BJP hruaitupa chuan India chu ‘One Nation, One Language’ a ni tur a ni a ti a, India ram pumah Hindi \awng hman vek tur a ti. Kan \awng a bo rual rualin Mizo hi a bo dawn tihna a ni. Hmel leh pumrua inang pawh kan \awng hmangin kan inhrehrang thei \hin a ni. Kan sorkar hian a duh loh thu chhakchhuak ve ngam hram teh se. South India lam hruaitute chuan na takin an sawisel asin. Kan pianpui \awng a bo rual rualin kan hnam a bo dawn si a. Hnam tenauho chimral tumna a ni.
SK John
94361 54166
Zofate harh a hun. Kan \awng hrang hrangah hian kan pipute’n duhlian\awng an tih hi Mizo \awng kan ti bik a, i sim tawh ang u. Kan \awng chi hrang hrang, Hmar \awng, Mara \awng, Thado \awng, Lai \awng, Paihte \awng, Hualngo \awng, Hakha \awng leh a dangte pawh hi Mizo \awng vek an ni tih i hre tlang teh ang u. Duhlian \awng hi chu kan \anrual \hat theih zawkna’n kan \awng pui berah i hmang ang u.
Kan inpumkhat a kan \an rual a \ulzia hi i hre hle teh ang u.
98623 61451
Congress Ministry-in hmasàwna engmah an kalpui mumal lo ti \hintu MNF Ministry chuan Building leh adt. hawngtu nih an inchuh ta sup sup lawi si. Congress Ministry hnathawh an hawng ta mawlh mawlh mai chu ni e.
Puipuii Pa
84140 29478
Doordharshan leh local TV lamah hian Mizo \awng uar thar pawimawhna kan sawi zing ta hle mai, diktak chuan Mizo \awng a sap \awng zeh tel thuah hian a uar leh hmang nasatu chu lehkhathiamte in ni. NGO leh sorkar hming phuah zawng zawng te hi sap \awng ni se kan ti \hin. Lengzem chanchinbu enkawltute ngei paw’n Mizo \awng humhalh nan sap \awng hman tlem ni se tih an sawi ta, anni pawh hi an him bik em, lo inenfiah se. Mizo Idol, Fiamthu Fest tih te. Thil dang danga thusawinaah te kan mithiamho hi a bawhchhe nasatu in ni kan lo ti ve mai mai.
Thlirtu
96124 47707
Veng lunlaiah bawlhhlawh \awih thei leh \awih thei lo thliar tum eltiang mahse Aizawl veng hmawr lamah chuan kar khatah vawi hnih chiah truck pangngaiin an khawn a. Tu tan mah thliar hran theih a ni lo. Tuirial lamah an paih khawm a nih phei chuan Dawrpui leh Chaltlang vela thliar hran awmzia a awm lo. AMC-in thla tir zirtawpni hmasa berah e-waste khawn a ni ang an ti. Ka lo dah chhuak a, an rawn khawn lo chiang kher mai.
Ralte Bengchheng
87946 59715
Rawtna ka’n siam ve teh ang, Mizo \awng dik kan hman theih nan, ka vei em em si a, kan sorkar hian hna a lak dawn reng reng hian Mizo \awng pawl 6 chin tal thiam an la \hin a, chu aiah chuan Mizo \awng zirna thla 6 zo vel emaw hi hawng sela, kan mithiam ten min zirtir sela, chumi zirzo chin chu sorkar hna lak pawn phut tel sela, hma kan sawn phah ka va ring em. February pawh hi Ramtuk thla kan ti tawh anga.
Damdami pa
9774971361
Zonet ti hlutu pakhat chu Fakselna hi niin ka hria. Chutih rualin kan thu hian belhchian dawl bawk se. Tumah indim pawh a ngai lo. Fak tlak chu fak ila, sel ngai chu sel mai tur. Hetiang kan ti a nih pawhin mahni hi fihlim i la a \ha ngawt ang.
Carolini pu
9862216410
Kan hotupa ber han bih uluk deuh hi chuan, buha intodelh chungchang hi chu a hmuiah chiah hian a la awm rihin a lang. Pu Denga khan kum 3 chhunga intodelh a tum thu a puang a. Thil theih a ni. Bulldozer te leiin an vai liam kha. Mahse hmalak tak tak hmain an tla leh ta si a. Buh hi kum khata ei tling, kum khata vawi 2 thar thei te a ni. Hna pui ber a neih phei chuan kum 2 chhung pawha intodelh theih a ni ang. Kan sorkar sukthlek en hian hemi kawnga a hmalakna kan la hmu lo chu a ni. Chulai hmun chu buh chinna atan an siam thar ta, tih thawm kan hriat hun hunah, “E! kan sorkar chuan buha kan intodelhna turin hma a la tak tak ta,” tiin kut kan beng thei chauh ang.
RK Sanga
9862366590
Tunlai Facebook leh Whatsapp-a Pradhan Mantri Awas Yojana (PMAY) dawng tur lehkha pawl, phone leh in lem chuang kan dawn hi in thar lawmpuina a ni an ti a, Chanchin tharah engmah puanzar a awm bawk silo, keini rethei mawlmangte tan hian “Hlimna nge \ahna maiah i lo pian le! Kei lungmawl hian ka dawn thiam lo” an tih ang mai khan eng nge a awmzia tiin kan inzawt sup sup mai si a, mawhchhiat tur lo zawng tawk lah bo lo. Mauruangi hi Bingpuii a nih vaih chuan maw! Mawngsawhdawm dawm tih kha a ni mai. Chuvangin sorkar paw’n mipuite thudik hriattir thuai hi a mawhphurhna niin a lang.
Tlabung Uitangrual
9862014844
Kan sorkar ve lai kha chuan inhlawhna tur zawnga vah vah kha kan ngai lo a sin mawle. NLUP leh contract kha kan hmu deuh reng mai a. Party dang ngaihtuah lek lo khan kan induhsak kha a lo \ha lo khawp a ni tih ka hre chiangta.
Hrechianga
8974244232
An mihringpuite ai mah a an hmangaih leh an duat zawk, mi tam tak te ei phak loh, sa leh hmuihmer an ei duh zawng man tam tak taka lei \hin te, an damloh leh eng emaw hleka pawisa tam tak tak seng \hin te u, in ui vulh te kha’n in \henawm maiah pawh khan mi harsa tak tak, ei tur \ha hmu pha lo an tam mai! In ui pawh tluk lo damdawiinah leh hmun tam takah an awm a sin. Keini ngei pawh kan \henawm te ho hian ui an vulh nasa khawp mai, ui bauh bengchheng leh ui zun/ek chiah hi kan hlep ve a ni. Engpawh ni se, mi khawsa thei ho ui pawh tluk lo mihring hi kan tam hle tih hi a chiang, an ui enkawlna te hian Pathian rawngbawl se, thlarau bo tam tak chhanchhuah theihna khawp a nih a rinawm. Ui pakhat maiah pawh hian an sengso nasa lutuk. |henkhat phei chuan ui note pakhat manah pawh nuaikhat ai a tam te an seng mawle! A chaw a la tel lo leh nghal!
PAVALAI
8014499153
Politician, ram hruaitute pawh ni \hin, politic a chawlhsan avanga a thubuai neih chhui zui loh tura ngaih hi thil dik lo tak a ni.
Thlirtu
8729984567
Zonet Lungdum leh MDM live wire session programme-te hi kan lo thlir \hin a, a hmuhnawmin en pawh a manhla khawp mai. Zaithiam inkawm te pawh an hmuhnawm viau. Amaherawhchu, kan lo chang ruk ve em em \henkhat heng – David-a, Richard Chawngthu, Thangromawia leh Zorinzuali leh zaithiam midangte pawh hi eng tik nge in lo kawm ve ang? Kan nghakhlel viau. |henkhat, anniho aia lar lo leh YouTube viewers pawh nei tam lemlo te in kawm a, a \hen phei chu MDM live wire session-ah te pawh an zai kawp hial a, hruaitute hian induh sak deuh bik nge, midang ka rawn sawi te khi an la hman remchang lo? Engpawh nise, inkawm hun kan lo nghak reng e. Zonet vul zel rawh se.
ZONET Fan Ruhkawl
