Ramhnuai zia ti fotute khan lo ngaihtuah ve teh u. Mizoram hi tu-in nge India hnuaia awm tura hralh? India hnuaia awm duh loh vangin inlak hran duhna a lo awm ta a nih kha. Khawvelah hian khawi ramah nge khua sawi khawm a nih? Sipai chakna hmanga kan in leh lo min halsaktute kha tu sorkar tih nge? Eng dan nge an hman? Central Congress sorkar tirh an ni lo’m ni? Ephraim-a chu hnam dang zingah a intelh a tih ang khan kan ram neih chhun, hnam dang kuta dah duh tute kha tute nge an nih? Eng party mi leh sate nge maw an lo nih reng le? Lo ngaihtuah ve teh. Mizoram hi kan ram a nih hi.
Ramhmangaiha
—————
Ram hruaitu berin tihruk a ngah \hin hi chu a dik lo a ni. MNF-ten Kolkata-a Pu Hawla’n in hmun to tak mai leia in chhawng 4 zeta sang a sak, kum 2013 MLA election-a rosum leh property-a a ziak lang lova a lo z>p ru a nih chuan Election of India hian hrem se, chuti lo chu kum danga MLA ding tur ten z>p r<k an tum ve zel ang tih a hlauhawm a ni.
Olivera
———-
Ka’n ngaihtuah vang vang hian kan Pathian nung biak hi a inang lo \hum ni berin ka hria. Nge lan mawi nan leh sual thup nan te, sumdawn nan te, politics khelh nan te Pathian hi kan lam mai mai zawk? A narana Pathian hming lam mai mai kha sual a nih hi i hre thar leh teh ang u.
Dindini pu
————-
Kum 2018 Inthlanpui kan neih tura kawng engkima hma min lakpui tura kan District huam chhunga Kohhran Upa mi rinawm leh dik tak tak, Pathian \ih mi an lo pen chhuak thei hi ka lawm a, Pathianin kei misual \awng\aina min chhang hi ka lawm a ni. Rorelna dik leh rinawm, Pathian \ih mi, sawrkar chak leh \ha a piang ngei ang tih ka ring tlat a ni. |awngkaa Pathian nung bia, a taka Pathian nung be si lo Pu Hawla leh a hote, Pathian leh kan ram tan titu, Pathian leh kan ram tana thawk duh miah si lo, Missonary nuai khat tirh chhuah intiama, pakhat mah tir chhuak si lo Pu Zorama kaihhruai MNF te ai chuan Pathianin min duhsakin malsawmnain min vur ngei ang. Ram chu Lalpa ta a ni si a.
Sawmhlua pa, Kolasib
—————-
Kawng chhiat avangin nunphung a khaihlak nasa \hin hle a, an han siam \ha leh dawn a, nunphung a chawk buai leh nuai nuai tawh mai. Phunchiar a awl \hin mang e.
Berbera Pu
———
Pu Hawla leh Pu Rama hian ram hruai tur chuan an hriatna leh theihna an hmang zo tawh, lal tlak an ni tawh lo. Mi thar kan zawn mai a fuh ang.
VL Ruata
————
Zonet Signal, Network \ha lo lutuk, Scramble, tawp chut chut, bo daih chang awm bawk, mit a hahin en a hrehawm lutuk. |ha thei ang berin han siam teh u khai!!!
9089746142
————–
MNF hian sorkar ngei inbeiseiin theihtawp chhuah mah se, anmahnia engmah ti thei mang si lo, an pu berin BJP kan thawhpui dawn lo a tih kha Central lam beng a verh khawp mai. Anmahni ngawt hian an ding chhuak ngut ang emaw, i han thlir teh ang. Pu Hawla hian a ngam khawp mai, engah a ngai lo. |angrual pawl inti ho lah hi eng an ni dawn si lo, mahni sum tihlen leh a tak thleng lo tur Vision \ha tak tak neih hian awmzia a nei lo. Pu Hawla hi kei chu ka ring tawk, inthlan dawna False Affidavit siamah MNF hoten an puh a, office kal tur an dangte kha mahni mawng hlim an ni. An pute ho hian dawt affidavit hi engzat takin siam ang maw? Dik ber, \ha ber niawma inlantir hi vel hi Pu Hawla an tluk loh vang leh mipui laka tlaktlum tumna mai mai a ni.
Chhim pa
No. thup
———-
MNF Party hian mi dang \hat lohna sawi sawi lovin an sorkar laia an tih dik loh Tuirial HEP, Referral Hospital, ek in kal thei leh Aii P<k ahte hian a mal mala sawi langin ngaihdam dil rawh se. Tlabung Uitangrual anga an party-a ruhkawl an tam lo a nia.
Miller-i pa
————-
|ul uk lova BUAINA SIAM CHING MNF PARTY chuan CM Assembly House pan tur an lo tibuai maw? Kum 1966 khan \ul lo zetin ram an tibuai tawh a, engmah rah chhuah awm lovin kan tlang mi anpui, Arunachal Pradesh leh Meghalaya te hmuh ang tho state-ah an lo haw a, special category an han ti vel a, North East State dang pawh hi special category an lo ni vek si. Nuih ti za mai an ni. Chak an duh chuan thil \ha ti se, thu \ha sawi mai rawh se.
Malsawma pa
———–
Mizoram sorkar-na chelh mek hi Kohhran duh loh zu zuar an ni a. Kristian kan nih avanga Kohhran phal loh leh Kohhran dodal zawnga kal ta zel an ni. Thil veiawm tak ka tih ve chu kan sakhaw rawngbawltu, Kohhran Upa tam tak chuan zu \hat lohna lam leh “Kohhranin a do a ni” tih thu hi an sawi ri ngam tlat lo! An \an lam Party a nih miau avang a ni. Party ruihchilh, Sakhaw Rawngbawltu hi Kohhran tinah an tam tlat hi a pawi hle. Hetih rual hian tuna rorellai Party paihthlak tumtu nia insawite hian an beih hi tih takzeta do tlan an thei lo hian an duh loh tho hi an sorkar tir leh mai hmel. Duh loh thuhmun ni si, do ho thei bawk si lo lai tak hi Ball mawl tak a ni.
PH FANAI
————–
7th Pay hman hma hmain thil \henkhat man an lo ti sang tawh si a, eg. Vawksa ang te. 7th pay hman a va ngai mai awm ve
9436531126
—————-
Congress Minister-te, MLA-te awm dan leh nih dan hi chu ka thiam ve khawp mai. A changa sawrkar hnathawk sawisel a, a changa mi rethei dema, a changa khualliana \an a ni mai. A bak engmah a awm lo, awl tak a ni.
Taitea AZ N
———————
Kan ram hruaitu turteah hian party ruhkawl, u\awk pawh rawn ding mah se ka vote thovang ti tur chite hian mi dang pawh an \ha bik chuang lovang, \angrual pawl hruaitute pawh engual an ni lovang an ti \hin a. Heti khawpa ram hruaitu kum 30 vel min hrual tawh pawha heti reng kan la ni hi a makin a na takzet a ni. Mi zawng zawng kan rin tawh loh phah nge nge a, mahse kan rin tawh loh rau rau zingah vawi khat mah ram rorelna kawnga hmingchhiatna la nei lo, mi \ha tak tak inphumna hmun |angrual pawl ZPM hian kan ram hi min kaihruai ve hrim hrim se ka duh a, inthlan hnaih dawn veleha veng chhung chei hluau hluau \hintute hi an rilru a \ha chuang dawn lova, \angrual pawl hruaitu lo chu tumah mi \ha an awm tawh lo a ni.
Aizawl pa
————-
