Kan ram mamawh chitin phurh luhna kawng chu a va rapthlak kher ve leh! Mizoram chakkhai chi hrang hrang phur luttu motor lian neitu leh khalhtute u ineizawnna a nih rualin kan ram leh a mi chengte mamawh in lakna kawng han hmuh hian ni tin leh kumtluana inveivahna kawng hi a rapthlak lutuk a, a siam\ha theituin an ngaihsak theih si loh chuan mahni lu leh mahni motor thap ni tin ai chuan inhnathawh hi bansan ngam lul teh u. Mipuite pawh in lamah kan \ang vek deuh tawhin ka ring. A \ul miau chuan ngheite pawh han nghei tlang ila. Nei zo, kawng \ha mamawh ve vak lova inngaite chuan duh leh an ni tin mamawh chu thlawhnain phurh tir mai ang hmiang. An tan engmah a harsa ve chuang nang. Mahse, an lal leh an hausakna chhan mipuite harsatna an ngaihthah reng chuan a sawhkhawk hi an la tuar let ve dawn khawp a nia. In tum hi titlang ngei ang che u. Thil \ha chhuak tur chuan tuarty awm a ngai. Tidaih ila, nimin Zodin Bus stand bula ka nula hmuh kha chu jeans kekawrbul tawi tak, tlang hniar peh deuh vung ha kha, amah nalh a intih tawk hmel chu sawi loh, a nu emaw ni khan chhuan hmel deuhin a la kalpui bawk a! Zahpuiawm hian a, tlangval pakhat pawh khan nalh tih lam ai chuan mak a ti ni ngei tur a ni, a phone-in thla a lak sak ru char char. Khatiang mi kha chu ka fanu, ka monu leh ka hmelhriat atan pawh ka it lo tawp. Nula te u, inenfiah nan hmang u la, nu leh pa leh tlangval te u, in fanu leh farnute incheinaah a \ul hunah chuan inrawlh ngam teh u; inmawhphurhna a ni tel ve e.
Ramveitu
9089667399
Kawng chungchangah kan sorkar hi a fakawm hle dawna a lan laiin, Sairang leh Kawnpui inkar kawngah hi chuan a mualpho a ni. CM meuh pawh a \awngvai a ni. Kumin fur hi kan ramah a na lutuk lo, ngaihmawh takah chuan nei se hnathawhna hun a \ha. A thu hrimah Congress leh MNF hian PWD hi CM berin an la kher zel hi a fuh lo. A sum tam tam hi chu CM chan tur a nia ti te pawh inang thei rum rum e.
RK Sanga
9862366590
Mizo\awng humhalh chungchang hi a buaithlak teh e, kan mithiam hote mawlh mai hi a ni. A \henin Sap \awng hman uar sauh sauh an duh a, \henkhat thusawi ho lahin Mizo \awng hman theih rengnaah pawh sap \awng an hmang \al \al a, kan mithiamte hi kan entawn ber an ni si a, mithiam Mizo hnam hmangaihna nei tak tak lo te hi hnam hmelma chu an ni tel chiang a ni. Kan mithiam pui puiteah hian hnam dang nupui pasal nei an awm nual vei bawk nen, Mizo tlangval pasal tur ka hmu lo ti te phei chu hnam phatsanna leh hmuhsitna a ni tih hi inzirtir sauh sauh ang u. Kei chuan hetiang hmeichhia te ngat phei hi chu ram leh hnam a\anga hnawh chhuah daih tlakah ka ngai a, phu pawh an phu a ni.
PAVALAI
8014499153
Khawvel hmun hrang hranga Zohnahthlakte pumkhat kan nih theih nana Khuado Pawipia ZOMITE Kutpui Myanmar-a neih mek hi a lawmawm kan ti a, Zofate zaikhata kan luan za theihna tur leh Zoram khawvar hun chuan hriat ngai loh te nen hnehna puanzar hnuaia hnehna hla mawi sa ho dial dial thei turin LALPA’N ZOFATE malsawm zel rawh se tih hi mualzapui kar dan a\ang hian duhsakna sang ber nen kan rawn hlan a ni e.
Hnam ARSI hruaitu, ZORAM SAKEI
9862014844
An lal tirh khan chanchinbu mite chithlum mum chi hnih pension hlawh leh a thlawna khawpui lian tlawhna an barh nasa bawk a, chanchinbuah an fel kim lohna chhiar tur a vang pharh mai. Fakselna lo en lo phei ila sorkar sawisel bo kan nei ta emaw tih a awl phian ang.
Ramliana
9436197357
Mizoram hi kawng hrang hrangin hmasawnna a kal bek bek zela, chutihlaiin hmasawnna atana pawimawh ber nia lang sumdawnnaah hian dai pelh kan nei em le? Sumdawng \henkhatten TV advertisement-ah hian Puja discount an ti ve ta fo mai. India ramah hian kan tawlhlut hret hret zel niin a lang. Ram leh hnam humhalh chung zelin sumdawng zawk ang u hmiang.
LB-a Pa
8414029478
Zawngin a ngumkhak a hmu lova, a \hiante ngumkhak a nuihzat an tih zawng zawng hi Congress hian an nei zo tih hi lo inhre teh se. An Pu Hawla berin Helicopter a\anga kawngpui a chhuk thlir miau te chuan le a mam pur reng ang chu.
Tlabung pa
7005961942
TV lianpui kan nei vea, mahse power supply a awm \ha mang si lo va, bawlhhlawh lianpui kan hung hi a ni ringawt.
Sawmsawmi pu
7005678161
Millennium Centre kawt kawngsirah hian kea kalna min siam sak teh u, lirtheia kal ve lo tan a buaithlak em mai. Tunah phei chuan Traffic-in hrui an thlung a, lirthei kal tibuai lovin a awm theih a nia.
8837489511
September ni 14, Thawh\anni khan Khawbung a\angin Aizawlah sumo-in kan zin thlaa, naupang pahnih thla 8 mi leh kum 4 mi ka hruaia, Aizawl Venghnuai Salvation Army nuho an chuang ve bawk a, motor kan rui nen nuho chuan ka fate min buaipui sak vek bakah kan chaw ei man leh thingpui in man zawng zawngte min pek kep vek mai a, vannei kan intiin kan lawm tak zet a ni. Venghnuai Salvation Army nuhote inrawngbawlnaah Lalpa’n malsawm zel che u rawh se.
Deborah te nufa, Khawbung
