Assam leh Mizoram inrinaah hian Central pawhin tumahin kutthlak loh tur a ti chungin Mizoram huam chhungah Assam Forest ten quarter sa-in an awm ta reng bik mai a, MIZO te hian kan ngaimawh hle tawh che u a, thil pawi zawk a thlen hma-in Central lam hian min rawn chinfel sak thuai se tih leh Assam Forest te pawhin he thu hi min lo zawm sak ngei turin kan han hriattir che u a, chutih rualin sorkar laipui pawh dik taka hma min laksak ngei turin Fakselna kaltlangin kan hriattirin kan han ngen nghal bawk a ni e.
ZORAM SAKEI
9862014844
Bawlhhlawh paih tur hi Bur min peka min hrilh ang khan \awih thei leh thei lovah in tin hian lo thliar ila, a bak chu a hmuna thliar tura rawihten thliar sela a dik ber ang. Aizawl pa
8729984567
Mizoram khawpui chu kan Chief Minister chuan a vei takzet niin a lang. Kawng chhawng, Fly over ni lovin, Zemabawk nge, Bawngkawn a\ang zawkin kan kawngpui chungah hian a rawn inphah phei zui mai dawn a ni awm e. Kan Chief Minister a fakawm em em chhan chu MLA pawh a la ni hauh lova, hetiang em ema Zoram a vei hi a lawmawm takzet a, tunah hian a vei te zinga langsar zual deuh deuhte District pathum pek, Assam Rifles sawnchhuah, Zemabawk & Kulikawn kawngpui chunga kawng chhawng siam leh nuai thum sem tih te a ni a, thildang tam tak pawh a la awm ang. Hengte hi a tidik a nih phawt chuan inthlan lo awm leh turah pawh a tlin leh ngei a rinawm. Mahse a tih hlawhtlin loha, a nawi leh viau si chuan san lam aiin hniam lam a pan ngei ang. Mipui enthlak mek an ni e.
Neutral party
9862384183
MPC party-a awm hran la duh fotute hian an policy \ha tak hi tihhlawhtlin an duh chuan mi tlemte tana tihhlawhtlin theih lohzia hi an la hre lo em ni aw ka ti deuh. ZPM-ah hian tihhlawhtlin theih a nih dawn avangin an thiltih hi her rem leh thuai se a \hat ka ring tlat.
PK Pachuau Klb
9612691391
Zonet hi a lo chhuah tirh a\angin tun thlengin ka la pawt ngar ngar a, tunhnai engemaw hunlai a\ang khan chanchin thar puan dan hi \henkhat tan hleih neih deuha puang \hin in ang ta riau mai a, inenlet ve deuh thei ula a va lawmawm dawn em. Party lam ang chi phei hi chu thu lai la taka puang zel turin duhsakna ka hlan a che u. Zonet vul zel rawh se.
Berbera Pu
8837417392
Congress Ministry hunlaia MZP ten Zophai hmuna Zofate Chawlhbuk sak an tum ang khan MNF Ministry-ah hian sak tum ve rawh se. An thei lo a nih chuan ZPM Ministry hunah tum leh rawh se. Chutichuan MZP thil tum hi a khairual kan tithei tawh ang.
LB-a pa
8414029478
Tunlai kan ram dinhmun han thlir hian ram kaihhruai hna hi \awng tam leh innghahna nei \ha anga insawi theih ringawt a nih lohzia kan hre dawn \an ta.
Tunah hian zawng kum 30 chhunga kan kal dan phung pangngaiin kan kal leh dawn ta a nih hi. Hei hi keimahni duhthlanna ngei a ni. Chuvangin tumah i vui lo ang u.
Mi thiam, fing leh huaisen thlanchhuah nachang kan hriat hunah thingtlang, khawpui kuthnathawktute hian hma kan sawn ve ngei ang. A kilkhawr ber thleng hian kan la mawl tluang zel zawk dawn em ni?
Jonathana Pu
9366630785
Ka pu kan sorkar chak tak leh \ha tak mai hian Aizawl leh Falkawn inkar kawnga in sate hi ngaihven rang se a va \ha em! Reiloteah Aizawl nen a inzawm thuai dawn si a, in satute hian kawngpui hi an hnaih em em hlawm mai hi a \ha lo hle mai a, hemi kawngah hian a rang lama hmalak a va \ha em!!
Tin, Hualngo khaw hnuaia kawng chhak kawng lei tla dawlna lungrem saw kawng lamah a awn nasa hle mai a, a zawn a kal an awm laiin a chim anga a delh ang tih a hlauhawm hle mai. Vanduaina a thlen hma ngei hian ngaihtuah a van \ha em!!
8119870233
Assam nena ramri tih reng mai. Ka pu Ramte han chingfel dawn teh u. L. Ramdinliana hi lo sawm tel ve bawk ula. Thil chinfel awlai tak a lo ni reng mai thei a sin. Sorkar kalta zawng zawngin an sawi fel thei lo kha chu a nia! Dawhkan kila sawiho erawh a \ha. Silai nen thawh chi chu a ni lo ang. Kawng an dan chuan Alu leh Dal a to thei em mai.
Ruatdiki pu
8974244232
Tunlai Zonet chanchin thar hi a va entlak ta lo ve. Chanchin thar han en hian ZPM fakna news tih mai turin ZPM sawimawina a va tam em. Chutih laiin sorkar thiltih \hat puan awm ngawih ngawih puan miah loh an ngah leh si a. Hetiang zela Zonet hi a kal zel a nih chuan mipui lam hian an sawisel nasa lehzual ngawt ang. A pawimawh berah chuan Pu K. Sapdanga hi thlak vat rawh se tih hi mipuite duhdan a ni. Tunhma kha chuan Zonet hi mite fak a ni \hin a, tunah chuan miten an hmu hniam telh telh tawhin a hriat tlat.
LF-a Fanai
9612898237
I lo ngaihtuah ve ngai em? Kan sorkar hian kan ram leh mipui, chhungkuate tana ham\hatna tur hian eng te nge, eng thil nge an tih dawn i lo thlir teh ang. Tuna a lan dan chuan thil tak tak hi an ti ve dawn ta a ang kan ti dawn nge? “Pu ber \awngkam chhuak hi amah v>kin a umpha lo lutuk” tihte sawi rik a awm nual mai a, mahse hei hi verbal a ni thei tho bawk. A tak ngeia a practical-in an tih leh tih lohah a innghat a ni ber e. I lo enchhin phawt ang.
RAMHMANGAIHA, AIZAWL
9862384183
ZPM hi kum 2018 MLA thlanah khan mipui rin an hlawh \an viau dawnin a lang a, amaherawhchu thla 2/3 lek a ral hnua mipuiin an hnawl tawh Congress an han thawhpui leh ngawt kha ramhmangaihna aiin thuneihna chan ve hrim hrim duh an ang ve ta zawk? Tunah phei chuan MPC an tel tawh lo bawk nen mipui hian kan ring ngam tawh dawn emaw ni le.
VS Chhakchhuak
