|angrual boruak chuan par a chhuang ta ngut ngut mai. Kan ram pan lam neia hma hruaitute pawh a ang zawk mah lo maw?Mipuite hian sorkar kal tawh an duh khawp lohzia a tilang chiang hlein ka hria. Kan thawmhnaw hluite hlipa kawr thar haa ramthar kai tura inpeih a hun ta hle mai. Ramhlui bye bye-a, Zoram thar chibai buk turin inpeih ang u le.
Hlutei leh Zualbawihi pu
—————
Mizo leh Chakma chungchang sawihonaa Congress party an tel ngam lo hi i dem lutuk lo ang u. An thiltih avanga buai kan ni tlat alawm. An hming pawh kan hriat kha. MZP-te hma lakna a va han ropui em. Chakma pun danah hian CM leh Chakma MLA an inthurual a nih hmel. Lalna leh thuneihna duh luat avanga heti tak maia harsatnaah hian Congress hian mawh a phur chiang alawm. Nge MNF vangah an puh leh dawn?
Ramhmangaiha
————-
Dt.14/10/2017, Inrinni, Ramnuam Kolasib chanchinbu ka chhiar fuh hlauh mai a, Mizoram Governor-in kan Mizo kut neih zinga mi pakhat hming, |hal Favang Kut hming, “Winter Festival” tia thlak a ni tih thuchhuah a siam ve ringawt hi Mizo mipui a zah loh thlak deuh lo maw? Mizoram sorkar, YMA, MHIP leh MUP te khan in hria em? In ngawihpui mai dawn em ni? Thlak \ul ni se ka Mizopui, lehkhathiam tam tak in awm a, hman hmanah in thlak tawh tur. Eng vanga thlak ve ringawt nge a nih? A power hmanna tur pawh a niin ka hre lo tawp mai.
Danial-a pu
———-
Pu Zaichhawna thusawite kha min lo tihchhuah ngunsak theih chuan a lawmawm ngawt ang. Zoram hian Pathian thutak hi kan mamawh em mai.
9862578631
——–
Helicopter-a thlawh vu vu ai chuan kei chuan Sumo emaw, Pickup emawa kal a ropuiin, ram hmangaihtu an ang zawk ka ti. Pathian nung bia kan inti bawk a.
Lengkawia
———–
Khai le..! Tunah chuan ZPM-ah hian Zoram mipui beidawngte hian rinna i nghat ngam ang u le. An Policy-ah hian ram leh hnam damna, hmasawnna tluantling a awm e. Kan nin, kan hnawl tawh hnu \hutchilh reng lovin, kan Kristianna ang ngei hian kalsan ngam ila, kan tu leh fa, keimahni tan ngei hian Zoram thar i siam ang u.
Jonathana Pu
————-
Mizoram leilung fa dik tak zinga Chakma te an tel ve tlat hi chu Mizo hnam buaina tur a ni. Tun thlenga kan inthlahdah rah kan seng mek zingah chuan Chakma kan ngam tawh lo hi a ni a. Vaupung leh inhrosak thilah chuan kan ngam a. Document leh Sorkar laipuiah chuan kan tluk tawh lo. Ram leilungfa inti si, a ram \awng, ‘Mizo \awng’ thiam miah lo CHAKMA awm te erawh hi chu man ila kan tisual lovang. Hetiang Mizo \awng hmang thei lo hi en liam mai mai chi em ni dawn? Hetiang mite nena ang khata kan luanza fo avang tak hian a lawm sorkar laipui lama min hek ngam ni. Chakma Mizo \awng hmang thei pakhat hian hmang ve thei lo (foreigner) pathumte an kaihruai tlat tawh ! Pawl hruaitu huaisen leh ram hruaitu huaisen kan mamawh.
PH FANAI
———–
Keini Tlabung lam chu kan Electric Transformer a kan avangin kan thim ta reng mai chu a ni a, \hu kan dawn danin Tlabung leh a chhehvelah ringawt pawh Transformer chhia 6 vel a awm tawh a, thla 4 dawn lo thim tawhte pawh an awm tawh a, kan sorkar chak tak hian a ngaihna a hre tawh lo nge, mipui kan mangang ta a ni ber e. Sorkar leh ngei tur tan chuan min ngaihven har mah mah lo maw?
UTR
————
Aizawl siksawi dan hi chu pan, a chhung tidam sil lova damdawi hnawih kual thlak ang chauh a ni. School \an hun thlak kual, motor intlan chhawk, motor hi kan la nei tlem lutuk, Aizawl hi a zim em a ni. Aizawl hi zauh ni se, sorkar hmun pawimawh leh mipui pun khawmna ang chi hi sawn chhuah vek ni se. NLUP-a sum sem ral ai chuan mipui pawh hian thil \ha tih nan chuan kan thawh ui lo. Mi ram khawpuite en hian kan buaina hi ho tak a ni.
LAL-A KP
————–
Ram hruai tura inpe rawn ding chhuak ve ek ekte ar chuk tui lo khawpa sawi chhiat nghekte hi politics thianghlimah a ngai em ni? Ka lawm e.
8974767260
————
Kan thu dang a lai chuan Congress hian kum sawm ro an rel a, heti mai hi kan la ni si a, MNF hi han sorkar ve leh ta se tiin ka han mitthla a, ek in kal theite an chah chhuak tawh lo ang a, sawhthingte pawh kawtkaiah kg khat cheng sawmin an lei chur chur tawh ang a, kan ram lui remchang apiangah chakai farm an siam ang a, kum sawm chhung khan an ti hman lo a ni ang e. Mipuite hian i en chhin leh ang u hmiang. Kan kawng chhe lutuk tak maite hi rulngan pa ang maiin a tle mam zur mahna.
RODY PA
————-
Kei leh ka chhungte chuan nakkum inthlanah chuan eng party mi pawh nise Pathian \ih mi, PATHIAN duh dana rorel ngam kan vote ang. Party-ah kan buai dawn lo.
9774880406
————–
Kan khawpui hi tlang chhipah a awm a, chhak leh thlang zawngin a inzar pharh a, kawng a tlem si, a zim bawk si, motor a tam si. Thuneitute tan pawh tih dan tur thiam a harsa a ni. Phun phun lovin nghak ila, thil \ha zawk a lo la chhuak mai ang.
Malsawma pa
———–
Tunlai hian fiamthu kan uar a, a hlimawmin a ngaihnawm thei hle mai. Amaherawhchu, eng vang nge Kohhran hi kan va sawi nasa thei em ve le? UPC hi kan ti nasa thei mah mah lo maw? Entir nan, an lukhum khum chungchangah te. An lukhum khum hi fiamthu thawh nan kan hmang vak vak te hi kan va hre lo em! 1 Korinth 11:4-6-ah khan Pathian biak, thuhril leh \awng\ai dawn apianga hmeichhe tan lukhum khum a ngaihzia kan hmu. Mahni duh thua khum an ni lova, thupek an zawm zawk a ni. A thu hrimah Kohhran sawisel leh Kohhran leh Kohhran inkara buaina siam thei zawnga post emaw, chutiang zawnga titu an awm chuan IPC Section 500-na hmanga hrem theih an ni.
Malsawma, Selam Vengthar, UPC, PYD Vice President
————-
Kawnpui khuaah hian ZONET signal hi a \ha tak tak thei lo a nih hi, a ninawm tawh khawp mai. Chanchin tharte hi kan ngaithla hlei thei lo chu a nih hi. Tun ai hian \an han la leh thei deuh ula lawm a kim viau tawh ang.
No. thup
—————-
No Signal hi a hmuhnawm loh tehreng nen duh aiin a chhuak zing mah mah. Modi-a sorkarah hian thil \ha awm taka lang, \ha si lo hlir a ni mai. Pathiannia thil tih lah chu a tam em em mai. Kristian nek cheptu dik tak a ni.
VL Ruata
—————
Congress, Chakma District Council petu leh accord-a ziah hnantu MNF chu kum 2018 MLA inthlanah i hnawl ngam tawh ang u.
ZT Renthlei
—————–
MLA atan Party candidate duhthusama \ha Reverend rual neiin, thlang tling teh mah ila, tuna kan Department Head \henkhatte leh eiruk ngawl vei ho hi an pension vek hma chuan hlemhletnain kian zai a rel ngai lo vang.
Zova
————
Kan Home Minister zahawm takin mi retheite min VIP dan chu Police lak thar tur engkim Aizawla tih hian mi rethei Aizawl vawi khat kal pawh harsa leh chhung leh khat belh tur nei mumal lo tan a va buaithlak em. Tin, zirlai Police-a intlar tum ve te tan hlei hlei a buaithlak. Heng physical, tlan tihte hi chu District tinah hian a tih ve theih mai loh em ni? Aizawl tih vek hi chu. Nge Aizawl chauh hi Mizoram?
8414897552
————
Kan veng pa zu ruiin zanlai dar 1 thleng thlenga a nupui a hau leh an khum thawm hriat hi chu veng mipuite tan chuan a hneawmin mut a har \hin khawp mai. Kan nupuite chu mi hriatah kan fakin a rukin kan zilhhau \hin a ni ngai a.
NO. THUP
SIAHA PA
————–
Tukin dar 2 vel khan ruah tlem a sur a, nilengin electric current zu han awm loh phah ve ngawt a maw le!!! Hetiang deuh chiah hian thla kal taah pawh khan tlai dar 3 velah ruah tlem a sur a, rei lote zan khuain current a awm tawh loh phah ve ngawt bawk a. Mahse, ZONET Zing Daifimah thung erawh chuan load shedding awm lovin eng pek chhuah kim vek a nih thu a rawn puang piap piap leh lawi si a. Khawi hi nge dik a, tu hi nge sual chu? Tunge DAWT SAWI hmang?
Tlangvala
—————–
Naupang mei zu ru an tam hle mai hi an zirtirtuten mei an zuk nasat vang an ti a, a dik awm hle mai. Kan khuaa zirtirtu ho pawh hian mei an heh lutuk. Tin, gas a harsa an ti leh \hin a, kan khuaah chuan lei tur a awm deuh reng an ti. Tin, heti hian an sawi ka hre leh a, kan VC-te leh BDO Office-a thawk pakhat hi an inthurualin an thawh ho \hat hmel an ti, tak tak ni maw?
Tlungvel paho
————-
