Leng VC-te leh an thawhpuiten an khawtlang an hmangaih anga kan Zoram hmangaihtu ram hruaitu kan neih hlan a nghahhlelhawm hle mai. Kum nga chhunga khawtlang an chei dan leh an hma lakna han thlir hian a ropui ka ti takzet a, hetiang taka kan ram hmangaihtu hruaitu neih hlan a nghahhlelhawm takzet!
9862643718
—————-
Kan CM hi India mi langsar leh hming\ha a nihna awm thawm khawi lai chanchinbu leh News channel-ah mah hian ka lo hmu ngai lem lo a. Ram hruainaah thil ropui tak a tih awm, India ram pum hriat tham ka la hre ngai lem bawk si lo a, chu mai bakah Mizoram a hruai chhung hian hmasawnna, mi bikte han tihna tur hmuh tur eng vak mah a awm chuang si lo a, engtia West Bengal sorkar hian mi langsar leh hming\hate puala in hmun hlan ve mai nge a nih ang le? Chutiang dawng awm an awm a nih chuan Tripura CM-te pawh hi an tel ve lo maw? Nge ni kan ram tana ti mang si lo hian West Bengal tan hian thil \ha tak takte hi a lo ti zawk em ni? Hriatthiam chu a har ve deuh chuan ka hria. Nge ni a, an party media hian an uar mah mah zawk ni dawn le?
Lalbiakfela Ralte, Afida
—————-
Beiseina channel-ah lo hian basketball hi a pek theih loh em ni? Kan en duh ber a ni bawk sia, tih dan han ngaihtuah teh u.
9615548546
—————
A hma nia ka rin dan ka lo sawi lawk ang chiah maia Pu Hawla ram lei chungchanga an insawifiahna han hmuh chu zawlnei emaw ka inti dawn alawm le.
Soloa pa
———-
Tumah hi han insawisel tur chuang an awm pawh ka hre lo. MNF leh Congress chu an \hat lohzia kan hre tawh a, party feeling an lak natzia pawh mi ^ lo tan chuan hai rual a ni lo. Chuvang chuan mahni tana \ha tur chu i hai lo tlang tawh ang u. 2018 kum chu kan hnaih tawh si a. Kan vote thlakna tur chu ngaihtuah fe kan ngai dawn a nih hi.
No. thup
———–
Kan ram rorel khawl chuan vawkte mawngping kan chai tak vak mai le! Kan ram hmasawnna lam kan lo thlir dawn emaw tih nak a laiin vawkte mawng ping tih vel kan buaipui vel ta mai mai si a.
8413946492
———–
Political party hrang hrangte a\anga ka thlirin politics a\ang chuan kan ramah khua a var tak tak dawn lo niin ka hria.
Malsawma pa
—————-
Pathian leh kan ram tan ti chunga mipui bum leh Pathian nung tia mipui bum hi enge pawi zawk ang? Pathian tak an zah si lo.
VL Ruata
————-
He Airtel Internet signal tak hi chu, in enkawl zo ngang lo em ni? Nangni Airtel vang hian tunlai Internet khawvel kan intih tawh mah nak alaia NET hmantlak loh ni reng mai! Hnathawh nan Net kan hmang a. In Airtel net ve lah hi engmah tih hleih theih loh. Titawp mai teh u. A nih loh pawhin mahni number ngaia Jio a inleh theihna siam mai teh u. In khamawm em mai!
Lalmalsawma Sailo
————
Yamaha Fiamthu Fest 2017 chu Pathian zarah tluang taka neih zawh a ni ta der mai. A hmuhnawmin a ngaihnawm bawk a, a khamawm loh hle mai. A hmuna entute tana ham\hatna in siam kha a \ha hle mai, debate in telh nen khan. Pu Hruaia leh Pu Adama te hian fiamthua inelna a ni tih an hre chiang a, Hall chhunga entute fiamthu boruaka chentir reng an tum tih an chezia a\angin a hriat. Anni pahnih hi talent nei \ha bik an ni. Endiktute, fiamthu thiam te chungah hriatthiamna leh dawhtheihna in neih nasatzia a lang. Chubakah inelna tualzawlah zam lo leh ngampa taka an chet theihna tur inngaihtuah tel niin a lang. Fak in phu, ka fak takzet che u. Tumah famkim erawh kan awm lova, kei mi mawl hian a changin thlirna tlang dang a\angin ka lo thlir ve \hin a. Fiamthu thiam te inhriatthiam leh dawhtheih luatah Yamaha Fiamthu Fest 2017 khan a chang chuan a zahawmna a hloh \helh \hinin ka hria. Ka hriat sual chuan hun vawngtu khan min ngaidam se, final zana hun vawngtu khan inelna bul \antu tur a koh chhuah khan a chhungte a dintir a, mi dang a koh chhuah khan an chhungte a dintir ve lo khan ngaihtuahna a ti thui. A buatsaihtute, nangni zarah zan hlimawm kan hmang \hin a, lawmthu ka hrilh a che u.
DIKI PA
———–
Hriata Chhangte-in Mizoram CM Hawla thil zep ruk ni ngeia hriat, chawmhlawm state CM ni chunga a lo hausak turu tawhzia, Kolkata-a a in sak chiang tak maia a rawn thai lang hi Mizoram mipui tan a \hain a bengvarthlak hle mai! Amaherawhchu, chawmhlawm state a tih fote tan chuan a chhuanawm loh kher mai! Min lo va rawk nasa tawh awm ve aw!?
Thlirtu
————
Kan Mizoram rorelna sang bera Vawkte mawngping an han sawi kha Zopara te hote pawh an ang rum rum alawm le. Pu Zorama \anna kha thu dik tak a ni. Ping lo se chu a e ngei ngei ang a, a thi bawk lo ang. A tirin ping lo mah se an sem lai khan a ping a ni mai.
Congress ve tho
————
An veng hming chu ka sawi lovang. Aizawl veng pakhat Municipal area chhim lam deuhah chuan Congress Unit hruaitupa chu he sorkar ruling lai mek hian a rawn dah lal hle a ni awm e. A thu thuin he veng hi a chawkchawrawi a ni ber e, a awm tho ve! Kalphung hlui pangngaia an lo neih tawh, an kal dan pangngai ang lo chuan kal dan an thiam tawh lo a ni ber mai. Kal phungtharin han kal dawn se! Chakai kal inzirtir nen khan an kal ngei dawn si a, an thiam ngang lo a ni. Mipui sorkar ni ve lo, Party sorkarnaah chuan mahni party mi leh sa chauh thlirna chang hriaa induhsakna hleihluak hman hi tih dan pangngaia an lo neih tawh avangin bansan harsa an ti hle tawh a ni. Hetiang kalphung duh lo pawl \angrual pawl ZPM chuan kalphung thar mipui sorkar an rawn (din) siam dawn ta a, he sorkarah hi chuan induhsak bikna a reh tawhin mi zawng zawng hian a zar kan zo ngei dawn. Lungngai lo la, \an lo la zel ang che.
Aizawl pa
————
Nizan Zoram kalsiam Programme kan lo en a. Leng khaw VCP leh a thawhpuite hmalakna felfai tak kha a va \ha ve le. Ka lo ngaihtuah chu hotu ber pawimawhna bawk a ni. VCP \ha takin felfai tak leh lang tlang taka khawtlang a kaihhruai avangin a thawhpuite tan pawh zawm ve mai a ngai tihna a ni a. Mizoram pawh hian Chief Minister \ha nei \hin ila chuan Minister \ha tak tak kan nei dawn tihna a ni. Leng VC te in fakawm e.
THLIRTU
————-
Pu Hawl, tualchhung vawkpui vulhtuten NLUP- ah kan vawk note min laksak leh dawn emaw tia kan lo nghahhlelh tehlul nen i supply tir leh ta daih si a, vawk note hralhna kan hre lo.
Vawkpui vulha
—————-
