna dik chu luipui angin luang mawlh rawh se! Lalpan dik lo taka roreltute chunga phuba laka ro a rel ve tur thu a sawi!
Lalmalsawma Vaiphei, Lawngtlai
—————
Central YMA-in ruihhlo zaa 80 tal tihbo tuma hma an la tur hi a va lawmawm em! Sorkar pawh hian thlawp se, zu permit hi titawp se a \ha ang. Kohhran pawhin thlawp se, piantharna \ha tak a ni ang.
Duata pu
———–
Super bug kan tih hi escherichia coli (E-coli) kan tih hi a ni mai awm e. He E-coli hi kawng hniha \hen a ni a, pakhat zawk chu ETEC a ni a, pakhat leh zawk chu EPEC a ni ve thung a, ETEC hi Enterotoxigenic Escherichia Coli a ni a, EPEC ve thung chu Enteropathogenic Escherichia Coli a ni leh a, ETEC hian tur a pe chuak a, chu chu chu kan eka hnang fim leh eng rawn chhuak te hi a ni a, EPEC ve thung chu natna siam thei a ni a, a awmna tur rilah a awm tawh chuan muang changin ril leh pumpui bangte chu a ei pilh ta \hin a, pumpui Endoscopy-a kan en chuan ulcer te, erotion pumpui lawng te a lo awm ta \hin a, heng hi a nia kan buaipui tak chiam chu ni. He hrik hi resistent bacteria an ni a, a damna tur damdawi hi khawvelah hian a la awm meuh lo ni pawhin a lang.
9612238063
————-
Kan ram hruaitute hian engtikah nge retheihna awmzia hi an hriat ve ang aw? Kan thlai chinte hi a \awihral mai mai hi kan phal bik lo asin. Kan sorkar hnathawkte lah hian hlawh san an beisei a, chan tawka lungawi hi a har a nih hi. Kuminah MLA inthlan kan hmachhawn leh dawn a, retheihna awmzia hriaa kut hnathawktute hmangaihtu thlan chhuah a hun ta. Hawh u, i \angrual ang u.
VALPUIA BAWITLUNG, CHAWNGTUI EAST
—————
Thuthar theh darhtute hi an hnaah hian an che rangin an fakawm hle. Mahse, duh thawh thilah thil thleng a hmuna finfiah theih hi chu finfiah a, mipuite hmuh theih hian min tarchhuah sak thei se. Entir nan tunlaia lar tak Pickup Driver leh CM pilot te chungchangah te hian Driver sawi ang hian a hnunga motor lo kal hi pass maina tur a awm lo nge? Keini Serkhan kawng la hmu ve lote tan chuan tunge dik a, dik lo hriatthiam a har.
8414897552
—————-
Vawiin Vanglaini chanchinbu chhuaka Pu Rochungnunga article “Condom fakna leh dan kalh” tih a ziah kha a va dik tehlul em, lo chhiar ve teh u. MSACS-in an ngaih pawimawh ber thianghlimna virginity tar chhuak ngai si lova naupang nun tikhawlo thei condom hman sawi mawi vak vakin nun a tihkhaw loh theihzia leh thil dang tam tak…a va sawi dik tehlul em.
9862344897
—————
Tunlai hian Aizawl khawpuiah thih thut thutna te a tamin, mitthi vuitu tur sakhaw rawngbawltu lamte tan vui hun programme dawn \epa kal ching an awm nual mai. Mitthi vuitu tur Pastor/Kohhran Upate phei chu hun tepter taka kal loh hram hi a Pathian thua, rawngbawlna thilah pawh a mawi. Hetianga mitthi vuitu tur te tlai tak taka kal hi kei ngei pawhin ka tawng fo mai. Insawisel em nuam si lo, thil \ha lo tak leh chin chi ni miah si lo a ni. Hetiang bawkin sorkar lam VIP-te pawh hian mitthi vui tura an kal hian vui hun programme \an hmaa thlen hman tum hram teh se. Mitthi inah VIP seat dah a ni si lova, a lo awm mipuite ti phawk lektu an ni fo bawk.
PH FANAI
————–
Harsatna kan tawh hian PATHIANin min hrem tihna a ni lova, min buatsaih tihna zawk a nia. I natna ni lovin a thil tum chu ring tlat zawk ang che.
Angaihtei, Lungsum
————-
Sihphir driver kut thlak chungchangah hian kut min thlak, kut kan thlak lo, kut an thlak lo tih thuah dawt leh thu tak chu fiah takin a lo lang ta a. Engatinge hmuh phak maia finfiahna awm reng theih laia \an bik nei rana dawt pawisa miah lova chanchinbuah te hial, a huhova dawt kan sawi ngam mai \hin le? Driver hi a thiam emaw, thiam lo emaw kut zawng a tuar chiang a, kut kan thlak lo titu leh kut an thlak lo titute hian Mizo mipui lakah dawt muhlum an sawi avang hian thupha chawi ngam se. Khawhar ina kan lenin mimal mai lawm kan ni lova, vantlang lawm kan ni. Kan \an zawngten pawi an khawih a, an dik lohna thup pui kan tum hian vantlang pawi kan sawi tih hriat a \ha. Mi lian leh mite hi kan pawimawh vek, kan pawimawh hun leh hmun a dang mai a ni.
Puipuii pi
———–
Mizo lalna titawptu India sorkar hian tun thlengin kan Mizo lalte zangnadawmna a pe lo hi Mizoram sorkar hian hma lakpuina a neih loh vanga hlawhtling thei lo a ni em? Hmelma laka kan ram humhimtu kan lalte hi hlamchhiah loh a va \ha em?
MS Ralte, Mizo
———–
Inthlan boruak a hnai leh ta a, Tuikuk thawm pawh kan hre leh ta. Tuikuk tih velah kan la buai kan la buai mai si a, ram ropui kan thleng har awm.
No. thup
———–
Zoram hruaitu atana kan mihring duh nge kan vote dawn a tling tur party a kan rin? Politician leh ram hruaitute kan dem chiam chiama, mahse kan vote hlutna kan hriat chian loh avang leh mi \ha lo kan thlan chhuah vang a ni si, kan in ang rengin ka hria. Pu Hawla duh chuan Congress candidate tu pawh vote mai tur. Pu Zorama duh chuan MNF. An pahniha kan kham tawh a nih chuan mi dang vote leh mai tur. A pawimawh ber chu kan chhia leh \ha hriatna thiang hmang hram hram ang u.
Mary Pa
———–
