Lian ngai len thur thurna zar zo pha ve lo rualawhna tizualtu Congress party, mi retheite kan VIP titu si hian eng ang hmachhawp nge a rawn zawrh leh dawn? Kal ngaihna hre tawh lo, sorkar leh mahse a ngai bawka an kal leh dawn avangin ZPM hi sorkar ve ta se tih hi mipui ngaihdan a ni ta in ka hria.
RODY PA
—————
ZONET ZAWLBUK chanchin thar puangtu hian Mizo mipa leh hmeichhia sawina lam rik dan a thiam lo hi ngaihthlak a hahthlak thin. Hmanah ka sel tawh a, an lo hre lo em ni? Mizo mipa hming tawp lama “LOVA” a awm chuan “Lova’n” tia lam rik tur a ni a. Hmeichhe hming tawp lama “Lovi” tih ziak lam rik dan tur pawh “LOVI’N” tia lam rik tur a ni e. Pu Sailovi’n ti a chhiar ziah hi sim se la. Pu SAILOVA’N tia inrawn chhiar rik kan lo nghak ang e.
PH FANAI
—————
Pu Rama hian a thusawi hi mipuiin an awih duh a ring tak tak ang em le? Mizoram tha zawk han tih ngawt mai. A awmzia chu a hriat mai. Mahse, an hun liam ta khan thu tam tak a la sawi reng.
Malsawma pa
————–
Zoram tha zawk min tiam leh ta. Switzerland of the East ai khan a ropui lo zawk si a, eng tak min tiam zel ang maw? Pu Rama zawng a VISION hi a ropui thin khawp mai. ZPM pawh a tluk dawn si lo.
VL Ruata
—————
I nun kha KRISTIAN dangte nen khaikhin lo la, i nun tehna tur ber chu BIBLE lo ni zel zawk rawh se.
Angaihtei Lungsum
—————–
Kum 2017 kum tawp lama Police lak runpui an neih dawn khan fair tak leh duhsak bik awm lova a tlak leh tlingte chauh lak an nih tur thu kha la theitu lam khan an puang huai ngam viau kha a ni a, chutiang turin beiseina leh lawmna pawh kan nei sang viau kha a ni a. Result a lo chhuak ta a, Home Minister awmna veng atanga tling tam bik ta viaua sawi a ni leh si a, tlingte zingah pawh written exam-a thiam lo em em tling zawk hlauh site pawh an awm leh tho niawm tak a nia. Ka fate tling lovah ka vui miah loh rualin, kan laina pawh ni chuang lo, nu leh pa, u leh nau pawh nei lo, nupui fanau chawmna tur mamawh ngawih ngawih leh zualte, thiam loh vang ni lova an tling lo si hi chu pawi ka tihsak hlawm hle mai. Thutiama din hi harsa an va ti em!
Puipuii pi
—————
Hmanni lawka tarlan tender lova contract hna AMC-in a lo pek chiam mai kha fatu hlui em ni? Engpawh ni se, an hnathawh kha a tha em le?
Thlirtu
—————-
Ram hmangaih hi a nuamin a hlawk hle ni tur a ni. An hun laia nep ve tak, mipui phun mur murnate pawh hian kei ber emaw tiin an la phur hle.
RK Sanga
—————
Kan Supply Minister hian Champhai Gas harsat zia hi a hre nange? A tawngvai zawk em ni? Champhaiah chuan Gas hmang aiin meihawl hmang kan tam zawk.
Champhai pa
—————-
Pu Lalduhoma hian ram leh hnam hi han vei phawt mai se kan vote chur chur mai tur a nia. Mizo mipuite hian chimral kan duh lova, kawngchhia leh electric chhia te, buhfai chhia te, chini phei chu kan ei lohna a rei tawh a, khawnvar tui erawh hi chu litre 3-in kum khatah vawi 2/3 vel an sem ve-in ka hria a, a hnem hnang lo hle a ni. Mizo mipuite kan zahawmna tur chu kan taimaka, kan intodelh phawt chuan kan zahawm ngei ngei ang. Mahni pawh intodelh lo chu a zahawm thei loh.
9612238063
—————
Fakselnaa ZPM-ten Foreigner te an vei lo titu khan Vanglaini ni 14 & 15 chhuak phek 2-naah ZPM kalphung thar duan Serial No. 25-na kha lo chhiar leh se a tha ang.
Rama, Klb
—————-
Kumin 2018-ah MLA kan thlang leh dawn ta. Eng party pawn sorkarna siam se ram hmasawnna chu a kal reng dawn. Minister leh MLA-te ai mah chuan kan Officer-te hian ram sum leh pai an khawih chingchi vet daih zawk. Mawhphurtu erawh kan Minister-te an ni leh daih zel thin.
LB-a Pa
————–
“Manifesto kan inziah mawi siak” titupa leh a chekawi hoten kuminah hian manifesto mawi tak an ziak leh ngam awm tho si a. Mizo mipui zingah nuihzat nachang hre lova pawmpui kan awm leh nawk tho ang em le?
Mesaka Putea
—————
