Pu C. Lalrosanga MP hi ka mi rin leh ngaihsan a nih laiin CAA chungchang avang hian ka ngaihdan a dang ta hle mai. Tunah chuan Pathian \ihtu tak emaw ka tih \hin kha MNF \ihtu a lo ni ta hi pawi ka tiin ka ring leh ngai tawh lo ang.
85757 09279
Eng vangin nge Tlabung Uitangrual aw chhuak ngai reng Thawh\anni ami Thawhlehni zanah inchhiar nawn kher bik le? An ni lah hian CAA sawi mam bak sawi tur mumal hre hek lo. An pu berin Vibrant Chakma Nation a tuipui bakah “Kan Bru unaute” tia a sawi ho ham\hatna la zawng cheu a ang si a.
Ramliana
94361 97357
Bible-ah hian ram kal dan phung a dik loha, mipuite mangang leh chiai taka an awm hian kawng dik kawh hmuh turin Zawlneite leh Puithiamte Pathianin a hmang \hin a, roreltuten chu chu an awih a, an sim chuan Lalpan an ram a ti dam leh \hin a, an awih loh erawh chuan a hrem \hin. Tunlai kan ram buaipui CAA chungchangah pawh hian kohhran leh Pastor, Puithiam te au chhuakin, a hmunpui ngeia rawngbawla awmte pawhin milem bia Hindu lalram din tumna ngei a nih zia leh BJP/RSS te tactic tenawm tak a nih thu te, Kristian te tan phei chuan support chi rual a nih loh zia nasa taka aupuiin an puang a, mahse engtizia nge ni kan roreltute hian barah an khawn duh hauh si lo. Chu mai pawh ni lovin BJP sawisel chu anmahni sawiselna ang hialah an ngai ta mai a nih hi. Thawk dun an nih vangte pawh hi a ni mahna. A hmaa an \awngkam “CAA pass a nih chuan kan thawhhona chhutchah a ni ang” tia an sawite chu Vana rah ang a ni zo ta a nih hi. Mipuite hian hei hi hria ila, kan ram leh hnam tan hian Pathian i hnaih ang u.
Zo Nehemia
93666 30785
AMC chu le polythene an khap a, a lawmawm vei nen mipuiin kan support leh \an lakpui kan tum tehlul vei nen an zuzi leh ta mai em ni? A va pawi thui dawn ve! Bazarah pawh polythene chu a pangngai a ni leh tawh, khap leh man thawm a ri leh tawh lo an ti. Dan siama umzui loh leh kenkawh ngam leh si loh chu siam loh law law a \ha zawk mai lo’m ni? |an han la thar leh se a va duhawm ve le aw!
Ramveitute
98625 66388
MNF kum 10 sorkar kalta kha khati khawp khan kan hne emaw ka lo ti a, hneh takin Congress party kum 10 bawk kan han sorkar tir leh a, chhangkhamin kan han kham leh a, a tu ve ve party pawh an lal lai chuan a nung chunga PHUM tlak hial khawpin kan han ten a, heipui MNF party pawh uicho pawhin a ei duh loh tur hial khawpin kan chhuah leh \an der tawh hi. Mizoramah hian Isua kha CM ni se, Petera te Paula te, Timothea leh adt. ho hi a cabinet ni ta bawk se kan lungawi tawh ang em? Keichu ka ring chuang lo, lal setana kha opposition leader-ah a \hu vung ngei dawn a, tun ai mah hian kan buai fe zawk ka ring tlat.
Tlangvala
9862349117
Inthlan dawn hian BJP hlauhawmzia Pu Hawla hian a sawi ve ziah a, Local Council inthlan a hnai tawh a niang a duh hunah chal hnawih senin coconut a sawh keh a, a chang leh Chakma Autonomaus District Council-ah BJP a va thawhpui a, tunah sakawlh ai pawhin an hlauhawm te a ti leh lawi si.
7005811526
Hla satute hian rap hi rawn telh tawh suh se. Hla pangai sa mai se an thiam loh leh zai ve lo mai rawh se.
Za\huama, Khawlek
9077793750
Mi retheiten pawisa health care-ah kan sen phawt a ngaih si chuan eng nge health care a ngaih? Sorkarin min tum sak anga an bill mai turah kan ngai a, a lo dik lo nasa a ni.
9862385339
Tlabung Uitangrual khan Mizoten hlauh kan ngah, CAA te kan hlau leh zel a inti a, a ni ngawt mai. Ka’n belhchhah ve ang e. Kum 2013 MLA thlan dawn emaw ni zana Thlawhtheihna thlawkte kha tuna sorkar lai party te khan an hlau hle a, mak ve tak a ni. Pathian nung betu inti te leh a hming lam peih deuh te tan chuan engmah hlauh loh tur.
Sipailiana, TT
9862539105
Nizan Zonet Chanchin Tharah Pu Ronald Sapa Tlau khan CAB putluh a nih lai pawh khan Kohhranten thlawp \ha hle angin a insawi a, Session-ah pawh Mizoramah hnamdang tam tak an lo luh tawh thu a sawi a, Congress sorkar lai khan sorkar report-a a lan danin ram dang a\anga rawn pemlut pakhat mah an awm bawk si lova, Pu Hawla kaihhruai Congress sorkar khan mipuite dawtin min lo bum kual vel mai mai tihna nge? Congress hunlaia pemlut pakhat mah awm si lo kha, MNF kum khat an sorkar chhung hian an rawn lut ta huk mai em ni ang le? Hriatthiam a va har ta ve?
Tlabung Uitangrual
9862014844
CAB, CAA kan ti. A chang leh sakawlh kan ti bawk; kan insawi \haih a, a \henin kan hlau a, a hlauhawm loh ti pawl kan awm bawk a, Pu C. Lalrosanga te putu phei chu kan hmu kawlh hle niin a lang. Heng zawng ai chuan a kawlh lo zawk (Ka fa lo kal rawh) tia min sawmtu hi kan tikawlh ang tih hi a hlauhawm zawk lo maw? Chatuan meipuia min paih theitu a ni sia. Chuvangin a kawlh lo zawk hi hlau ang u khai.
Lalrizapa Ralte
