NLUP a hlawhchham tak avangin Congress-in NEDP hi an vawrh lar leh ta a, engzat tak bum leh thei ang maw? An party mi leh sa bak hi tumah an develop hi ka ring lo tlat, an mizia han en hian. Pathian pawh hlau lo an nih avang hian a ni lawm ni zu pawh an zawrh?
Ramhmangaiha
————-
Kan sorkar kawngpui chhe vei ngai lo, khaw kar kawng chhiat lutuk avanga khaw tam takin sorkar kar nana kawngpui an block thin pawh a ngai pawimawh ngai miah thin lo khan inthlan a hnai ta deuh a niang, kawng chhia an vei leh tan tawh em mai. Nakin lawkah chuan MLPC Act pawh hi an la hlip lovang a tih theih loh. An che phakar thiam em mai. Kei chuan hetiang sorkar hi ka hlauh zawng tak an ni.
Sawma pu
————–
Muster Roll-te hi sorkar hian ngaihtuah ve teh se. Department-ah chuan hnathawktu ber kan ni a, luman nei lo, pension pawh nei lo hi sorkar hian a en liam mai mai kum tin dawn em ni? Pension nei lo hamthatna, engmah nei lo, zum leh hriam kara thawk thin, chetsualna avanga thihna leh piansualna tawkte tan hamthatna ngialnghet min siamsak sela, sorkar hian min en liam mai mai tawh lo hram se.
Ruattea
————-
Kum 10 dawn chu a lo ni dawn ta. Hemi chhunga vengchhung mic atanga NLUP chungchang an au/puang ka nin lutuk avang hian kum 2018 inthlanah chuan Congress tih lampang hi chu ka hawi tawh mai mai lovang.
Tluangpuii pa
————
Khatla kawn, Secretariat kawng peng thleng hian kal a va hrehawm ve. Ruah a surin diak si, ni a satin a khu bawk si. Kawng siam tha theite khawnge in awm tak le? Khawpui hmel tibàltu a ni e. Mi lian hote kalkawng ber hi ngaihsak a va hlawh har ve.
98623*****
————-
Mizoram BJP-ten Mizoram sorkar hnuaia ACB-te Mizoram CM leh a hote nasa taka an lo hausak tak thut dan chhui tura an ngen/pun hi a hlawhtlin har duh hmel! “Min chhui buai duh lo mai rawh u” ti ta se engtinnge ACB hian a tih ang le?
Citizen
————-
Ram hruaitu tha nei turin mipuite kan that a ngai tih hi a ri fo. Hei hi a dik lo, ram hruaitu chuan mipui a hruai tha tur zawk a ni. Khawvelah hian hruaitu nei tha apiangah mipui an tha a, ramin hma a sawn mai a ni. Kan ram ang mipui nawr kal ngai hruaitu neih hi a vanduaithlak hle.
RK Sanga
————-
Tuna Tlabung dinhmun hi Zoram khawvelah hian Fakselna kal tlang hian ka’n puang chhuak ve teh ang. 1. Mizo kan kiam nasa lutuk. 2. Education lamah kan hniam lutuk. 3. Inkalpawhna motor kawng a chhe lutuk. 4. Chakma-ten engkimah min capture. 5. Central leh Mizoram sorkar hian min hlamchhiah lutuk. 6. Hospital building a hlui lutuk tawh. Chhan tlak kan la awm ve hram hram e.
Tlabung pa
————
Tunlaiin kan nulaten ‘R’ an lam ri tha hlei thei lo hi chu a fel lo mang e,”thar ber ber” tih turah “tha be be” te an ti mai mai a. Vai ramah an zuk awm dek dek a, an pianpui tawng pawh an rawn thiam lo nghal ringawt mai. “Engtikah nge i lo hawng ang? Ka be peih mei mei lo che” tih ang te hi zahthlakah ngaih zawk tur a ni.
84139*****
————-
MNF MLA-te lah hi sorkar ding laite thil tihsual chang reng reng hian hma ka la e an ti a. Zawngin ama ngumkhak a hmu lova, a thiante ngumkhak a nuihzat an tih angin anmahni thil tihsual an hre leh si lo. Kum 10 chhung an sorkar chhung khan Zoram tan engmah an thawh chhuah hmuh tur a awm chuang bik si lo. Chuvangin MNF leh Congress hi chu dal leh dailuah ang vel an ni e. Thlan tur bik an awm chuang lo. Thanharh a hun ta a ni lo’m ni?
No. thup
————-
Kan Pathian thu chuan thil i tihthat chuan lawm i hlawh dawn lo em ni min ti a. Congress sorkar ve thung hi chu insawifiah an ngai reng mai a, mak ve tak chu a ni e.
Tlabung uitangrual Group II
————-
Bethel Camping Centre vul zel ang che. Kan rin Isua pawh kha misualte khan an sawisel nasa a nia, nangni pawh thiamthu sawi tur in ngah hle chunga in ngawi reng hi inropuina a ni zawk. Hlawh nei lovin mi dangte tana innung mek a ni tih hi kan hriatpui ve tlat che u a nia.
97740*****
————-
Bethel Camping Centre sawi chhe duh pawl kan awm fo hi chu a pawi ka ti mang e aw. Khu hmuna awm tur khuan tumah an sawm lova, kan fate ruihhlovin a tihbuai nghei se kan tih em em, nghei thei tawh si lo, tih ngaihna kan hriat reng reng loh te, hlawh nei miah lova min lo enkawlsak a, thau mum kung khawpa min enkawl saktute khu engtinnge i sawisel vak vak ngam le? An phur rihzia leh an retheih zia khu lo ngaihtuah chiang leh teh. Ka fapa, ka rila rah ngei hi ka dah ve reng thin a, an pu thawhrimzia, a zaidamzia te, a ngilneihzia leh a khawngaihthlakzia hi a sawi uar ber a ni asin.
74240*****
————
Takam hote an huangtau takna chhan em em chu MNF leh Congress Party te vang liau liau a ni tih Zoram mipuiten i hre thar leh ang u.
Ramveia
————
PC sorkar lai, kum 1981 khan MBBS Mizo Quota-ah kha tih hunlaia Agriculture Director, Pu Malika fanu chu dah tum a nih avangin nasa takin kan buai tawh a. Tunah MBBS, BDS zir tura Chakma leh vai an thlan avanga MZP ten dodalna an lantir hi issue lian tak, hnam pawi sawina tling a nih avangin MZP mai ni lo, Mizo mipui zawng zawngin kan dodal a, MZP hma lakna hi thu mai ni lo, thil tiha ka lantir ve hi kan tih tur leh mawhphurhna a ni. Engti kawng mahin Mizote chanvo hi hnam dang, Central-a dawta min hek a, min that thin tute hian an chang tur a ni lo. Tanrual a va ngai em.
Light brigade
————
ZONET-a ‘Mizo tawng Hmakhua’ tih sawihonaa zawhna thenkhat, Paihte-in Mizo kan ni ve lo an tih leh Pawih, Lusei Hmar etc. te Indo hnam kan ni tih kha heti hian i sawi teh ang. Pahar tih chu tlang tihna a ni a, tlang mi chu Pahari an ti mai a, Zo tih chu tlang tihna a ni. Indo hnam kan nih vangin Zo (Tlang) kan bawh thin a, Mizo tih kan lo ni ta a, Duhlian tawng hmang an tam ber avangin Mizo tawng tih a lo ni leh ta a, tawng an lo pai a nih pawhin mahni Hnam tawng pawh tiam tha lo an ni mai. Ram hrana mahni tawng thiam lote tan pawh Mizo tawng hi hnam hnuk pui ber a ni tih hi ka’n lo tuihnih ve a ni e.
Tlabung Uitangrual
————-
Kan sawrkar hian Tax hi a ngai pawimawh takzet a nih chuan rual khai takin han la teh se. Professional tax te hi a thenin an pe a, a thenin an pe lo a, hengte hi enge a awmzia? Department ngaihdam bik a nei em ni?
70058*****
————-
Mizo, ram leilung fa dik tak anga Chakma-te hamthatna pek hi tuman an ngai thiam thei lovang.
Zovala
————-
Mi rethei kan rethei em em a, sawrkarin kan hamthatna tur leh a bik takin thingtlang lam miten development kan beisei ang kan hmuh hleih theih loh laia mipui tana thawk tur sawrkarin rualbanlo (disabled) tana hna a lak thinah hian mi ang lovah pawh hna thawka chhawr tangkai tak tak theih loh lutuk tur lak thin ai chuan inah awmtir se, thla tin tanpuina sum pe mai se, an aiah disabled chhawr theih tur leh tling zawk la thin sela tih hi sawrkar hnathawk rawngbawlsak mipuite duhdan a ni e.
Rina
————-
Sawrkar hna lakah hian Disabled quota hi a awm ta fova, hei hi thil lawmawm tak a nih laiin Group C chinah hi chuan disabled leh lutuk emaw, hnathawk thei lo lutuk tur chin entertain hi chu sawrkar leh a rawngbawlsak mipui tam zawk tan thil hnawksak mai a ni thei a, chu ai chuan hetiang ang ho hi sawrkarin a hranpain thla tin emaw pawhin sumin tanpui zawk se a lawmawmin a dik zawk ang. Disabled quota, Group C chin hnawh khat tur hian disabled zingah pawh chhawr theih tur leh tangkai tur hna thiam lak ngei ni se, chu chu sawrkar leh mipui tan a dikin a tha em em zawk a ni. Dik tak chuan mi pangngai tak angin lang mah se, disabled-na langsar lo tak nei si, hemi vanga kawng tam taka harsatna lo tawk ru tawh zingah hnathawk tlak leh mi fel tak tak, hnathawk tha thei tur an tam em em a, hetiang mi thlanchhuah hi tih tur dik tak a ni e.
Lalrempuii, Zuangtui
————–
Zawlpui mipuiin hnathawh nana kan thawhkhawm, Rs.18,000/- mimalin a hmang hi hriatthiam har kan ti a. A pawisa hman hi a rang thei ang bera rul tur leh hetiang mi hi chu sum khawih tawh lo se tih hi mipuite hian kan duhdan a ni tih hi Fakselna kal tlangin kan rawn au chhuahpui a ni e.
Zawlpui Pa
————–
VIP Car nalh leh changkan avangin ramin hma a sawn ngai lo. Chhungte chawmhlawma branded-a inlak changkan ang vel a ni. Democrat
94361*****
—————
Aizawl Post-a ram leilungfaah Chakma chhiar leh tih kha Chakma-te chu ka Pu Hawltea fa chuamte an ni a, tuma han thik phak an ni hlei nem. Danin an chungah thu a nei pha ve lo, tunah pawh MBBS leh BDS training turah pawh hian leilung fate anga duhsak an ni leh mai a nih hi.
Seling khaw pa ngat
————-
