Mi dik takte chuan ngawi rengin mahni awmna chhuahsan kher lovin party danga inlawmluh tir kher lovin an duhna takah vote an thlak mai \hin.
Lalpa zawlnei
————-
Zu zawrh chungchang insawi hian Congress hi zu zuar bik riau hian insawi \hin a, Congress-in an zawrh hma daih khan MNF-in an zuar tawh a, kan buai luih luih a, an Chief Minister ber phei chuan ‘thil’ a ni mai lawm te a ti \hin a nih kha. Hun an kal deuh hret a, MNF hlei hlei hian zuar ve ngai lo ang hrimin, ‘Congress zu zuar’ te hi an han ti ve khang lang leh nghal, huiha, Zawlbuka e tang ve ve chu an lo ni ngei e.
Zovala
————–
MNF hi kan ram damna tur ni se chuan kum 10 kalta khan kan ram a dam tawh ang. Chutiang bawkin Congress pawh kan ram damna tur nise vawiin hian kan ram a na tawh lovang a, kan buaina tam zawk hi chu a bo tawh ang. Kan ram damna kan zawng tak meuh a nih chuan ZPM i vote vek ang u. Engmah an ni bik chuang lovang tih ai chuan engmah ni lo sa vote hi a hlauhawm fe zawk a ni. ZPM vote la, kan ram kalpung thlak danglam rawh le.
9862426108
————
MSL season 5 kan khel leh ta. Amaherawhchu, sum seng a hnamdang kan la vak vak mai hi chu tih loh a \ha ka ti. Kan Mizo player \ha te to deuh deuhten lei ta zawk ila, kan in\anpuina a ni pah dawn a, kan nihna enin stage sang tak tak kan thlen hmel si loh. A discipline leh kan size enin India-ah ringawt pawh vai skill vak lo ho lakah pawh keini skill tak, mahse tet vang problem neia vaiho pawh kan la ngam lo hle nia. Kan Mizo player te ngei ni thei se mit pawh a tlai zawk. Tin, announcer lam midang an rawn hmang ta a, a hmuh pawh a nuam a, announcer hi a hma a mi a chhia kan tihna a ni hran lo a nia.
MSL fans
————-
Kohhran chu Pathian duhzawng duhtu, Pathian huat zawng hawtu a ni a, zu zuar leh ngei tura rin hi ringtute hian kan vote leh dawn em le?
9436958149
————-
Kan ram hian Nero ang maia roreltu a mamawh lova, ram hmangaihtu mipui huap zo roreltu a mamawh a ni.
9862216410
————
Two wheeler taxi hi ka khalh ve a, Pathian zarah passenger pawh hi ka nei ve thei viau mai a, ka passenger-te hian tun \um inthlan chu ZPM hi en ve chhin ila an ti deuh vek mai a, ZPM hi an sorkar ve tawh mai a va rinawm ve mawle.
Dorothy pa
———-
Pu Babutea chuan sorkar hnathawk ho ham\hat belhna a tiam lek pek. Sorkar hnathawk lo chhungkua kan awm nual a sin mawle. Zu zawrh khap nen, SEDP nuai thum sem nen, khawi lam a\angin nge sum indaihna khawp awm ang?
Zoram ngaia
————
CADC an inthlang zo chiah chu MNF leh Congress ho chu BJP thawhpui thei zawk nih tumin an han inchuh tak tak a nih kha, a tawpah Congress-in an thawhpui thei ta hram a nih kha. Kan LA HRE RENG, a la rei lo em a. A langa thawhpui nih hreh an inchuh leh ta.
8794603279
————
Mizorama corruption tihbo kan duh takzet chuan a sorkar apiang hian sorkar hmasa apiangte tihdik loh leh eiru hausa thur thurte hi kan hria a nih chuan Jail bang han zut tir ila, corruption tihrehna \ha ber a ni ang.
9862132647
————
Zoa BK, Aizawl kha ka’n chhang ve lawk teh ang che. Vengchhung cheina tur vengchhung in tinah an khawna, intukluiha pawisa thawh tur tih a ni chuang hleinem. Vengchhung cheina tur rawn khawn pawh nise i duh chuan i pe lo thei reng a ni lo’m ni?
7005498783
————
Mi tam takin Mizoram kaihruai leh tur atana kan duh khawp loh fo anga lang Pu Zorama te, Pu Hawla te hi Mizo mipui tam ber ten kan la mil pha tawk chauh a ni mai lo maw?
Mi \ha zawk leh fel zawk anga kan sawi fo mi \henkhat, heng Pu Duhoma te, Pu Manzuala leh adt. ho hian CM niin Zofate hi min han hruai tak tak ta mai se aw, a hrehawm titu tur leh an lal inhrawt luat ninga chiau chiauva, rak rak leh tur deuh vek kan ni reng zawk lo ang maw te ka lo ti rilru ve mai mai \hin.
Zaphenathpania
————-
MNF Party hian BJP thawhpui anga ZPM puh reng lo hian heti taka Zoram mipui hmaa hmaiphih fai an tum a nih chuan North East Democratic Alliance-a an thawhhona hi in-withdraw mai se. Chuti ni lova, an thawhpui lui tlat zel a nih chuan midangte hi puh hmingchhiat hi tum reng tawh lo se, anmahni mawng an hlim mai mai a ni tih hi lo inhria se ava \ha dawn em.
Mizo Tlangval
————-
BJP party hian Mizoramah sorkarna kan siam ngei ngei dawn tiin an sawi nasa mai a. He an \awng huai chhan hi ka lo hre fuh ngai ve miah lova, a chhan ka hre fiah ve ta chauh a ni.
ZPM hi recognised party an nih loh avangin Independent an ni vek mai a. MLA-ah te hian lo thlang tling ta ila, independent-a ding an nih avangin Anti Defection Law-in a phuar ve ta si lova, India rupee-a buai lo BJP chuan chung MLA ho chu an lei anga, sorkarna an siam thei dawn a lo ni reng mai. Mak thei ngei mai.
The New Kids
————-
Central-a BJP an sorkar tirh khan MNF President hian BJP nen kan thawkho, NEDA-ah hian kan tel ve a ni tiin chhuang takin a sawi pang pang kha a ni a. A thusawi kha Mizo mipuite hian kan la theihnghilh love. Hindu Lalram din tumtu BJP nena an thawhho thu hi tunah dawt a ni tiin a sawi leh si. Hniak phawi map lova dawt pawisa lo hetiang mi hi kei leh ka chhungte chuan kan vote nguar ang.
The Black Panther
————-
Ram hmangaihtu tak takte chu ram tana nun hlan ngam te kha an ni, a nuam chin a\anga ram hmangaiha, ram hmangaih vanga hausa thur thurte hi ram hmangaihtu kan ti dawn em ni? Kan ram a ralmuanga, hnam sipai leh rammu in leh lo pawh nei lo tam tak an awm laia ngaihsak miah lotu MNF party hruaitute hi ram hmangaihtu leh a ram neitu ang chuan an inchhal chu a nia. Tin, zu zawrh duh lo em emtute khan zu Minister ber chu an party-a lut turin an sawm luta, party ticket an la pe zui. Congress duh loh pahnih an lawmluta, an inhmu lian em em a, han sorkar ta se Pu Rinliana te kha Health Minister emaw kha an ni leh anga, a pawi dawn em mai. ZPM hi lo vote ve hram ula, i thei ngang lo a nih pawhin MNF leh an thawhpui party reng reng chu vote lo hram ang che. Tun hi hun \ha a ni e.
Da Independent
———–
