Ngopa Police ho hian Teikhang lam a\anga Ganja lo lut tur hi dang teh u. An la nasa teh mai a nia.
No. thup
Ngopa
——–
Hawh teh u, i ngaihtuah tlang teh ang. Pu Modia hian thil a ti thei si a, Pu Hawla ho hian BJP-ah inlet vek ila kan ram siam \hat nan a \ha phian lo’ng maw? State dangin an tih duh vak loh, mit naute thla pawh kan hotupa te nupa khan an lak hmasak ber kha a!
Ruatdiki pu
————–
Sawrkar hnathawk hlawh pun tur lo huphurh em em hi kan tam hle a. A tlangpuiin lo huphurh ho hi sawrkar hnathawk lo ho an ni tlangpui. Han thawk ve sela, hetiang hian an sawisel lovang mawle. Engpawh ni se, sawrkar chuan a hnathawkte hlawh chu a tipung ngei ngei tur a ni. Chu chu dan awm sa a ni zawk. Sawrkar hnathawkte pek tur ham\hatna hrang hrang hi sawrkar hian a hrek zawk mah mah tih kan hre lo mai thei. An hmuh ngei ngei tur an hmu lo tih pawh kan hre lo. Hlawhbi pawh kum 10 danah en \hata, tihpun tur tih hi sawrkar thutiam a ni zawk. Engmah hre tam si lova lo iak vek vak vak ngawt hi a fel ber lo mai thei a ni. A pung dawn tho tho.
LALDOVA
————–
Van ropuina pawh thlahlel zo lova, nang leh keiin chatuana nunna kan neih theihna tura khawvel lalte pian ang pawha lo piang lovin a tlawm thei ang bera ran chaw pekna thleng a rawn thlang mai hi a van tlawm chiang tak em! Ka \hian duh tak LAL ISUA piancham lawm turin eng ang chiahin nge i lo inbuatsaih ve le? Van mipuite lungngaihna tur chuan hmang lul suh aw!
Angaihtei, Lungsum
——————–
Fakselnaah hian politics-a inchirh thehna hi a nasa hle mai a, kumin kum tir a\ang tawh khan chhum lo chat lovin ngaihthlak tur a awm a, mi tam tak chuan an hne tawh khawp mai.
Pa Mawitea
————–
Doctor han sel vak ngam tur ka ni hauh lova, mahse, Hospital-ah mitliam an thi hnem hle tawh si a. Tumbu leh chakai densawm ei hi an dam chhuak tam hle tho si a, zir chian law law a \ha zawk mai lo maw? Ni 17.12.2017 zana doctor-in a sawi danah chuan tumbu kha a \ha lo khawp mai si a. Ka ngaihdanah chuan damdawi \ha ber chu ei leh in kan huat zawng a ni em? Ka ngeih dawn em tia insum hi damdawi \ha ber a ni mai lo maw? Pum tana \ha lo tur kan ei tam hlawm em a, kan dam thei lo a ni ber e.
9615788972
————-
College Veng leh Bethlehem inrina lai leh College Veng leh Republic inrina laia motor sil hian kawngpuia kal hi an zah lovin kawngah hian tui hi an tiluang duah \hin a, kawng kal an tikhaihlakin kan motor hruk fai sate an rawn phuh huh fo mai a, thuneitu lam khan rawn enfiah thei u la kan lawm khawp ang.
No. thup
———–
Sorkar zu zawrh kan sawisel luai luai a, a \ha e. Mahse, mimal zu zuar kan ngaimawh tel lo a nih chuan a khingbai a ni ang. Mimal zu zuar hi Kohhran a ni emaw, NGO a ni emaw, Political party pawh ni se, sorkar zu zawrh duh lo chuan mimal zu zuar pawh duh lo se, an zinga tel pawh phal lo rawh se.
Duata pu
———–
Sorkarin halpuah leh halmawi a khap a, mipui tan a \ha a ni. Halpuah hal lo pawhin Isua hi a ngai rengin a ropui a ni. Dan zawm hi a Kristian a, a Mizo bawk.
Malsawma pa
———–
Changkanna hman tlak loh: Mahni \awng ngeia hla sak sen loh kan neih laia TV-a hnam dang hla saa mahni awrawl pangngai pawh ni lo, a thu an lam pawh hriat theih mang loh khawpa an aw tipuam chunga an han zai \hin ai hi chuan mahni \awng ngei maia mahni pianpui aw ngeia an han zai hi chuan thinlung a nghawr nghing \hin.
Zotlata
————
Mi tam tak hian sorkar zu zawrh chauh hi kan hmu lianin kan vei a, mimal zu zuar kan pawi ti lo nge, a tur rengah kan ngai le? Sorkarin zu a zawrh hma pawh khan zu hi a duh tan chuan englai pawhin IN TUR A AWM RENG. Mimal zu zuar sawisel ngam si lo, sorkar zu zuar chauh sawisel ngamtu chu mi dawihzep an ni.
VL Ruata
————-
Tunlaia Zemabawk venga vawkte an sem te chu kaw\halo, thi lek lek te a ni hlawm a, a \henin an zuar leh bawk a, vawk \ha lo sem reng mai hi a zahthlak tawh e.
9862809647
————–
Johana hnena Isua Krista thupuan chhuah bung 1:3 He hrilh lawkna bu chhiartu leh ngaithlaa a chhunga thu ziak pawmtute chu an eng a thawl e; a hun chu a hnai tawh si a tih ziak a nih laiin ni 16.12.17 Vanglainiah Rev. Chuau\huama’n “Megiddo hi indona hmun pawimawh tak a nih \hin avangin Thupuan ziaktuin a ziah lai hian khawvel tawp dawn indona awm tur anga a thlir pawh chu Megiddo hming chawiin a lo vuah a” a ti hi a mak hle. Fb/WhatsApp ti lo ka ni a, Donald Trump-a’n Israel capital-a Jerusalem a pawmpui avanga hlauh tur dap an awm leh hlauh tur a awm ka hre lova, Bible thlen dik nan ram tam tak hruaituten Jerusalem chungchang hi an rui mek chu a ni lo’m ni ka ti.
9856887138
—————-
Kan Mizoram sorkar ‘ropui tak’ chuan Tuirial HEP, power megawatt 60 pe chhuak thei (an tih) chu Prime Minister an hawntir ta rup mai chu a nia. NE State zinga power intodelh kan lo ni ve ta hial mai hi a lawmawm ti r’u? I lo thlir ran teh tak hmiang. Kan hmu ve lova, a hawngtu ber lahin a hmun hma takngial pawh hmu bik lovin, Lammualah a hawng ve pawp mai kha a ni a, eng tak ang chho dawn maw kan la hre chhawm chho zel chek ang chu? Megawatt 60 pe chhuak THEI tih kha a ni chauh mai a.
8414883986
———-
Tuirial HEP chu kan Pu Hawla chuan a hawng chang lo chu a lo vui hle mai maw? Bhavan chhung inkhawma ama sawi danin aman han hawng se Party dang han sel leh vak vak mai se \ha tur. Kan ram tana \ha tur chu a lo sawi ve bawk ang chu maw?
Taitea, AZ N
—————-
Prime Minister-in Mizoram a rawn tlawh chu a lawmawm rual rualin Tuirial H/P a hawn chu a chhehvela ram nei Compensation la kim lo tan chuan thil lawmawm a ni meuh lo mai thei. Mi rethei sum ba \euh chunga Hydel Project hawngtu sawrkar chu mi rethei rap bettu sawrkar an ni. Chuvangin keini Tuirial H/P Area-a awmte chuan kum 2018 inthlanpuiah chuan kan vote hlu tak kan pe dawn lo che u.
9612226314
————-
Dawrpui ZONET pawttute hian no signal en reng mai hi kan va ning tawh em!! Lineman hnena complaint lah hian chhanna ngai bawk, amplifier dahnaten current an nei lo tih a ni reng mai. Eng line hi nge maw an pawh bik le? Thingtlang kilkhawr ai pawhin current an nei chhe hialin a rinawm.
9856445827
————–
Kan ngahhlelh em em, mi tinin kumpui lingleta kan nghahfak chu damtein kan thleng leh dawn ta der mai a. Mi tinin he a piancham dam tak leh hrisel taka hmang leh thei tura nunna min zuahtu, amah ngei hi hlim takin i fak tlang \heuh ang u. Khawvel nawmchenna bawl lovin amah chauhah kan hun neihchhun i hmang ang u. LEI LEH VAN RORELTU A NI SI.
No. thup
———–
