Kum 2018 MLA inthlan chu thil thar, kan ram mamawh dik tak mai coalition sorkar a piang ngei dawnin a lang tlat mai. BJP hi an chak si a, Chakma Area-ah 2, Bru Area-ah 1, Mara Area-ah 1, Lai Area-ah 1, an vaiin mi 5 an tling ngei dawn sia, Congress leh MNF party lian intiten sorkar siam theihna khawp MLA an hmu zo mai dawn lova, ZPM a\angin mi 2 khat te chu an tel ve hmel si a, BJP-te hi deciding Factor niin Central sorkar chak takte thawhpui thiam thiam an ding chang mai dawnin a lang ta.
9612573684
—————
ZPM-te’n pawl dang sawisel suh u, mi puitling tur in nih kha. Sawisel suh u, sawisela in awm loh nan.
9612238063
—————
Congress sorkar term hnih aiin President zan khat riaka lo zin kan \angkaipui zawkin a lang mai dawn alawm le. Nihte phei chu a ni kher lo ang a.
9436153688
—————
Zan rei tawh lama \henawm khawveng pawisa miah lova bengchheng \hinte khan tun chinah chuan mi hmai eng zah ve deuh tawh rawh u. In hnung lamah miin an sawi duh nasa che u a nia. Mahni chauh inngaihtuah mi chu misual ber leh rilru chhe tak an ni chawk.
No. thup
———–
Kan ram rorelna nep lutukin ZPM a nghawr chhuak a. Kan ram din chhuahna tur a ni mai ang em? Mipui kan pawimawh ta hle mai.
RK Sanga
————
Sawrkar hmasa kihhnawk ti fotu khan Affidavit lamah hian a lo kit hnawk ve reng a ni lo maw?
Thingtlang pa
—————-
Kawng tawt lutuk tiziaawm tura sorkar thuchhuah hi lo thlirin, ka lo ngaichang ve a. Lirtheiah an han \an ta a. Thu awih lo hremna tur ber “sum inchawitir” nitin Rs. 500/- hi a tam leh tlem ka sawi lova. Ti lo tura Dan kan siam a nih rau rau chuan sum duh vang ang maiin ti nghal mai lo se. Hremna thil tih a nih si chuan lirtheite chu khawpui dip dal phak lohna hmun hla taka dah zel hi a fuh zawkin ka ring.
PH FANAI
————–
Tukin chu SIPMIU bawlhhlawh paih motor tharah bawlhhlawh ka han piah ve a, a design hi a fuh lo hulhual a nih hi maw le. A kawngka awmna a sang lutuk a, tuman kan ban pha lova, a buaithlak dawn khawp mai.
DAWRPUI PUTAR
—————–
Congress sawrkar Pathian nung bia hruaitu nei meuhin Pathianniah pawh kawng siam hnate an thawh tak mup mup mai le? Kristian ram khawpui berah Pathianni pawha hnathawh a ni ta mai hi a va mak ve. Chhinchhiahtlak a va ni em!
Zorama Pu
————
Kan sorkar hian Aizawl khaw chhunga tlan tur hian two wheeler taxi permit a pe a. Two wheeler taxi khalh mekte hian professional Licence an neih leh neih loh hi sorkar hian a hria em? Nge an khalhtir ve tawp? Professional Licence nei lo chu khalhtir lo se. Professional Licence nei lo tan Public Service Vehicle a khalh theih loh tih Dan hi sorkar hian khauh takin kalpui rawh se.
RLB Sanga, Mvt, Aizawl
————-
A ni ngawt mai, vai lal lokal hian city area tal ka’n fang teh ang ti thut mai se Pu Hawla leh a cabinet ho hi an meng bial pawp pawp mai law’ng maw?
CL Durtlang
—————–
Tun \um Police lak chu fair takin kan la ang an ti a. Written kha a fair lo hle a ni ang ka \hianpa fanuin min hrilh danin kan bula mite nen kan tih a inang vek a, essay phei chu ka ta an copy top lehnghal, ka tuar na kher mai, zan pawh ka mu thei lo reng reng, anni kha an tlin chuan ka tlakna bik tur ka hre lo reng reng a ti. Hnem vak ngaihna ka hre lo chuan an lo fair lo tawp a nih chu ka ti ve ta ngawt a. Enge a chhan ni ang? Complain chhungin medical an ti leh hman si a, a lainatawm takzet a ni. Tun hnuah chuan hetiang hi thleng tawh lo se. Endiktute pawh hi fimkhur deuh tawh sela a \ha khawp ang.
TC VARTE
——————
Phullen khaw chhehvela NREGS hnuaia hnathawkte in khawngaihthlak hle mai. Aibawk BDO hnuaia thawkte chuan chawplehchilhin kan dawng zel asin. VC te pawh an \ha hle bawk.
LB-a Pa
—————–
Garage chungchangah hian mikhual, entir nan thingtlang a\anga lo zinte tana ngaihnathiamna lam chi sawi rik ka la hre lova, zanah kawng sirah te an hung lo thei dawn si lova, an man zel dawn nge, engtinnge an tih ang le?
8974928714
————–
ZONET Channel zawng zawngah hian fakna hi a tam lutuk ka ti. An fak rei thei si, vaiho fakna aiin a lo rei ta, tangka sum ngainatna hi sual tinreng bul a ni. Faknaah pawh hian a mawi tawk leh channel tizahawm tawk hi a awm asin. Minute 15-20 vel hi chu picture karah fakna hi a ni \hin a ni. A ninawm mah mah zawk.
Lalhriathlua Pa Sailo
————-
