Aizawl khawpui hi tourist chu sawi loh thingtlang leh khawtual tan pawh han hawi khawthawnna hmun hi a vang hle mai a. Khung, New Capital Complex te khu Office building-in a khat dawn takngial, a changel hmun ta khup mai. Hmun thawl deuh la awm chhun, High Court building peng \huam laite khu mawi leh nuam taka siam atan a va itawm em. Shillong-a Centre Point bul ang te khuan ‘Laldenga Square’ tih hming puttirin Square mawi tak han siam thei ila aw!
7005811526
DDK Chanchintharah khan, Congress MLA Pu Zodintluanga, an Party Tresurer ni bawk khan MNF-te sorkar hnalakah party induhsak bikna atam ta lutuk leh lehkha zir pawh \angkaina awm tawh lo ang hial khan a sawi a, Mizoram a party sorkarna chelh rei ber chu Pu Hawla kaihhruai Congress a ni a. Tun term 2 an sorkar chhung zawng pawh khan sorkar hna lakah party dang an lak chu sawi loh, MNF-in zirtirtu a lak tawhte pawh a 100 tel telin an ban zawih zawih mai kha a ni si a. Khang eizawnna nei mumal tawh lote hmunruak pawh ala tam tehlul nen engtiang a rawn sawichhuak ngam zawk nge a nih aw?
Tlabung Uitangrual
9862014844
Chanmari leh Bawngkawn inkar kawng, Chaltlang lam a\anga kalna kawngpui siam hi trafic jam a siam nasa hle maia, an kawng siam hi chu titehluain a \ha mang bawk si lo va, kan hnathawh hi \ha lem lo mahse mipuiin hria se, nunphung tikhaihlak ve hrim hrim rawh se an ti emaw ni le? |ha deuh zawkte hian siam law law se ava duhawm em.
LT Ralte
98620 07651
Huaisen taka a ram mipui nuai 200 chuangte hnen a “Kan hnathawh min en ula, \ha intih loh chuan min vote suh u” ti a mahni inring tawk tak maia challenge siam ngam, Delhi CM, Arvind Kejriwal hi ngaihsan loh theih pawh a ni lo a nih hi. A ram dinhmun siamthat nan a Indian Revenue Service (IRS) hna hial bansan a, hmasawnna leh kalphung thar thlentu hi a fakawm em em rualin a ram mipuite hian fak an phu leh zualin ka hria. Zoram mipuite anga sum sem hmanga lilam kual theih an ni ve tlat lo. Party hlun leh changtlung zawk BJP leh Congress hruaina duh tawh lo a risk huai taka lain an vote an pe hmiah zel maia, an tifuh ta em em mai a nih hi. Keini, Zoram mipui nuaih 12 vel emaw awrh te pawh hian tuna kan ram dinhmun hi in en ila, kum 30 chuang min lo hruai tawhtu, MNF leh Congress te vote tlin leh hi kan ba em? Ngeni a, ram leh hnam tana IPS hna meuh bansan a lo chhuak, “Min enchhin ve rawh u” tia kum 30 chuang kan lo vahvaih tir tawh Pu Duhoma hi hun kan pe ve thung tawh dawn? I ram leh i tun dinhmun kha en la, duhthlanna chu i ta a ni e.
Jonathana Pu
93666 30785
Kan ram, kristian ram mipuite hian kohhran leh a rawngbawlna a \hahnem kan ngaih ang hian Kohhrana Pathian kan tih ang tho hian khawtlang leh kan veng \heuhah hian \hahnem hi ngai ta zawk ila. Kan ram leh hnam hian kan hlawkpui zawk lo maw?
KALVARI LUI
87308 20304
Keinin ringlo mi kan tih, Delhi CM atana thlan tlin nawn AAP, Arvind Kejriwal chuan inthlan hmaa amah eptu, a khingpui zawng zawngte chu a ngaihdam vek thu leh chhungkhat vek an nih thu puangin Delhi hmasawn nana hnathawk tur an nih thu a puan leh term hmasaah pawh thlantlin nawn tlak a hna a thawk \ha hi a ngaihsan awm tak zetin, hetiang hi politics dik leh politician dik chu a ni. Kan ram hruaitute nena khaikhinin, ‘ringlo mi aiin an sual zawk’, tih bible chang te min hriat chhuah tir e a. Kan ram politics hi chu a dik hlawl lo a, eptu MLA, local council leh VC neih te kan hlau em em te hi a dik lo. Kan ram \hatna tura roreltu kan thlan tlin tawh phawt chuan kan ram, district, khua leh veng \hatna turin theih tawpin hna a thawk tur a ni tawp mai. Eptu bial leh bial lo, eptu local council leh ‘cil lo, VC leh ‘C lo a thliar tur a ni lo. Eptu bial, local council, VC neih kan hlau tur a ni hek lo. Ram tana thil \ha titura inpe duh leh ngamte kan thlang tling a, a \ha thei ang berin, mahni hmasial lovin hna an thawk tur a lawm le. Rilruin a lo beisei danah chuan ZPM party emaw, Prism party emaw te hi Arvind Kejriwal ang chi a politics dik kalpui tura beiseiawm niin ka lo dah ve a, chuvang a lawm pute: Rev. K. Thanzauva leh K. Sapdanga te tel vena tlaka ka ngaih chhan chu. Chuvangin inthlan dawn laia thil \ha tak tak min tiam \hin politician-te u, tlin nawn loh huamin dik tak leh \ha takin, in intiam angin kan ram tan hna han thawk tawh tak tak hlawm teh u le. Chutianga in thawh ngam chuan in peih bak bak hi mipui hian rorel tura kan ngen che u hi ka ring tlat a ni.
Ramveitu
