Party liana inngai Congress leh MNF-te hian lo inhre mawlh rawh se. Party lian intih lai tak hi a tlak theih teh meuh mai. Mipuite hian in Party inkaihhruai dan leh kalphung dik loh avang pawh hian mipuite hian an chhangkham ve hrim hrim tawh che u tih lo inhre rawh u. Beih thama inngaih loh te hi inhmu lian ta hle zawk a nih hi inbei inbei ta a nih hi. Tin, Fakselnaah pawh hian ZPM hi sel sel lovin lo ngawi vang vang ula, mipuiin an khawngaih vote zawk ang che u. Engkimah hian ram inenkawlna reng rengah tihsual leh inchhuihpalhna pawh innei miah lo ve ve a, mahse, mipuite hian an chhangkham ve hrim hrim tawh che u a, in inrin ang inni tawh dawn bawk lo. Kan mi leh sa intih te hian an uire san vek dawn che u tih lo hria ula, lo \awngtai fan fan zawk rawh u. Vote chhiar hunah meuh chuan a va mak ve, a va mak ve inti dawn tho tho. Ka rin aiin, ka rin aiin inla ti dawn.
MS Chhakchhuak, Aizawl
————-
Tripura Bru Relief Camp-ah kan Zoram \anga officer zuk kalte chu TUIKUK hovin an lo ngaihsak lo hle mai hi engtia tih zel tlak an ni lo tih a ti chiang hle ta mai. Chuvangin Tuikuk chungchangah hian kan sorkar chak tak pawh hian an kut silfai nghal sela, chuti lo chu an pawngpawrh tawlh tawlh mai ang.
RENTHLEI CABIN
————–
Pu Duha pawlte pungkhawm ka hmuhin lal tur chuan a la zamawm deuh ka ti. Hun a la tam a, \an han la phawt mai teh u.
Lalrinfela
————–
Kolasib khawpuia Independence Day hmanna pui bera khuallian tur Pu Hiphei Assembly Speaker chu a titau a, a haw chu Thingdawlah an han umphak a, an hruai let leh an ti maw? A awm ka ti tho mai. Kan hmalawk inthlana sorkar leh tum lo tan chuan tih tauh bur bur chu a awm ve a lawm. Mipui hian Congress sorkar hi an ning tawh hle a, an lo dawng sawng \ha peih tawh lo a ni tih a chiang hle mai. Mak lo ti tawh suh u.
Sawmhlua Pa, KLB
————
Mizoram sorkar hnuaia Secretary pension tawh, Finance Commision-in an chhawr nawn Chawnpui pa chuan tunah hian Driver panga lai a kawl reng thei mai hi a va mak ve. Kohhran upa chu an la ti leh ta nghal, a va lal ber ber em. Kan sorkar hian a va ngam awm lo ve le.
No. thup
————
Zoram hmangaih ai chuan mahni inhmangaih hi zawng a na a nia nge, ram rorel tura mi dik leh Pathian ruat lam thlir lovin, ham\hatna hmuh theihna tur leh a zar kan zo ve theihna tur kan zawng leh ta suau suau mai zawng a nih hi.
Rosanne-i Pa
———–
Inthlanpui a lo hnai leh ta, tapchhak zawla pa intifing pui pui, \awngkam inti thiam tak tak, dawih deuh deuh hi kan pung tual tual, dawihzep deuha mi dang sawisel zuah zuaha, kan hming leh nihna erawh tarlang ngam lem lo Fakselnaah kan kat leh ta nuk mai.
Heng ho hi ka lo hmuh ve dan mai mai chuan ‘mi bang phen a\anga tlanchhe chunga mi inchhunga awm tâwng vel’ ang lekah ka ngai.
LB Fela Ralte,
Sesawng
————
Zoram mipui za zela 30 vela rinawm loten kan aiawhtu tur za zela 70 vela rinawm lote kan thlangchhuak leh dawn chu a nia. Hmasawnna chu a ngaite ang bawkin a muangchang leh dawn mange.
LB-a pa
————
Bru (Tuikuk) te hian Tripura an ramah ngei pawh khualehtui an nih theih nan vote takngial pawh an neih theih loh laiin, Mizoramah vote neih chu sawi loh sum \hahnem tak leh ram zau tawk tak an la phut a nia. District 8 kan neih ve te lah vaiin lalna an chang zo ta. Central party, Congress party-ah hian hnamdang hmel hmuh tur an tamin hnam tin chitin te tuallenna ram a ni ta si a. Hnam pasal\haten Famirolung mual an changzo ta em ni? Khawnge pipute a\anga Zonun zemawi, tlawmngaihna te leh sem sem dam dam, eibil thi thi te kha an awm tak le? I RAM, I HNAM CHIMRALIN A AWM MEK E.
Tlabung Uitangrual
————
Lancy, ZONET-in Mizo Idol zaia intihsiaka buatsaiha i host hi i thiam lutuk. Zonuni kan ngai chuang lo. Khaw hming lam dik vek hi harsa tak a nia. Lam dik loh engemawzat i neih vang khan i host thiamna a tikiam chuang reng reng lo. Mi sawiselna che hi hrehawm tih nan leh zam phah nan hmang suh. Huaisen takin kal zel rawh. I host thiamzia hi mi tam takin kan hria a nia.
DIKI PA
————-
Mizoram chhimlam, Lunglei, Chhimtuipui, Siaha District te electric current inenchhawk ngai fo mai hi chu a va ninawm tawh tak em. Khawl hlui lutuk tawh vang a ni a, khawl thara thlak vat kan mamawh tawh a ni. Inthlan a hnaih tawh hi, a mawhphurtu chet vat a ngai a nih hi.
9436147113
————
MPYCC-in SSA, RMSA hlawh lak theih loh chhan chanchin thara a rawn puan hi awih a va har ngai ve. Anni hian englai mahin hlawh an la \ha ngai lo hrim hrim. Chhuanlam mai a ni a, inhmusitna mai a ni e.
THLIRTU
————–
