ZPM hian thawi tham deuha, thusawi lovin kawngpui tha, gas buk tling, buh leh bal kan rama chin theih te-a intodelh, kawlphetha-a intodelh leh a dangte sorkar hmasa pahnihten min pek theih loh hi mipuite pek min tiam thei em? Mipui sorkar a ni ang tih vel mai mai hi chu a ropui lo. Kan ti ngei ang tih zawnga inzawrh a tul takzet. Party ruih chilhtute thinlung la peng khawpa itawm in nihna a lang tam lo rih hle.
RK Sanga
—————-
Bawlhhlawh motor lo kala an thinrik te-ngeng ri hi kan hre ve ngai si lova, kawngpui sirah kan dah mai dawn em ni ang?
9612238063
—————-
ZPM chuan lo vahna tur chempui an lei chauh emaw kan tih laiin vah ngai lovin mipui thinlung ram chu a kang duai duai mai a nih hi. A parchhuang pawhin ni a hliap nasa ta hle a mai. Hei ngei hi Remruattu remruat a va ni mai awm ve.
VENA PU
—————–
MNF leh Congress te hian Pu Zorama leh Pu Hawla te ni lo hi hruaitu tlak an nei lo a nih chuan “Aw Lalpa a ngai bawk” tih ai chuan hun rei tak atanga ram hruaitute hruai dan lo bih kartu ram leh hnam hmangaih vanga mawi leh mawi lo pawh dawn thei tawh lova rawn penchhuak ZPM hruaitute hi Mosia aia Joshua rawn ruattu khan a hnam thlante min rawn ruatsak ni ngeiin ka ring ta tlat mai.
Lalmama Pu, Kolasib
—————-
Kan pute hovin NLUP kut an siam dawn a maw? A nuam awm vei. Huau huau. Ha ha.
Lianvela
————–
ZONET Fakselnaa SEDP hi Pu Zorama’n bang thlang sahthlaka bangchhaka bel tum ang leka rawn sawitu khan Congress-in NLUP an sem ang kha ni ve turah i lo ngai em ni aw!! India ram mai ni lo, khawvel tukverh pawh dak chhuak thei chin, a ngaihna hria, mi thiam rualtena uluk taka retheihna ata min khai chhuak thei tura an duan a ni a, a taka an kalpui theih hunah chuan ram leh hnam min khaichhuak thei tur atan pawh SEDP tluka tha hi a la awm lo ang tih theih tur khawpa tha a ni a, rin thil thu mai mai sawi lovin lo nghak ve rih phawt mai teh.
Tlabung Uitangrual
—————
Chanchin tha hi mi zawng zawng tan a ni a, mi zahawm leh tawmkai lo ber pawhin chanchin tha an phu dan a inang reng si.
Angaihtei Lungsum
—————
MLA thlan a hnai leh tawh bawk a, a bikin Samlukhai, Lungsei leh Sialsuk khua te tang khawm ila, Damdiai atanga Changte kawng, Changte atanga Sialsuk thleng hi Highway leh tura sorkar nawr hi a tul a ni. He kawng hi survey zawh vek tawh kha a ni a, Hmuifang lamah khan an sawn leh ta mai kha a ni a, mahse Hmuifang lamah hian fur laiin chhum a zing pik thin hle a, a tlan hleih theih loh a, chuvangin Samlukhai lamah hian he kawng pawimawh tak mai hi Highway-a a tlang ve ngei hi a tul a ni. Chuvangin hemi khaw thumte hian kum 2018 MLA inthlan lo awm tur hi awmze nei ‘tangkai’ takin i hmang teh ang u. Mawl viau a hun tawh lo.
Samlukhai pa
—————
ZPM hi an lian ta a ni ang Party lian ten an sawisel tan ta tlat mai.
Duata pu
—————-
ZPM hi a then MPC, a then ZNP, a thenkhat leh chu neutral an nih hmel a, tlin a har deuh lovang maw? Tin, CM post mawlh hi an buaina tur a ni.
Malsawma pa
————–
Vawiin Vanglainia ‘Pu Rama leh Pu Hawla te MLA an la tling thei ang em?’ titu kha ka’n chhang ang che. An tling thei ve ve ang. Pu Rama party lian hotu ber CM hlui a ni, a la tling thei ang. Pu Hawla CM ni mek leh party lian ber hotu a ni. A upa tawh ti mah ila a thluak a la upa lo, a la tling thei ang tih lo hre rawh. A lal rei tawh a, haw tu a ngah a nih pawhin lawmtu leh duhtu a ngah bawk.
VL Ruata
—————-
MNF party chu sorkar lai thlaktu atan chuan a awm ta vung mai khawpui chhungah na na chuan. Amaherawhchu kan hnena thawk tur atan leh hlawhfa atan pawha kan rawih duh tawh awm lo tak tak ten Candidate nih an chuh leh ta tlat mai an ti. Sawrkar intawm kan hrawn mai hmel e.
Faktea Cht
—————-
ZMP inti maw? Ram hmasawnna chu khawi lamah, zing tho zung pawhin kezungpui zun khum phak tawkte hian eng ram hmasawnna mah an thawk chhuak law’ng e.
R. Lalhmunmawia
—————-
Ar ang vaih nan khua a sei…kumhlui aw…ding rih rawh.. He hla tlarte hian kan nun thuruk hi chu a va tichiang tehlul em!!! A ni tak a sin kum hluiah kha chuan mite ei ang ei ve pha lo mahin, an silhfen leh pawn lam chhung lam neih ang neih ve phak lo mah ila, kan phak ve tawkah saruak ema awm bik lo leh ei tur neih loh vanga chaw nghei riltama tlu mai bik lovin kha kum hlui kha a hun leh thla ni leh zante kan hmangin kan lo chhiar liam ve a, chuan le…kum thar chu kan lo thleng ta rup mai. Engtin zel nge ni ta ang? Keini ang tu khaw hriat phak loh tan zet hi chuan hmalam hun hi a thim thin teh e. Kum hluiah kha chuan kan nghei bik lo kha chu a ni phawt a. Kuminah hian eng tak tawng chho i maw? Ei tur nei lo, riltama kan mut hlum kumte hi a lo ni mai mai lek roh anga. Aidu bul kan veh tan leh ta duk duk chu a ni phawt a, nakinah rawbul leh maubul loh theih lohin kan hual leh tuau tuau dawn a ni.
Bawiha pu
—————-
Hun leh kum te a lo thar leh a, school naupangte pawhin school te an lo tan leh ta a, eng kan ti ta nge ni Rawlbuk School, Primary leh Middle school naupangte chu ni hnih zirtirtuten hmun phiah a zawnin an thawh tira, naupang hnathawk tham lo hetianga an tih tir hi chu khawdang school-ah hian zirtirtuten inlo ti ve thin emaw chu? Kristian ram kan inti thin si a, kan chet duhdan leh thil tih hian a zir thlawt si lo.
8974430065
—————
