Mizoram mamawh chu hruaitu taima, kawng engkima Mizoram tihmasawn tura a taka hma laa beitu, mi kuhmuma par mai mai lo kan mamawh ber.
Zopa
————-
Kan ram mipuite leh party zawng zawng hian eng vangin nge BJP hi kan hlauh em ema kan intih \haih chiam chiam le? India rama awm kan ni a, kan mamawh chitin reng pawisa pawh Central a\anga kan hmuh leh kan dawn a ni si a, chuvang chuan kan ramin hma a sawn theih nan Central-a thuneihna changtu party BJP hi thawhpui thei ila kan ram hian hma a sawn viau mai lo ang maw? Sakhua nen party hi sawi zawm chi a ni lo tih hi Mizo mipui zawng zawng hian i hria ang u.
TLH Liana, Siaha
————
Eng ang pawhin MNF Party-te hian BJP party hi kan zawm lo tiin pha mahse an thawhpuia an thurualpui zia hi ni tin an insawifiahnaah a chiang tulh tulh tlat. Heti chung hian sorkar an la tum ve chu nia! An sorkar laia an hnathawh dan leh an thiltih duhdan kha mipuite hian theihnghilh thei mai hian min ring emaw ni reng reng le.
9612377398
————-
Kohhran hlauh vangin BJP zawm anga lan Party-ten an duh lo. Ruling party nih phah nan chuan an duh \heuh. Kohhran (denomination) hlauva PATHIAN hlauh si loh hi Mizorama Pawl leh mimal tam tak Kristian dan a ni. Isua’n, “Nangnin mi hmangaih chuan ka thupekte in zawm ang” a ti.
The Communist
————-
Kum 1987 khan Mizoram State kan nih hnua inthlan hmasak ber kum a ni a, khami kumah khan MNF unaute kha ECI hnuaiah register an la nih loh avangin Independent group an ni. Hneh takin thlantlin an ni bawk. Independent hrim hrim hi a mal a ding, mimal independent-a ding chauh hian duh duhna lam amahni thu-in an zawm thei a, mahse GROUP an nih tawh chuan Independent group chu group an lo nih tawh chuan Anti Defection Law-in a phuar tih hi i hre \heuh ang u. Tuna ZPM-te, Prism te pawh hi kum 1987-a MNF ang tho khan Independent Group a nih avangin thlantlin an lo nih pawhin Anti Defection Law-in a phuar tih hi i hre nawn \heuh ang u. Mimal candidate ni lo, Independent Group Candidate an nih avangin dan hnuaiah Anti Defection Law-in a phuar tlat a, a duh tan chuan THLAN TLIN THEIH LEH THLAN TLAK AN NI E.
Johntea Pu
————
Congress leh MNF manifesto-ah ramri chungchang a tel miah lo. Ramri humhalh vanga kan \halaite Zophaia thisen chhuak khawp tuartute kha an va zahawm em. Ram tana tuartute an ni si. Lalna chauh duh Congress, Bairabi-a Police-te kut kuangkuaha awm tirtu, ram humhalh aia lal\hutthleng chauh ngaihtuahte an ni e. MNF lah inremna avanga ramri sawi thei hauh lote an ni bawk si. Ram humhalh ngam tur ZPM hi kan thlang mai dawn em ni le? Zoram hian hmangaihtu tak tak hi a va mamawh tak em.
9862566388
————
Ram neitu inti, MNF hruaitute hi thlan lal leh chiah ka ngai lo kei chuan. Ram hmangaih inti te kha chuan in party hi chhuahsan vat ula, ZPM hi en chhin ve tawh teh ang u. An pute ho hi ram tana zalenna a him chin a\anga sualtute kha an ni a, nunna hlan ngam Martar-te rilru ang kha an pu ve lo. Corruption-a inhnamhnawih hruaitute tho kha an la ni. An party hming chiah a ropuia, an hotute erawh an ropui lem lo. Pu Zorama hi an thlak phawt loh chuan belh tlak an ni lo.
8131825855
————-
Inbial \heuha MNF candidate kha vote lo hram ang che. BJP nen NEDA-ah an thawk dun a, a mala sorkarna an siam theih loh chuan BJP nen sorkarna siam an tum a ni. A tak tak awm lo, thlarau tam tak an lawm luh \euh \euh avang hian a malin an sorkar thei dâwn lo tih a chiang a, BJP nen sorkarna an siam dun hmel hle a ni. An theih tawpin an pha kual vak vak a, mahse Tripura a\angin thudik chu a lo lang chhuak ta a ni. Tin, Facebook lamah IAS Rtd meuh pawhin he thil hi a lo sawi tawh a ni. Chuvangin India ram Hindu lalna rama siam tumtu BJP nena in mawng zawm MNF party hi vote lo hram turin ka ngen tak meuh meuh che u a ni.
The Observer
————
Tunlai ZPM boruak sang zel karah dawt thu ngialngan hmanga beihna a tawk chho mek zel a, hetiang dawt thu vawrh darh a, Party ham\hat nana hman tumtute hian sim hmak se tih hi kan hriattir a, thurawn kan pe e.
RK-a & friends
————-
Tlumtea inti khan Pu Duhoma kha i rawn faka, keini a zui tawh \hinte hian kan hre chiang tawha, ZPM hi duh viau mah ila hotu pa tur hi an vuah dik lova, kan zawm thei lo a nih hi. Tunah pawh bial hnihah a dinga, a tlin hnuah khawi bial nge a chhuahsan zawk dawn sawifiah hmasa leh se a \ha ngawt ang.
Rova
————
Kolasib NGO-ten DC hmalakna duh lova strike an neih laiin, eng vanga All NGO ten palai hna an zuk thawh leh daih si le! Hmanni lawkah hnam hnatlang kan nei zo chiah si a. All NGO hi support reng chi a ni tawh dawn emaw ni le? All NGO te nawrhna ai mahin Kolasib NGO nawrhna hi a serious zawk mah a sin.
LB-a Pa
————
