Pu Hawl, Mizoramin sum hai chhuahna lian tham kan neih loh hi. Sorkar hnathawkten 7th pay hman ve an phut a, nawrh an tum pawhin hlau suh. Tihhlawhtlinsak mah la, MNF sorkar laia hna lak tawp tawp hote khan an vote phah dawn chuang lo che. Kut hnathawktute leh Neutral hian vote kan ngah fe zawk a nia.
LB-a Pa
———-
Zodintluanga khan lo ngaithla rawh. Mizo Union kha mipuiin an hnawl vanga tawp ta a ni lo. Mizo Union Conference, Aizawla an koh khan Unit khatah member 2 bak kal phal a ni lova, Mizo Union President, Saprawnga leh a OB puite khan in duh emaw, duh lo emaw Congress-ah hian kan inlet tho ang an tih tlat avangin mipui kha lungawi lovin an \in ta a nih kha. Chu Mizo Union chu tuna MNF hi a la ni ta zel a nih hi.
Carolini pu
————–
Cheng khat mah ka ei ru lo tia pawt pawt chung sia phai lama in ropui chhawng tam sak bawk hi chuan tunge awih ang? Mite chungchang phei chu sawi ngam tur a ni em ni aw?
Olivera
———
Vanglaini hian thu ziak sual (printing mistake) leh ziah nawn a va ngah ve. Pu Zonet, lo zilh ve deuh teh. Tukin chhuakah pawh MPSC kha Mizoram Police Sevice a rawn ti nia.
9612586071
——————
Ram siam \ha tura sorkar leh Kohhran, NGO-te thawhho a harsatna nia ka hriat ve chu Kohhranin ZU zawrh an duh lova, tlawmngai pawlin an do bawk si a, thawh ho dan tur a vang em a ni. Mahni kal dan danin kal phawt mai ila, a tla tla an tla ang a, kan Pathian nungin i thuin thiamin i awm ang a, i thu vekin thiam lohin i awm ang a tih hi. Pathian nung be tan leh be lo tan pawh a ni e.
Dindini pu
————-
Yamaha Fiamthu Fest-a Zoram mipui mimirin an rilrua pakhatnaa an puan. Thingkah tlangval, A. Lalhlimmawia pahnihna a ni ta mai hi a va FAIR lo em em ve. Induhsakna a awm tur a ni lo, thiam chu thiam an ni mai. Judges te pawh in mualpho der a nih kha. Hetiang tur chuan vawi khat mah buatsaih tawh suh u, Zoram mipui hmuhah a zahthlak lutuk, pakhatna kha a lawmpuiawm rualin pahnihna zawk kha a tluk lo lutuk. Comedian Search-ah hi chuan Fair takin thlanawm dik tak thlan an ni \hin a, hei vang hi a ni ngei ang Zoram mipui pawhin vawi 10-na pawh kan hlut em mai. Thliar bik nei lova rilru dik leh thianghlim taka judgement hna hi thawh tur a ni. Chu chu in thei dawn lo a nih chuan buatsaih tawh loh a \ha. Mi rilru in hliam dawn alawm, zep lovin frank takin ka rawn tarlang a nih chu. Na inti mai thei, in siam \ha rawh u, in thil buatsaih hi a \ha lutuk, mahse FAIR takin ni rawh se.
Fairduha
No. thup
——————-
Coconut sawh keha mombati chhi leh chal hnawihsena milem pathian hmaah pawh kun hrehna nei chuang si loten Pastor te tih leh Pathian nung bia kan ni a an han ti ve fo mai hi chu a sawi lo tur zawkte hian an kamchhe tleuh nan nge an hman a, mipuite min bum leh tum nan aw! NLUP hlawhtling te an tih pawh hi a dawngtu tam dana chhutin 1000-ah pakhat pawh hian an hlawkpui ngut emaw chu i lo thlir phawt mai ang aw. A \ha lamah Media a chak \hat viau laiin, a chhe lamah erawh Media chu sawi loh, Jail bang zuttir mai pawh an hnial lo tih tur khawpin an kawlhsen leh si ni berin a lang.
Uitang rual
————–
Ram rorel inchuhna chu nakkum 2018 khi a lo ni leh der ta mai. Eng Party rorelna mah hian Mizoram economics dinhmun hi an siam dawn lova, ram mipui tam ber za zela 75 dinhmun siam duh tak tak reng an awm lo. Kut hnathawktute denchhena Central Funding hmuh chiah hi an thil engto a ni a.
PH FANAI
————–
MPSC hi a rei telh telh a, a politics tulh tulh mai ka ti. Competitive lam khawih tur chuan helama experience nei tawh leh lo kal tlang tawh, thawhrimna leh tuarchhelna tel lova hlawhtlin theih a ni lo tih a chiang a, State mai ni lo, Central Service mi leh sa ngei mai hi ni se an \ha tih a chiang. Tuna MPSC Member han en hi chuan MPSC hi dah san har ka va ti em. An mimal chuan ka ngaihsante pawh an ni, a ruattu sorkar nikhua loh vangah ka ngai.
The Democrat
——————
Party ding thar Unit pawh nei lo PRISM chu an lo inhmu lian awm hle mai. An sorkar chuan thil mak ropui a thleng a ni ang.
Malsawma pa
—————–
Mizoram hi thlaler mawi tak a nih mai loh nan thingtlang lo neih bansan a \ul a, chutiang vang lo pawhin mihring kan pung zel a, mahni kum khat tla thar vek tur chuan chhungtin tana lo neih tur hian min daih kher lovang. Tlang ram a nih avangin leilet neih theih lah a zim si. Ration buhfai/vai buhfai hi mi tam zawk innghahna a ni lo thei lo. Chuvangin ration buhfai ei tlak hi central lam pawn kan chanvo atan a phal a, mi dik lote avanga ration chhe lutuk leh sehrep tam hi kan chanvo a ni lova, ei tlak pangngai hi kan chanvo a nih avangin a chhia leh sehrep tam thu-ah hian kan iak zel ang. I ei khawp i thar kha kan lawmpui rual chein tharna tur ram nei ve lote i tihdan hi chu lo inen let deuh ta che.
Puipuii pi
———–
October thla bawr vel khan kan vengah M&B Gas Dealer ten an connection hmangtu zawngte zawngte home visit an nei a, lehkha phek khatah hian engemaw tlemte an ziak a, chuta an lo kalna atan chuan mipuite hnenah in tina an gas hmangtute hnenah Rs. 70/- min laksak zel a, hei hi enge a awmzia? Mipui sum inlaksakna dan dik lo corruption a ni mai lo maw Pu Zonet? Kei chu ka ngaihdan a ni lo tlat, a check man an ti a, engmah an check bawk si lova, hetianga in tina Rs.70/- an lak zel chuan M&B Dealer te hi an va hausa chak dawn ve, hei hi thil dik lo a ni. Kan lung a awi lo tlat.
9862719253
—————–
Fakna lampang reng reng hi fiamthu thawh \hin ten an rawn fak tlangpuiin a lang a, India tih ve dan han en hian film star lampangten an fak leh si a. Mizoram hian dan leh hrai mumal tak kan la neih lo vang nge?
Sangpuii pu, Aizawl
—————-
Aadhaar Card hlau ho khan lo chhut ve teh u. Kum sangsarihna lo thlen hma, kum thum leh a chanve kha sakawlh chet hun atana Bible-in a sawi a ni a, tunah Bible calendar-ah chuan kum 5778-na kan hmang mek a ni a, kum 7000 a\angin kan kum hman ral tawh kan paih chuan kum sangkhat zahnih leh sawmhnih a la awm a, Israel-te an sal tan kum hi an chhiar tel lo an ti a, an sal tan chhung kum zali sawmthum kan paih leh chuan kum 792 a la awm. Sakawlh hi tunah mai chuan mi nung dam apiang tawhte hi chuan kan hmachhawn dawn em ni? Kan nunna hi chhum reilote lo lang a ral leh ang hi a ni si a. Bumin i awm lul lovang u. Thufingah pawh ‘mi ngaihdan pawisak luat a hlauhawm’ tih a nih kha.
LR Chhangte
—————-
Inthlanpui kan hnaih hret hret zel a, rilruah heng thu khirh pui puite a rawn awm leh \hin. Khi lam EAST nih kan tum mek laia Missionary 1,00,000 thawn chhuah kan han tum \eng mai te kha kan pam\ul ta hlauh a. Hun buru danglam tak dang kan thleng leh a, ram pakhat ve meuha chhung tin hnenah Rs.1,00,000/- lek pek kan han tum leh ta bur mai a. Mahse, pawisa siamna khawl kan nei si lova, vairampura mite min pek chawp mai a ni bawk nen kan hlawhchham chhiava a. Tunah kan hmathlir \hin buhfai ei bar chungchang MNF-in AMERICA BUHFAI, BURMA BUHFAI ei tir min tiam tawh a. Pawl/party dangin mahni thawhchhuah chauh ei min tuipui laiin, CONGRESS lam chuan VAIRAMPUR BUHFAI ei hi min la hawipui rih zelin a hriat. Congress hawi lam hi a awlsam ber bawk a, eng party pawh sorkar se an chhunzawm leh vek thovang. Mahni intodelh peih hlawm ni se, mi hausa tak tak vek an ni fur a, an intodelh vek tawh ang.
Bawiha pu
————-
