Tuirini lei chim a thara dawh\hat lehna tur leh a helna tur siam chungchangah hian bialtu MLA pahnihte hi an hmalaknaah an demawm loha, mahse, sorkar hian hmar tlangdungte hi min tham lo hle niin a lang a, a pawi hle a ni. Kha chen khaw \ha-ah khan a helna tur tal chu lo inbuatsaih peih thlap turah ngaih a nia, mahse, tunah chuan ruah rei lote surah pawh buaina a thleng ta a nih hi. PWD hian mipui hmaah eng hmangin nge an phat mar leh tak ang le.
Mr. RD
————-
Pu Hawla sorkarin zu a zuar a, kan sawisel luai luai a. Kohhran pawh zu zawrh duh lo viau angin a lang a. November thlaah kan inthlang anga, zu zawrh kan duh leh duh loh chu a takin a lang mai ang.
Mipui hip nana duh lo mai mai pawh kan lo ni thei a, a taka finfiah hun a la thleng turah ngai ang.
9774354495
————
MIMER/Falkawn Hospital OPD-a duty tur Doctor-te hi an va \hu tlai thei ve le. Aizawl Civil Hospital-a Doctor duty-te nen an timing hi a inthlau thei khawp mai. Engnge a chhan ni ang le?
LB-a Pa
————
Kan hnatlang zel dawn em?
Hman zan chu Tuirini lei chim leh a nghawng ZONET Cable TV pek chhuah ka thlir a, Chalfilh Group YMA leh Group YMA dangten a inchhawkin hnatlang an ko hi a lo ni a, an chhuanawm ngawt mai. Chhiatna thleng thut leh rikrum thila YMA ten neitu rilru puin ch>t kan chhuah vat \hin hi kan tih awm tak a ni a, kan din chhan ang takin kan thawk tihna pawh a ni ang. Chutih rual erawh chuan kan chet chhuahna tam tak hi chu a thanatthlak lek lek chang a tam lo maw? (Chet kan chhuahna zawng zawngah hian i inrawlh ve tawh lo ang u tihna lam ni lovin). Thil \ha duha thawk chhuak e ti lo hian \henkhat chuan min lo nuih \et \et mai lo maw? Thil \ha chu kan theih ang chinah kan ti tur pawh a ni ang. Chutihrualin tute emaw sahmim ip a puar belh a, keini thlan tui a far ve thung tihna lek te hi a ni thei em?
D’Onlooker
————-
Kan Traffic Police ten wheel clamp an nei thar a, a lawmawm. Amaherawhchu a theih chin chin hriatthiamna-in ching fel se, a theih loh tawpkhawk chauh ‘clamp’ ta se ka va ti e. Traffic tibuai lo chin hi chu a awm ve mai hi, a zawng a za hrutrual hrawih chuan buai lo tur hi kan buai phah erh ve bawk \hin. Hriatthiamna zau tak ka’n ngen e. Mizo kan ni bawk a.
Ramveitu-a
————-
Mizoram hi District Council kan nih hma a\ang tawh khan Chakma hnam ho hian Mizo fate khawvelah hian buaina lianpui an lo thlen daih tawh a. He ram leh a neitu ZOFA te tan a \hatna tur hian a eng party mah leh a tu politician mah hian Zofate lungawina tham leh \hatna tur hian hriat tham, hmuh thamin eng THA mah hi vawiin thleng hian an la thawh lo reng reng. NGO-te hi che \hin lo phei se aw. Kan nasa lo tawh teh ang. Tunah phei chuan party \henkhat hotute nen UNAU an lo ni mek tawh emaw ni a hahthlak khawp mai. CHAKMA, TUIKUK, BAIRABI ZOPHAI. Min chawk buai fova, min chuhbuaitu zawng zawngte hremhmunah rang takin.
Tlangvala
————
Khawdang leh veng dang hi eirawngbawlna gas hi engnge in an ve le? Reiek khua hi Aizawl kan hnaih tehlul nen an va sem khat em. Kan sorkar chak tak hian hma min han laksak thei se kan va lawm dawn em. Kan mangan thu Fakselna kaltlangin kan rawn auchhuah pui a ni e.
GAS MAMAWHTUTE
————
Ram hruaitu \ha hi chuan term khat chhung lek pawh hian awmze nei tak hmasawnna an siam thei. Kan ram hruaitute hi hemi kawngah hi chuan ka dem. Awkaa sawifiah ngai tak tak ni mang si lo hian kan tlin tawk lohnate hi mipui kan hlui \hin a ang. Entirnan vawiin thlenga buha kan la intodelh loh chhan hi Pu Hawla leh Pu Zoramthanga hi zawt ta ila an sawithiam teh ang chu. An hmalak tawh dan te hlei hlei han zawt ila sawi tur an va ngah dawn em! Mahse ni hnih khat lek buaiah pawh kan mangang lawi si. Hengte ka ngaihtuah hian mi tak tak tum mumal tak nei, ram hruaitu kan va mamawh em ka ti \hin.
RK Sanga
————-
Inthlan dawn hnaihah Kohhran MPF ten thu \ha tak tak kan inzirtira, Biak Inah te ngun taka kan inngaihtuah a ngai hle mai. YMA leh K|P ten khawmpui lian an neihin MLA leh MLA candidate te lakah \anpuina kan dil leh sia, a zahthlak deuh lo maw?
THLANMUAL Veng pa, TD
————-
Zemabawk Quarry chima nunna ch^n te leh mitthi chhung te an lainatawmin kan tuarpui takzet a che u. Sorkar pawh hian heng vanduaina tawk, mi khawngaihthlak tak tak chhungte hi eizawnna bul \an dan tur ngaihtuah sak thei se a lawmawm khawp ang. Tin, permit pek chungchangah pawh mipuite tana mangkhawng ni mai thei tur angah te hi chuan pek loh mai ni \hin se a \ha lovang maw?
Tlabung Uitangrual
———–
Kan Zokhua kuthnathawktute u lo ngaithla teh u. Pu Zoramthanga’n kan sorkar chuan kawt kaiah sawhthing kg khat cheng sawmin kan lei ang a ti a, a lei loh zia chu kan hriat kha. Tunah Pu Duhoma’n kan sorkar chuan kg khat cheng 50-in a tih hi i en chhin ang u. NLUP a thlawna sem a, pawisa dawn ai chuan mahni thawh rah han seng ngei mai chu thil thlakhlelh awm leh Pathian duh zawng tak pawh a ni ngei ang.
RODY PA
————
Tunlai khawvel changkan zel laiin kan ram ve chuan tlak hniam lam kan pan mek zawk tlat. A chhan bulpui ber chu kan ram hruaitute hian zir mawlh hek lo le. Chuvangin kan ram hruaitu tur atan chuan ram hmangaihtu dik tak an ngai. Chu lova mahni \anghma hai ringawta lal tum chu thil dik a ni ngai lo. Pathian duhdan pawh a ni lo.
Marami Chawngthu
————-
ZPM hi la lal ve lo an ni a, an duh duh an sawi thei. Lal ve ta se thil harsat dan chu an hre mai ang. Kan thlang chhin dawn en ni? Teuh lo, an tam hlawm em mai an pamham ang.
Duata pu
————-
Pu Duha hian party hrang hrang awpkhawmin inthlan a fight dawn a ni a, tun \uma a chak loh chuan a last chance a ni tawh niin ka ring a, eng tak ang ang maw?
Lalthawvenga
————-
ZPM party chu tunlai hian ram lak tumin an feh chhuak mek hlawm a, neutral leh party a lungawi lo engemawzat chuan an zawm mai thei. Mahse, party lian pahniha mite hi an tinghing zo ang em le?
VL Ruata
————-
Pu Hawla CM hi Pathian nung bia a ni a. May ni 27-a rampum huap \awng\airual, Synod buatsaihah hian a tel ve duh ang em le? Thupui zinga pakhat chu KOHHRAN duh loh ZU zawrh kan rama a tawp theih nan tih a ni e!!
Ramtea, Mizo ngata
———–
