Nizana Fiamthu Fest leh Judge-te rawn sel chiamtu khan thil a hre zik tluak lem lo hle mai. Comedian Search te kha sawisel kai lo, \ha famkim ang hialin a rawn sawi mai a! Thil kan sawi dawn chuan hriat chian hmasak phawt hi mi pangngai nihna a ni ngai e. |an lam fak duh luata \an loh lama mi dang \ang lo ve veka ngaih ngawt pawh kha thil dik a ni lo. Fakselnaah hian khatiang thu nawi lutuk kha chu chhiar lo ngam \hin teh u! A hlutna a tihniam pha lo naa, ngaithlatute an zahawm e!
Mesaka Putea
—————–
ZONET Show pahnih U Got Talent leh Fiamthu Fest chu a liam ta puat mai. A show tawp dan lah chu a rang teh phut em a, kan inring hman lo a ni ber. U Got Talent phei kha chu fakna nen a inzawm pût mai a, en thiam a har. Mahse, Judge belhchian dawl tak kan hmu tel a, hmuhnawm reuh e.
Fiamthu Fest ve thung kha chu a hmuhnawm tluan tling viau mai. Judge-te an fing a, top 3-te phei kha chu awmze nei takin an fuih chho reng a, mahse, beisei pha ta lo kha chu an awm zui ta a nih hmel. Kan lawm deuh ber kha a tling ta a nih kha, a àwm hliah hliah e.
K. Hautea
————-
Aizawlah tuna mi zatve hi Taxi awm se chu a fare a letin a to ang a, mi rethei zawkten kan zo lo ang. Tuna mi let hi la awm belh se, fare pawh a tlawm deuh a rinawm.
9774354495
————–
Pu RK Lianzuala, ‘Hlau si, duh si’ thua i Whatsapp kha ka lo chhiar a, TV-ah chauh hria che mah ila ka ngaihsan mi i nih vei nen, Aadhaar chungchang hi mi zawng zawng hriat fiah a nih loh avangin ti lo tur leh ti tura intihluih chi a ni lova, chhungkuaah pawh duh leh duh lo kan awm reng a ni. A nihna takah chuan Kristian zawng zawng hi ti lo vek ngam tur kan ni. Nei duh leh duh lo kan awm hi Bible thlen dikna a ni e. Mihring ve bawk, ei tur mamawh ve tho kan la nih avangin chhungkaw zinga a neite number hman theih chuan Lalpan rem a ti a ni mai. A theih loh pawhin Lalpa hmingin engkim chan kan huam e. Leia ro khawl khawma, vana khawl si lo chu amah a inbum thlawn mai a ni. Vanram ro phumruk lei tur chuan neih zawng zawng hralh/chan ngam a ngai. Sakawlh leh a pilot i hai tlat.
9856887138
———–
Kan HOTUPA BER tak hi chu aw, a khawsak duh dan mai mai tak hi. A chang leh ZORAM hi min tilungngai a, a chang leh nuihzatthlak lam deuhte hian min khawsak khum leh rih a, a chang leh rina loha ui buk sa an tih ang maiin a che leh thut lawi a. Tunah lah a hausakna pung leh thutin MIZO MIPUI thin a deng leh thut mai a. Zarkawta PUCCA BUILDING TURU lutuk ang pawh saw MIZO MIHRING tam zawkte hi chuan chatuan pawha kan neih ve phak rual loh tur a nih tawh vei nen le. Tar a lama \an a neihah chuan duh tawk NUPA ve tawh awm tak. Pawisa lah an ngah tih tlang hriat an ni si.
Bawiha pu
————
Kan politician hote ka ninna ber mai chu insawifiah ngai reng mai hi. An insawifiah dan lah hi a lo dik lem chuang bawk \hin si lova, Kristian lemchang kan ni ta berin ka hria Mizoram ve hi. Hnam dang sakhaw dang bia nen kan danglam ta love.
Dindini pu
————-
“Mi rethei ka VIP” a tihte aiin NLUP chu amah CM ni lai hian a lo hlawkpui leh ta ber a ni tih Kolkata lamah a lang leh ta ruau mai maw? ‘Bum hmang, dawt sawi hmang’ an lo tih \hin hi a dik hle a nih hi!
Thlirtu
————-
Ka ngaihtuah mai mai \hin a, kan ram, Mizoram hian hmana Sodom leh Gomorra khua kha kan va ang ta em ve le aw! Zu lah a tam, HIV lah a hluar! Mi intivei leh inti changkang, Kristian thuamhnaw atana mawi lo pui pui inbel duh lah kan tam. Lalpa rorelna ni chu kan hmachhawn ngei dawn e. Tin, tunlai Pathian fakna hla sa ho lah hi kekawr zuih tak tak, engtinnge an hak le aw tih theih khawpa mak te hi an han ha a, hei ha, veitu tan zawng a va hahthlak tak em, aw Lalpa! Lalpa tan sa lova mahni lar nana sa mai mai a lawm an lo nih a! Pathian hla sak laia inchei danah chuan kan hmuhsit em em, amaherawhchu kan tluk si loh hi a awm a, chu chu UPC hi an ni.
8974490313
—————-
Dawt sawi hmang, bum hmang, a sawi leh tur pawh DAWT BAWK tih ang chiin Mizoram hi min hruai reng chuan kan hmabak chu kawng tinrengah chau taka nih hriat a va hun tawh em!
Zopa
————
Pu Hawla in, Kolkata mi chu sawifiah a va ngai thui em em ve. Dik lo taka puh chhiat a nih leh nih loh chu Court lam sawifiah chi a nih hmel, FIR a thehlut em le aw?
RK Sanga
————
Khawvela Zofate lang chhuak tak tak tur chuan Sakhuana leh Politics-ah pawh mihring kan nih chhung hi chuan tumah hi fel leh dik tak a awm theih tak tak loh tih kan hriat a \ha. Kan hnam chawisan hi a pawimawh ber a ni tih i hria ang u. Chuan kan ram leh hnam hi khawvel hriatah a lo par chhuak dawn si a.
8730929464
————–
Hnam pasal\ha Martar-te ruh ro, chhawm nung zel tur hian zam ngai lo Zofa leng zawngte, pheilai vawrin hma lam i pan zel ang u. Kolkataa Pu Hawla’n a thei thuhruk hmuh hlauh vanga sakhuana zah chuang bawk si lova Zofate min sawi \haih \hinna chhan ber, Babel in sang sak leh thil dang dang etc. hmanga min bumtu, dawt bu sorkar laka tungding leh tur hian hnam dang fa a ni emaw, tute pawh lo ni se, Zofate kan tlawm dawn lova, kan zam tur a ni bawk hek lo, Pathian leh kan ram tan ti tute kan ni, kan do zel dawn.
Varparh arsi hruaitu, ZORAM SAKEI
———-
Mizoram sawrkar, tuna sawrkar mek Congress party hian mi retheite hi kan VIP an ti bawk a, sweet sem policy chu an hmang \ha angreng a, lal leh beisei nan a \hain an ring bawk niin a hriat a. Mahse, NLUP an sema te hi an hlawhtlin leh hlawhtlin loh pawh an ngaihtuah hian a lang lo a, \ulna leh mamawhnaa sum pek hi chu a \ul a, mahse enkawl zui a nih loh chuan sum tam tak a luang ral hum hum a, kan ram hian hma a sawn loh phah hle a ni. Inthlan lo awm leh turah hi chuan tu pawh lo sawrkar sela hlawhtling ngei ngei turin min enkawlin min vil tawh sela a \ha hle tawh ang.
Tlabung aw
————–
Mizoram min kaihhruaituten hetianga ram hruainaah dan an bawhchhe zel a nih chuan he bawhchhiatna hian note a chhuahin, hrin dang chu a nei zel lo thei nang le! Tuna kan CM neih mek pawh hian MLA candidate-ten mahni thil neih (asset) thehluh kim loh emaw, a dik lova an ziah (false affidavit) chu engatinge a thehluh kim loh le? Hetiang ti \hin party hrang hrangtute pawh ni se, mipui leh sorkar an bum avangin ECI-in MLA nihna a\angin a bantir (disqualify) thei takmeuh alawm. MLA chuh nawn thei lo tur thlengin a hrem thei a nih chuan a phu tawk chu hrem ve ngei chu a \ha e. Hetiang thil thlenga rethei leh hausa kar kan ti kak zau zel a nih chuan engah nge ram chuan a chhiatpui loh lem ang le! Lui tui luang chu a hnar a nut chuan a mawnglam fim sa pawh a tinu an ti a, a dik hmel hle a ni. Kan hruaitute hian thil dik lo an ti zauh zauh a nih phawt chuan an hnuaia miten tih ve tur emaw an ti ve mai.
MS Chhakchhuak, Aizawl pa
————–
LALPA keini mihringte hi chu mi dangte tana harsatna siam reng \hin, mite tana hnawksak leh ninawm mai kan ni a, kan danglam lohna tura danglam \hin mi kan ni a. Mahse, nang chu danglam ngai lo PATHIAN i ni si a, tihhrehawma kan awm hi kan tan a \ha a ni, nangmah hlata kan awm lohna turin.
Angaihtei, Lungsum
————-
Kum 2018-a Mizoramin General Election kan neih tur chuh ve thei tura Zoram People Movement (ZPM) a lo piang ta mai hi a vanneihthlakin, Mizo mipuite kan vanneiin Pathian hnenah pawh lawmthu i sawi mawlh mawlh ang u. Kan mithiamte leh thinlung taka ram hmangaihtuten rilru leh ngaihtuahna senga hetianga \angrual pawl an rawn siam chhuak ta mai hi an chungah pawh lawmthu i sawi mawlh mawlh ang u. Political party pahnih INC leh MNF party-te rorelna hnuaia kan sal tan a\anga Pathianin kan chhuah theihna tura kawng min siamsakna tur niin ka hria.
SAWMHLUA pa, Kolasib
—————-
Cable TV serial film Mizo \awnga lettuten \awng dik lo an hmang \hin hi a va pawi em! “Zal>nna” tia thluksei turah “ZALENNA” tia an lam ri \hin hi pawi ka ti khawp mai. Bible hi dik bera ngaih a ni a, Bible-ah chuan ” ZALEN, ZALENNA” tihah thluksei dah vek a ni. Tin, NICHIN tih tura NACHIN ti tawk lah bo lo. “RAM LEH HNAM HUMHALH” hian \awng humhalh pawh a huam tel dawn lo’m ni?
Dik duha
———–
Chhim lama Sele awm kha Forest lam khan Mizo se vulh, a thlah chhawn atan Sepui va present teh se. A dal deuh pawhin a \ha tho tho.
Duhsaka
————
MLA inthlan lo awm turah hian mi tam zawkin Congress emaw, MNF tlin an ring a, party member ngah ve ve, chak zawk nih tuma an inhruipawh laiin inhruipawhnaa tel ve phak lo, an lo chak theih daih nachhan a awm thei lo. Congress leh MNF danglamna, Congress member-te chuan an pute thil tihdik loh hai chhuah an hlauh em em laiin MNF member-te ve thung chuan kan puten ram tan thil tihdik loh an lo nei a nih chuan man chhuaha hrem ngei ni se keini MNF member-te chuan kan ti asin. Nang eng nge i ngaihdan ve le?
PTA KP
————-
State kan nih a\angin Congress leh MNF ten kum 30 lai ro an inrel chhawk ta a. Kan ram dinhmun chu kan hre \heuh a, anni hi kum 1986 September Session-a CADC \hiah duh lova ban phartute an ni a, sum sema vote zawng ve ve an ni bawk a, kan ram te takteah khawpui leh thingtlangte pawh kan inkalpawh \ha thei tawh loh hial lai pawh hian insawi chhiat baka ralthuam \ha an hre tawh lo. Mosia anga kan saltanna a\anga hruai chhuah kan nih theih nana Pathianin ZPM hi min rawn dinsak a nih ngei kei chu ka va ring ve! Lo chhut ve teh un.
Ringmaia
———–
Pu Denga kha rawn tho leh ta se, a nauten sebawng no an bia hi a duh ka ring lo.
Ruata Zaucha
—————-
Hriatpuia hi a duh a, a ngam a nih chuan politics huangah rawn zuang lut law law teh se, a rûk a rala unaupa tana khel lo hian. Kan hrethiam tho a nia.
Malsawma pa
——————–
Politics a nih avanga dawt sawi thiang ta a ni lo. Eng party pawhin dawt tlem chu an sawi ka ring. Dawt sawi tam ber erawh MNF an ni. An din tirhin dawtin mipui min bum a, kan ngam hauh loh tur India sipai kan kap a, tam takin nunna hlu tak an chan a, mi tlem te nung damin mahni inah kan haw leh a, chung zinga ka tel ve hi ka lawm a, mahse BUMIN KA AWM TAWH LO ANG.
VL Ruata
———-
Pu Dinga’n Assembly-a International Border kan hlat a ti kha a va mak ve. Bangladesh leh Myanmar nen kan inri bawk si a, heng ram pahnihte hi lnternational Border an ni lo ta em ni?
7005873180
—————
