Kan dinhmun a inang lo hle mai. Keini ang duangte chu hei kan ram tan MLA-ah chuh buai pawh a ngai lo, kan ruat che ti ta tawp pawh nise kan hnar fithla tawp ang. MLA inthlana nasa taka \an la, kan thlantlin tak te-ah hian lo tling ta lo se a \ha zawk ang tih an awm fo. A hna lai tak kha uluk taka en chuan zuam mai mai chi a ni vak lo. Sumdawnna emaw ti tan khelh chi a ni lo ve.
RK Sanga
————-
Tun \um chu zu \hatzia i han sawi teh ang. 1. Chhungkua leh khawtlang tihbuai nan a \ha. 2. Hriselna tihchhiat nan a \ha. 3. Rang taka pachhiat nan a \ha. 4. Sex tih zalen nan a \ha. 5. Chapo nan a \ha. 6. Aids tihpun nan a \ha thlawt. 7. Setana tana hmanraw \ha lutuk a ni bawk. Heti khawpa a \hat avang hian a lawm kan sorkar pawhin a buaipui tak chiam ni.
Carolini pu
————
Vanglaini dt.17.8.2018 chhuaka Tuikukten YMA thil tihdan duh lovin Kanhmun a\angin Zawlnuam thleng kawng zawh an tum hian YMA-ah eng takin nge a nghawng dawn? An duh chuan Tripura-ah emaw, Bangladesh-ah emaw zawh mai se a va \ha ve. Hei hi zawng Mizoram Mizo te ta a ni tlat.
9862582476
—————–
Ram leh Krista tana nunch^n te hi Martyr tiin kan sawi \hin a, sorkar hna thawhlai, a bik takin Works Department-a Muster roll ten accident tawh vanga an boral hian sorkar tana Martyr an ni ve tho lo’m ni? Lukhawng engmah an nei bawk si lo nen.
LB-a pa
————-
Zoram Thar President Zaichhawna Hlawndovin Zoram Thar awm dan tur a sawite ka va ngaithla a. Kan ram politician ten a thusawi ang hi an la sawi ngai lo. Hei ngei hi Kohhran hote kan \awng\ai chhanna, ram leh hnam damna tur chu a niin ka hria. Zoram Thar chuan party dangte tih dan ang lo takin manifesto leh anmahni inzuar lovin Lal Isua Krista an zuar a, anmahni chu Lalpa chhiahhlawh tur an nih thu an sawi a. Hei bak hi Zofate tan beisei tur a awm dawn em ni tih hi ka ngaihve dan a ni.
9856333073
—————
Tuikuk ho chuan an kawng zawh chhan turah YMA an puh ngam a ni maw? An va huai sawt ve le.
8974771496
————–
Kan CM leh Transport Minister zahawm tak te, inhmalakna leh inthiltihte \ha viauva inngaihlaiin a \hatna a tlemin, inche fuh hlei thei tawh lo a nih hi. Lirthei intlan chhawk tir hi kan enchhin ang ti khan thu indah niin kan lo hria a, in enchhin duh tawk tawh em? Keini mi rethei, two wheeler pakhat chauh nei, eizawn nana hmang lehnghal tan chuan a buaithlak khawp mai. In luah man chawi a ngai a, ei leh in ngaihtuah a ngai bawk a, Pathian programme tia insawi chamchi NLUP lahin min thlawh khum daih bawk si. Pathian hi chuan thlei bik a nei ngai lo a nia. A nei nungte chuan lirthei pahnih pathum an nei a, an buai ve lo. In sorkar tirh a\anga inhmalakna reng reng hian mi rethei aiin mi hausa tana hlawkna inla thlen char char bawk tih hi inlo hre dawn nia.
Sylvia-i pa
————-
Party liana inngai, ram kaihhruaina lamah engmah ni si lo te ai chuan mi tlemte anga ngaih, a ruka mipui ngah leh tam tak neitu ZPM-te an thlanawm fe zawk ang tih a puan ngam e. Lo inchhuang vak suh in inchhuang sual palh ange. In tet leh len dan chu tun \um atan chuan “Sai laka Sakuh” ang inni e.
9862384183
————–
Pathian hi chu a ropui e. Kan politician-ten an thiltih sawhngheh nan a hming an lam zen hi. Mahse, i Pathian hming a naranin sawi suh tih hi tidiktu kan ni mai ang em le?
KL-a
————-
ZPM ho hi an insawi angin an lian lo. Khaw tlem teah chauh Unit an la nei.
8257065411
————–
Enga tinge maw pu-a pawh hi a dawt zuah zuah le? Ramria Police dahbelh lo pui dah \euh anga a insawi le! Hmui dawthei a tih pa nen hian unauvah an insiam ta mai em ni le? Pathian nung bia inti chamchi si, dawt sawi zut zut reng mai te chuh! Zahpuiawm tak a ni.
Ramtea, Mizo ngat
—————
Falkawn Damdawi in chu a lo ropui ngei mai. Pu Hawla nge nge a ti \ha e. Mahse, ka’n sel ve teh ang. A panna tur kawng hi a nih hi, dam duhin kan pan anga, kal kawngah hian mawtawrin min sawhhlum si anga, awmzia a awm awm lo mange. Kan kawng mawlh mai hi \halai tan pawh mawtawr-a chuan a hahthlak a nih hi. Kawngchhia leh Tuikuk hi zawng Pu Hawla hri vei zawng a lo ni e.
RZA Ralte TD
————–
Ruatfela nu thuziak Vanglaini ni 16-a chhuakah khan NLUP dawngtute zingah sorkar hnathawk 67 leh pensioner mi 213 lai NLUP \anpuina dawng thei lovin an dawng a ti a, heng mite hi corruption case pek theih a ni lo maw? Dan lam thiam tan chet chi a ni lo maw? A tam tham viau a nia.
8787399142
—————
Reiek leh Rulpuihlim khaw inkar kawng hi sam a va hun em. Kawng a zim si, kawngsir hnim a buk lutuk a, chetsualna a thlen hma hian thuneituten ngaihven rang se a va \ha em.
Berbera Pu
—————
