|hangtharte hian Mizoram hi siam a \ul kan ti. Politician-te hian an siam tak tak kan ring lo. Heng mi pali, Pute – Vanneihtluanga, K. Sapdanga, PL Liandinga leh RK Lianzuala te hi ram veiin an lo pen chhuak dawn an ti a, an hnung zuia inngaiin kan lo \angrual ve em em a. An chezia en hian anni ho hian ka ram siam\hat hi \ul an ti leh ta lo deuh niawmin a lang a, politician lakah kan beidawng phawt a, anni ho lakah pawh kan beidawng ve leh dawn a nih chuan he ram future hi ka suangtuah thiam ta hauh lo mai.
Tuaisiala
————–
Zu zawrh hi tu mawh nge ni ta ang le? CM Hawla chuan sorkarin zu a zawrh loh thu te, zuar duh te hnenah zu zawrh phalna (permit) pek thu leh zu in duhte hnenah phalna a pek thu a sawi a, zu zawrh chungchangah te, zu vanga thihna leh harsatna hrang hrang thleng lakah kut silfai a tum ta mai hi a pawi ngawt mai. Insawifiah tum eng ang mahse ngaithlatu bengah chuan a fiah zo lo mai ang tih a hlauhawm khawp mai. Zoramah zu zawrh a nih theih nan Congress MLA rual ten ban an phar suau suau a nih kha maw. Zu zawrh phalna chu pek chhuah a ni a, sorkar zu tiin koh a ni nghe nghe. Zu permit ti tawp tur hian sorkar hian thu a nei em em a, kan CM Hawla hian kut silfai tum lovin, mawhphurhna zawng zawng la ngam se, mipui hmaah ngaihdam dil bawk se, chu chu mihring awmdan tur a ni zawk lo maw?
KC-a Khupchawng
————–
Bio-Party system hian kal thei ila, party lian pahnihte a hruaitu hluite hian mi thar chak zawk leh rinawm zawk, ram tana thawh hlawk zawk turte hi hmun kian phal \hin se chuan multi-party system ai hian kan sawtpui ang mawle.
Tuna kan intawh dan a\ang hi chuan coalition sorkar emaw, BJP-in an lei khawm sorkar emaw hi kan hrawn dawnin a lang tlat. Duh loh rai an sawi ang mai kan ni ang tih a hlauhawm khawp mai.
Zohmangaiha
————–
Mizo nih hi a nuamin kan inpawh tlanna pawh a nuam khawp mai. Amaherawhchu, kan hma lawkah inthlanna kan nei leh dawn a, ka ngaihdan chuan Congress leh BJP hi tual\o Party ka ti lo thei lo kei chuan. Heti chen hi tual\o Party chu ro kan rel tir ta a, tunah BJP chu hmuh theihin an lianin an \hang leh ta a, ka ngaihdan chuan MNF, MPC, ZNP te hi vai ramah zuk vahpui ve-in zuk in candidate ve ta se vai pakhat hnen a\ang pawh khuan vote kan hmuh ve ka ring meuh lo. Eng ang Mizo hi nge kan nih le heti em em hian kan hnamah hian kan chian loh mai le? Kristian dik, ringtu dik inti si hi suma lei theih leh sum hmanga tham lungawi theih hi kan va tam em. Mitin hian Kristian chhungkaw dik hi din \heuh thei ila heti mai mai chuan kan arkhawthim dai lo deuh tur hi a nia. Ngaihtuah a veitu tan chuan ava hahthlak \hin tehlul em. Hawh u, Pathianin chhia leh \ha hriatna min pek \heuh kha i han hmang thar tlang \heuh teh ang u tiin ka sawm a che u.
Veitua
—————
Inthlan kan lo hnaih leh ta hle mai. Political party-te hi fair takin campaign ngam ila a \ha khawp mai. MNF-in Pu Duhoma Congress nena thawk dun anga dawt hmanga puha social media lama an thehdarh vakte hi a zia lo \hin mang e. Dawt hmanga inchirthehna ang chi hi chu Kristian tan chuan tih loh tawp chi a ni.
Tlumtea
————–
Congress chhungkua chu an buai mup mup hle mai maw. An hotu lawk nia kan hriat te pawh insawifiah turin an ko hmak hmak ta mai. Boruak i lo thlir zel teh ang u. Mipui leh Kohhrante duh loh em em, \awng\ainaah pawh vawi tam an lo thlen tawh, zu an zawrh luih tlat hi Pathian chhanna a ni thei mai ang em?
LF-a, Aizawl
————–
ZPM, PRISM, ZORAM THAR hruaitu duhawm tak tak te u, he thu hi ka rawn a che u. A hrang hranga kal lovin ram inhmangaih takzet chuan insuihkhawm rang rawh u. Chutiang intih theih hlauh chuan sorkarna chu in chang ang. Intheih loh erawh chuan zu zuar sorkar dinglai hi support mai rawh u. Vote in pawtdarh ting anga, BJP tan chance \ha insiam anga, seat 2/1 lek pawh la se sorkar siam tumin hma an la ngei ngei dawn a nia. Harh mawlh teh u’n.
VL FANAI
—————
Kan ram, keimahni ram ngei hruaitu atana mahni duhzawng pawh thlang ngam lo va, tlinga kan rin thlang chut chut mi kan la nih chuan mi nêp tak kan ni tihna a ni mai.
Lala, Aizawl
————–
ZPM a sorkar dawn tia iak iak ho hi ZNP leh MPC party-a a ruhkawl tak tak awmkhawm mai mai an ni a, an bengchheng ve em em ringawt mai a nih hi. MLA 27 chu khawi lamah, MLA pakhat pawh a harsa viau ang.
7628973897
————–
Police Account Branch hrang hrang hi ka dawr ve nual tawh a, chung zingah chuan SP Security Unit Account Branch hi ka fak hle. |awngkam mawi tak leh \ha takin min chhanga, rang tak leh phur takin min lo chhawn \hin, Fakselna kaltlangin lawmthu ka hrilh e.
9862926013
—————
Hotupa ber ni mek hi an party-a mi hlun tak, party tana tha leh tui tam tak lo hmang tawha, amah ngei pawhin lal \hutthleng a luah phah tawh \hinnate “dam leh tlangkhatah, thih leh ruam khatah” a tihpui tawh tur awm takte hian an kawp rem thei lo leh tlat mai \hin hi amahah hian engemaw tak fel lo, mahni hmasial lutukna nge, engemaw zawng a awm a ni ngei ang?
Thlirtu
————–
Champhai ami Pu Vanlalngaia kha Vanglainia ZPM hi ka ring lem lo tih thupui hmanga article i rawn ziah kha ka rawn chhang ve mai mai ang che. Kei chuan ka ringa, an sorkar nachhan tur chu pathum chauh kan hrilh ang che. Ram a damlova, Pu Lal Thanhawla Tuikhuahah kan \halaite leh pavalaite an tla hlum zo dawn. Congress leh MNF sorkarah Zoramin hmasawnna a nei lo. Keini thingtlang pate hian sawhthing leh hmunphiah hmangin 7th Pay kan hmang ve tawh dawn, a tlang kawmna atan Pathian \ih tak takna neia piantharna dik tak nena Zoram min enkawl theitu tur an ni tiin ka rawn hrilh che a ni e.
Sawmhlua Pa, Klb
————–
Lumeh man hi kan LC ten min control sak dawn emaw ka ti a, ka lo lawm tawh tehlul nen a reh leh ta daih mai si a, hma min han laksak leh thei se kan va ti em. Rs.50/-a khairual hi a la tawk viau asin le. Khawngaihin hma min han laksak leh teh ukhai.
Zorama
————-
Pu Duha hi Pu Rama leh Pu Hawla te angin a \hat lohna sawi turin nikhat pawh CM a la ni ve tlat lo. Fak leh sawimawi vak chi a ni lo. A CM lovang. Pu Hawla emaw, Pu Rama emaw an CM leh mai dawn.
VL Ruata
—————
Proton modified a bengchheng uchuaka tlan hi Electric Veng to New Market Road-ah a la awm a. Kan Traffic Police te hian han check sela aw.
LLK
————-
ZONET buatsaih Mizo Idol intihsiak chuan a hmawrbawk hun a thleng \ep ta, hun rei vak lovah a zo mai dawn a, a uiawm dawn hle mai. Idol intihsiak hi ka ngaisangin ka nghakhlel \hin a, kuminah pawh Pathian zara ka en thei hi ka lawm a, Pathian hnenah lawmthu ka sawi e. Fakna lam sawi tur tam tak a awm laiin, selna lam ka’n sawi daih teh ang tlem a zawng. Kum dangah chuan contestant te tiphur turin audience ten an ban an phar suau suau a, kuminah hmuh tur a awm lo TV a\ang chuan. Hall chhung a thim, sound system pawn kum dang a tluk lo. Senior Judge 2 kum dang aiin an inthlahdah deuh em? Kan hmeichhe 2 fakna tur em em ka hre lo. Judge te rilru a ngheh loh chang a awmin ka hria, contestant \henkhat i kal khat an ti a, \henkhat lah kawngdang i zawh zawk a i ti fuh vak lo an ti leh si. Hla range zau vak lo entirnan d lai a\anga s lai inkar vela mi zan khatah mi 2 emaw 3-in an rawn sa a, \henkhat i theihna a phochhuak zo lo an ti a, \henkhat an ti leh si lo. Sipai bang ka bo map mai. Judge te comment han ngaihtuah vang vangin zaithiam zingah range zau tak sa thei te chance a \ha dawn emaw tih laiin an tla tho si. Contestant ten lo haw lo se, kum danga mite intluk lovin ka hria. Kum dangah chuan top ten a\angin 1 te tein an tla a, kuminah chuan 11 a\angin 6-ah ZONET pawh hian a ning ta deuh a ni ang tih mai a awl. District tina inbuatsaih erawh a \ha lutuk tlat.
DIKI PA
————–
Mizo Idol uluk takin ka lo en ve \hin a, ka lo ngaimawh ve \hin chu Mizo Idol a nihna ang ngeia Mizo zai dik taka an theihna leh thiamna an rawn lan chhuah tir mai turah ka lo ngai a, hnam (sap style) kan tihte anga hruai luh phet tum niawm takin kalkhat tih \awngkam kan hmang fo \hin. Mizoten sap kan ngaihsan bik tlatna hi a lang leh \hin. Tin, Judge-te hian intihsualna lai kan chang ber tawh an ti fo \hin a, tih tlak nan ber pawh an hmang a nih hmel. An kal zelnaa tisual reng tur an awm a rinawm chuang lova, tihsual zeuh lai chang ringawt lova kal zel tura theihna leh thiamna nei nia kan hriat zawkte dahsan zel hi a \ha ber lo maw?
Mizo Idol fans
—————
Kolasib nula hla thu theihnghilh keuh kha a pawi lutuk. Point paihsakna ni lo hram teh se. A ni kha Idol nih phu khawpa zai awmchhun a ni.
Lalrinfela
—————
ZONET Mizo Idol an va han zaithiam hlawm tak em. A bikin Jonathana Pangzawl khua leh Jerry Chanmari inzaithiam fal khawp mai. Idol hi kan thlan tur chu ni se nangni pahnih hi kan thlang ngei ang che u, \ang fan fan teh u.
Josua Nu KK
————-
