Wine shop khar ringawtin hmeithai siamna khawl a off theih loh. An hun hmasa lai ang tho khan Zoram dung leh vangah zu lei tur a awm reng a, thin \ha lo, pumpui \ha lo vanga thi an la awm reng a, Rangvamual a lun thar hle leh tawh. Chu mai a ni lo, drug addict an pung zual sauh. Champhai lam a\angin Mizo wine alcohol content hniam lo tak an zuar dawn bawk a, hei hi em ni zu khap an tih chu? Khap lo law law se, excise duty tam tawk ruh theihna tunah chuan Assam ram excise-ah kan chhung lut hem hem mai.
Ramliana
9436197357
He Zoram khawvelah hian tu party nge sorkar rei ber ti i la, Congress kan ti \heuh awm e. Mahse, eirukna a zung chawpa phoro tum si, a phorona hmanrua ber tur Lok Ayukta din tum hauh si lo, engtin nge eirukna hi phoro an tum si le? Mak tak a ni. Tin, Pu J. Lalsangzuala Finance Minister a nih lai khan Congress sorkar khan Financial Enmergency a puang hial a nih bawk kha maw. Congress thusawi reng reng hi an sorkar kalta kha thlirlet \hin rawh se, chuti lo zawng Zoram mipui nuih hi an ti za lutuk palh ang e.
Tlabung pa
7005961942
Tun \um chu party lam hrut ang. Congress hian MNF hi an lo ngaisang awm ngawt mai. Kum 10 an sorkar chhunga kawng chhe reng \hin kha MNF kum khat pawh tling lo an sorkar chhung hian siam \ha turin an beisei a nia. An sorkar chhung khan kawngchhia an hrechiang hle a, an siam thei lo nge? Tuna sorkar lai kawngchhia siam thei tura an beisei hi MNF tan inchhuan larhna tham a ni. An siam\hat theih phei chu ka ring lem lo.
9436392544
Tuikuk hruai kir chungchangah Central sorkar thupek lo kal hi Mizoram sorkarin a hnial ngam lo a nih pawhin NGO Coordination Committee tal hi chuan Tuikuk laklet thuah hi chuan kan inhnamhnawih tawh dawn lo han ti thei se a va duhawm ve aw.
Lala, Aizawl
8974771496
Kan hnam kan pung lo lutuk hi Kohhran mai ni lo, SORKAR, ALL NGO, TU PAWH mai hian vei a hun ta mang e!! |halai, nupui pasal nei lova awm reng hi mi pangngai lo zia a ni tih hria-in, kawppui neiha FA neih hi Pathian min din dan a ni tih pawm rawh u. Kan hnam hi kan ral palh ang e. |halaiten mawh inphur a nia, harh u la, HNAM chhan turin MIZO nula leh TLANGVAL tho rawh u le.
Hnamveitua
9862539105
Pu berin ramri chinfel dan a hriat hi han hmang tawh se kan va ti ve. Kan ngawih renga ram kan chuh ve loh chuan ramri buai a awm lo chu a ni mai a, mahsela Zofate thin a dam thei ang em? Assam vai pawh nek ngam lo tan zawng Zofate tan zalenna sual chhuah sak chu kaha a ni ringawt dawn a lawm mawle.
Sangsangi leh Hluhlui Thlanmual veng Thingdawl
8730841016
Kan ram hruaitu lu ber enkawl PWD te chuan Kristiante ni serh, PATHIANNI pawh hnathawh nan an hmang ta fo mai hi BJP zawm vanga lang chho \an zel a ni awm e. Kohhran hruaitute pawh hian kan dodal ngam dawn lo nge, Pathianni hi kan serh tawh dawn lo em ni le?SUNDAYA Kolasib
9612691391
Rimawi channel lama khawhar hla intihsiak leh Falk song awh, Mizo upa zai intihsiak lam kha han pe uar teh u. Kan hnam hian khatiang lam en tam kan mamawh a nih tak hi. Tin, upa zai intihsiak zinga ami top 5 thleng zo ta lo Lallianpuia, Zonuam, Govt. Aizawl College Mister kha a ^w a nalhin a hmel\ha si, rampum huap zai intihsiak lian thama tel ngei turin amah hretu he ka fakna lo chhiartuten lo hrilh hlawhtling hram teh u. A ^w leh a hmel kha ram pum hmuha zahpuiawm loh tak a nih kha.
Lalhriatpuii
9856739214
Mizoram hi India ram state-a HIV vei tamna ber kan han ni ta mai hi eng nge a chhan? Congress sorkar hmasa khan \halaite nun tichhetu zu a zawrh vang kha a ni mai lo maw? Zu hi ruihtheih thilah pawh sex lama a sang ber a ni a, zu zawrh nghawng kal zel kha a va nih mai hmel ve aw! Hnam mualphona a nih mai bakah Lalpa zawnchhuah ram kan ni a, a inhmeh lo a ni ber mai. Chuvangin kan hotute pawh hian hlauh leh ven thawn nei ang maia, “dik taka rorel tih leh duhsak bik an ni lovang” ti ti ringawt lo hian mipui tam ber te thlantlin an nih inhria se, ram rorelna huaisen takin kalpui mai se a \ha.
Tlabung Uitangrual
