Sumdawng ho hian in bungrua fak tur hian milâr emaw, mi pangngai hi rawn hmang ve u la kan va ti em. TV hmaa \hutte pawh a nuam deuh tur. Engpawh ni se, tuai over deuh deuh te hi chu rawn hmang tawh lo hram turin Zoram mipui aiawhin ka ngen che u. Hmuh an ninawm ta lua e.
9436196357
Opposition ho hian MNF party chungah hian rinna innghat hnem hle tih kan hriat hian kan lawm hle mai. Chuvang chuan MNF party hian hmasawnna ruah\ham loh hi opposition ho hriatfiah thiam hauh lo tura \ha zel hi kan lo chhawp chhuak zel dawn a, hmasawnna hi a zuanin kan zuan tir zel ang.
Tlabung pa
70059 61942
Ni 15, Thawhleh zan dar 8 vel khan Aizawl leh Lunglei inkar kawng, Zampuimanga thlan bulah kopang leiminin kawng a hnawh a, a zana zanin PWD Muster Roll Truck Driver leh JCB Operator te chuan an va clear leh tak kha. Kan sorkar chak taka hotute hian Muster Roll te hnathawh nasatzia hi an hmuh hmaih lo turah ngai ila, tuna an thil dil mek, hlawh \ha zawk leh ham\hatna dangte nen hian han pe mawlh teh se. Hna a tak taka thawktute an ni si a.
LB-a Pa
8414029478
Chite lui thenfai ngaihpawimawh a ni hi a va lawmawm tak em. Aizawl veng zawng zawng, a bikin Chite luia an thli luang lut zawng zawng kawrah hian bawlhhlawh paih hi khap se. He hmalakna hian a hlawkpui ngei ka ring ve tlat.
Hruaia C Vanchiau
8974046940
Kawnpui leh Sairang inkar kawng zet hi chu sangha khawina hmunpui nge PHE ho tui dahkhawmna zawk tih mai tur lah ni ta. A enkawltu PWD, a changtu CM leh a thawhpuite hian zahna chang an hria ang em le? Pu Hawla hunlaia kawng chhia hmu thei em em tute kha khawiah nge inawm zawh tak? Kawngpui siam tur hian Pu Zira hian ram pumpui hnatlang ko mai se hnatlang hnam kan ni a lo tih tawh kha, kawng chhiate hi Pathian leh kan ram tan a ni thei ang em?
RZA Ralte TD
8730841016
Kawng chhiat vanga motor din tir a ngaih chuan kawng enkawltu mawh liau liau a ni. Lirthei neituin kawng enkawlna tur road tax an pe zel. Chuvangin kawng atana chhiah dawngtu sorkarin a bat chu kawng \ha pek a ni. Pawisa chu a awm ti si, kawng siam hnathawh \hat leh si loh chu a dik thei lo a ni.
RK Sanga
9862366590
India ram State zinga HIV vei tamna ber kan ni hi a va chhuanawm loh tak em! Kan veina chhan ber lah chu mipat hmeichhiat hman khawlohna a\angin an ni leh nghal a, a va zahthlakin a va chhuanawm loh tak em! Nep tak kan ni e.
Zopa
8729984567
Mahni vei zawng zawng aw : Jio hi signal a va han chhe em em ve le. Mission Veng, Model Vengah hian a chhe zual lo maw? Hmun dangah pawh a \hat vak ka ring chuang lo. In customer te kan lungawi lo teh a nia, \an han la sauh sauh teh u.
Complainer
7005015554
Tunlai \hangthar TV-a zai tam tak hi chuan hla thu leh a thlukte hi an tidanglam vak vak mai a; Pathian fakna leh hla lenglawng te pawh a phuahtute phuah dan ang ni lova an sa danglam vak vak mai hi chu a lelohthlak ngawt mai. Hla hi hla a nih ang hian sa ila, intih mak nan sa lo ila ngaihthlak a nuam daih zawk si a.
LALTUAIA
9612691391
Kum 5 kal ta a\ang kha chuan Sairang leh Khamrang inkar kawngte khu lo enkawl \hat ni se chuan tun ang em em hi chuan kan buai lo tur a nia.
VS Chhakchhuak
