Mizoin inhnialna kan neih tam tak zinga pakhat chu ‘Puandum tih leh Pawndum tih hi niin ka hria. A eng zawk hi nge dik anga, kan hman tak ang le? Pawndum tih tur ti an awm, kei chuan pawndum tih hi tun hnai maia intihre deuh hovin an phuah danglam a nih ka ring. Kan Bible ngei pawh lehlin danglam a tam em hi. Chuvang chuan kan pipute hun laia ta tawh puandum an tih ka ring tlat. A B C awm hma khan pawndum an tih ka ring lo mange. Eng nge i ngaihdan le Pu Zonet?
Nghaka, Serchhip
98621 30116
Miss Mizoram 2020 final zan chu khawnge in en ve teh ang tiin, kan TV hmaah ka’n \hut chilh ve a. A hmun hma chu kan chei ve nasa hle mai, state intodelh te entawnin. Mahse, mit a kham duh hle mai, a phe zoh zoh a. Tin, light a van \ha tawk lo em aw. Kan nula, miss contestant-te a chang leh an baekngo hlui a, a chang leh an hang mawk chel bawk sia, kan hlut tehlul nen, sawiselna \ha a lehpek a tan a inzir nan kan faksel ve e.
+91 98623 31947
Tun \um chu Zonet sel ang. Inenfiah nana in hman ve tak hlauhin. Zonet in MISS in thlang a, a hma fe a\angin in puang zar a, chanchin buah te kan hmu, kan nghakhlel hle, bul in han \an a, entur a awm mang ta tlat lo. Chutah Grane Finale tal chu tiin kan lo nghak a, kan rindan chanve pawh in pha lo, a phe deuh reng a, in chawlh lawka fakna chu a pangai thei tho si. In \an leh chiah khan a tawp chut chut a, mit a hah, a sound lah chu a chhe em em reng mai, in inbuatsaih miah lo em ni aw? A hmain lo in enchhin ve awm tak. Tin, ka rin aiin Mizo \awng in uar lo, \awngah hian sulsutu turah ka lo ngai che u a, in channel hming Mizo \awnga in dah ang hian hman theih a awm. Pakhat tarlang ang. Sub-title in tih bik hi, Chawimawina tenau/ nihna tenau tia dah theih niin a lang. |awng humhalh leh tih hausak tum nak alai a, sap\awng in uar mah mah deu lo maw? Hmasawn zel turin han \ang leh deuh hram teh u.
Johan Lalrinawma pu, Saron Veng
94363 92544
DDK news a kan hmuh danin Mizoram chhimchhak Archhuangkawn chu Mizoram leh Myanmar inkalpawhna pawimawh tak a ni a. Hetah hian Covid 19 avangin screening poin pawh dahve a ni a. Health wokers pakhat leh Asha pakhat dah an ni a. Mahse engmah test-na hmanrua a awm loh avangin a veivak te an chhinchhiah vel mai mai niawm tak a ni. Kan sorkar khan Myanmar nen a kan inkalpawhna chu |iau-Zokhawthar chauh hawn a nih thu kha a chhuah ngeiin kan hre si a, kan lo hre \helh deuh em ni aw? Engpawh nise, he tianga a veivak te chhinchhiah mawl tawp ringawt mai hi chu he hripui lak a\anga inven nan chuan a mawl lu deuh lo maw? Sorkar hian ngaihtuah rang teh se. Tunah hian kan hriat angin kan ram chu kan la him a, vanduaithlak taka he hri hian min run ve a nih vaih chuan sorkar hian a tih tur a tih loh vang leh, a inthlahdah vang liau liau a ni ngei ang.
Sadama
98623 79822
Central sorkar chuan sum an nei bawk a, a hnathawkte January 2020 a\angin an hlawh za a 4-in a tipung a. He lam nise sum nei mang hawt lovin an rawih laite bakah pensioner, an vaiin nuaih khat dawn hlawh leh pension lo pun ve ngawt an tum leh pek ngei ang a. Tun apangin mipui chan tur sum a tlem tawh em avangin hetianga hlawh pun vak vak kan tlin ve lo ti ngam sela ka va ti em! July 2020 phei chuan za a 5 danga tih pun Central sorkar lamah chuan a ngaih hmel a. Helama an pun ve zel chuan mipui chan tur a kang zo vek thei takngial dawn.
Tunah pawh tui sem an harsat tawh em em hi. Electric bill te, ram chhiah (Revenue) te pawh an sang \an dawn chauh. Huphurhawm tak a ni, sorkar fel lo neih reng mai chu.
Ramliana
94361 97357
Shillong a\anga sarep an lo thawn hi engvanga lo man \hin nge an nih? Thu neitute hian enfiah vat se a \ha ang. Phal loh thil niin ka hre bawk si lo. Ka hmuh leh hriat ve dan chuan, Vairengte police ho sum duh vang mai mai niin ka hria. An man a, khulh an phal leh tho si a, an sum duh vang bak a ni lo. Lo sim tawh teh u?
Lalmimi-a
96124 47808
Covid 19 hrileng vangin ramri him lo tam tak a lo lang chhuak mek zela, ramri a pawn lam miin buaina hial an siam ngamnate pawh a awm a ni awm e. Pathian zarah he hripui hi a reh a, hri a\anga ram a ralmuan hunah heng ramri, sorkar hriat lem loha inkalpawh awlsamna lai hi sorkar hian ram leh hnam humhalha a ven zui zel leh a ngaihven chhunzawm a \ha khawp mai, harh chhuahpui nan pawh i hmang ang u.
LT Ralte
98620 07651
Fakselna a Tlabung Uitangrualte in thu a fing lova a \ha titu khan, ni e, kan thu hi a fing lo a, rulling an ni emaw, Saipui kallai leh Super CM tur pawh nise, Pathian leh ram tan dikna hi kan auchhuahpui mai a, sorkar hmasa a Saipui chet dan a hmuh khan Pu Rama’n, “Kan fing ve tawh ang” a ti a, mahse huapzo sorkar a lo ni ta hi a \hat rualin, “Ka tlangthianghlimah an tina tawh ngai lovang” an tih ang hian, huapzo sorkar din leh tur hian Chinghnia leh Beramno Bawngpa leh Saikeibaknei Saipui kallai leh Uitangrualte thleng hian lungawi lohna reng reng a awm tawh lo kan tithei ang em tih hi a ni.
Tlabung Uitangrual
919862014844
Tunlai hri leng vang hian i chhungkua te fimkhur turin hrilh reng rawh, sawi tam lua a awm lo.
RUALAWTA, AIZAWL
919089612181
Miss Mizoram thlan a zova, nimahsela, ka ngaihtuahnaa thil lo awm daih chu a tlingate hmel leh pianzia lam ai mahin Miss contest-a tel tam zawkte ‘family background’ kha a ni. Thiam theih loh leh inthlahdah vang pawh ni hauh lova, retheih vanga zirna chhunzawm ta lo leh ei zawnna bul \anna dang hre ngang lo, Miss Contest hi ei zawn bul \anna a nih theih beiseia tel ve an ni hlawm kha a ni. Youth Devepment Commission lamin lo ngaihven zui teh u.
