Ramri chungchangah Kolasib DC a fakawm thu kan lo hria a, a lawmawm hle. A hmun tlawha a kal hi a fakawm a ni. Ministry lam an dawi lu deuh hi chu a pawi. Huaisenna nen ramri buai hi chu a dinhmuna zira hmalak \ul hun a awm. Naga rambuaiin an ram an zauh a, keini erawh chuan zauh chu sawi loh, kan rama kan ngaih chin pawh kan humhim \ha ngam lo lek lek mai hi zawng a ropui loh thlak hle.
RK Sanga
9862366590
Hmanni khan ka rawn au chhuahpui tawh a, Mizo \awng ti daltute chu kan mithiamte hi an ni ka ti ve tlat a ni. Chutihrualin an zavai erawh chuan an ni lo. Thusawina leh thil hming, mihring hmingah te sap \awng an hmang uar a, thingtlang leh lehkhathiam lem lote pawhin hming bulah Ssap \awng kan hmang ve ta sup sup mai a, a awmzia pawh hre manglovin thingtlang naupang te te berh ve chipchep pawhin Sap hming kan nei ve ta fur mai a nih hi! Kei ngei pawh ka fa te pahnih hming bulah sap hming a awm a, inchhir tak ka ni. Hming thlak hi chu a theih mai a, koh dan thlak erawh har tak a ni! Ka fa pakhat erawh chuan sap hming a nei ve lova, amah chuan sap hming ka duh ve a ti \hin a, a lawm lo deuh \hin a, i hming hi a \ha ber ka ti thin. Tunah chuan a pawm thiam ve ta niin ka hria.
PAVALAI
8014499153
Fakselnaa CM leh MP te Chawlhnia Delhi-a cham, diriam taka an hlawhchham zia thu rawn sawitu khan Kohhrante pawh rawngbawlin foreign-ah kum 1 dawn dawn te an cham a, Isua ngei pawh Chawlhniin buh hmunah a kal a, Chawlhni hi hmanna tur bik a awm em ni? Chuti Central berin min ngaihtuah si loh chuan buhin min daih loh hunah pangbalte kan ei anga, mautuai awm hunah mautuai kan ring leh anga, mautuai rem hunah bahrate kan lai leh ang a, a awm ta ngang lo tihah tunge nghei thei tak tak kan ti mai dawn em ni ang? Sawisel tur lo dap reng ringawt mai hi a dik ber ang em? Han inthing harh deuh teh khai!
Tlabung Uitangrual
9862014844
Hmamdang pasala neih sawimawina ni thei dawn dawna ngaih theihin Mizo mipate panna lai sawi kan awm \hin niin a lang a, a zia lo ka ti hle mai. Mizo mipa chuan nupui neiin fa nei se, Mizo hnam tho a hring dawn a, Mizo hnam thlahtu a ni tho. Mizo hmeichhiain vai pasal a neih chuan an fa chu vai a ni dawn a, Mizo fa a hring dawn lo hrim hrim. Chuvangin kan Mizo mipate hi kawng hrang hrangah duhthusam chiah lo mahse, chu an panna lai chu hnamdang pasala neih nen hmehbela, sawi lan ve chhen a \ul lo ka ti. Hei hi ka mimal ngaihdan a ni e.
8837489511
Mi 150 lai mai Tuikuk ho thlavang hauh nana CM Bangla tuala sitting demonstration nei tura kal te hre miah lo a awm theih laia, chumi chungchanga thil awmzia zawt tura Congress \halai tlemte police ruaia dan beh leh luih luih si hi hriatthiam a har. Mi 150 thawm hre lo thei chuan mi 10/20 vel thawm chu hriat si hi a mak. Mizo mipui, MNF zawng zawng tiamin min tham lovin, min va han ngai mawl \hin ve aw. Nuih an tiza bang lo \hin e. Ram siam \hat duh laia opposition MLA/Councillor neih hlauh viau te hi a ngaihtuah tawi thlak, duh tak vote mai tur. Ram hmangaihtu dik chuan opposition bial e bial lo e, a bial leh ram \hatna turin hna a thawk tur a ni tawp mai. Opposition bial nih hlau mipuite pawh harh a hun. Rulling bial emaw, opposition bial nih vanga ham\hatna awm bik leh awm lo bik tura ngaihdan neih sim a hun. Fate zinga hleih bik nei nu leh pa \ha an awm ngai lo, ram hruaitu pawn hleih a nei tur a ni lo.
Ramveitu
9089667399
MNF sorkar hi Congress sorkar ai kha chuan chak zawk tur leh mipui tana chhenfakawm zawk turah kan ngai a, mahse hei, tui in tur pawh min pe \ha thei lo va, ramri venhim chungchangah pawh engmah an ni lo va, Tuikuk humhalhtute za chuang teh meuh mai CM tualah an rawn au dual dual ngam bawk a. MNF sorkar hi zah tlak a awm lo nge, Zofate tan hian a va tlawm thlak em em ve. Mizo mipui hian tui in tur, power, kawng \ha leh Assam nena kan inri-na ramri venghim ngam tur sorkar kan va mamawh em. Vai zuam tawk lek MNF sorkar nge, vai ngam loh sorkar i lo enchhin zel ang u.
Johntea pu
Engati nge cheng sawm thir hi hmunpui ber aizawl dawrkai ho hian an dawn duh lo. Thingtlang khua dawrkai ho an tih hmuh zo tawh. Khawiah mah a hman theih loh. Sorkar hian ti thi law law mai se, a buaithlak.
No. thup
