Thil dang daih ka’n sawi teh ang. Thingtlang lamah chuan lo te kan hal chho \an a, chutih mek laia ka rilrua lo lang chu hetia kum tina ram tuk chereu lo turin kan sorkar hian cheng nuai 3 hi han sem tak tak mai se, chu pawh installment lovin. Chuti a nih loh chuan kan lak hmasak apiang kan ei zo zel mai sia, ril\ama thih kan duh bik si lo, a hlawmin dawng ta ila chuan eizawnna bul \an nan chuan a tawk viau a sin le ka lo ti vel mai mai a kei vala hian.
Chhaktiang Keite
76279 14601
Kan ram hruaitute hi keini ai daihin Cachar lam khuan an lo hrechiang zawk a nih hmel hle mai.
Ramriah reng an inhuaisen hleihin an induh rum hleih zawk tlat zel mai a nih hi. Kan Police dah ve te pawh khuan engemaw an tih ve ni dawn ni. Cachar lam hma rawn lakna leh MZP te zuk dodalna hi hlawh neiin an lo “Uipui tuilian thlir” ve mai mai a nih ber awm hi maw! Kan CM ber lahin ramri chinfel dan tur bik riau a hriat lah a sawi duh der bawk si lo. Fiamthua pawih pakhat khawnvar zuar, a nupui a thi a, zanah a khawnvar chhit sak an han tum a, “Phal lo leng leng, tul feetah lo chuan phal lo leng leng” a ti ang deuh kha kan ni ta ber a nih hi. Engtikah tak sawi duh inhmang ve ang maw? Congress leh MNF sorkarah hi chuan ramri chauh pawh ni lovin, hmasawnna tak tak kawngah hi chuan beisei hi tisang lo law law ila rilru a hahdam zawk dawn a nih hi.
93666 30785
Fakselnaa sorkar lai demna ringawt inrawn chhuah rawn titu khan thil i hresual deuh a ni lo maw? Sorkar lai demna ni lovin, sorkar lai thil tih duhdan leh kal dan an rawn sawi lang mai a ni zawkin ka hria kei chuan. Sorkar lai kal dan ngun taka thlir chuan hmuh hmaih theih a ni lo tlat a lawm.
87946 03279
Fakselnaa thu thawntu, i number chauh ti lang khan Fakselna hi sorkar lai selna chauh angin i chhuah a, i enchiang lo a va ang ve. A bik takin Aizawl East II bialtu triple R phei chu a hnathawh \hat kan fak fo mai. Zonet hian Miss inthlan hi in va tichhuak khat ve, in uluka, inthehlar dawn emaw ka lo ti a, rin aiin Mizoramah a lar lo. Mahni district MISS hre lo kan tam riau mai. In sound erawh kan sel zing bawk a, a pangngai ta fu e, kawng engkimah duhsakna ka hlan a che u.
Johan Lalrinawma pu, Saron veng
94363 92544
Electric power hmanga ei zawngtu ho chu kan mangang \hin mang e. Current a awm lo, hna kan thawk thei lo kan ti reng mai. Sorkar leh P&E changtu Minister hi han \ang deuh teh se.
Maawmi
9436154166
Tun hnai te hian khawpui lailiah ruihlo ti leh zuar hmuh tur an tam leh ta! SRS an che lo a ni ang an ti mai a. SRS chauh hi em ni ruihhlo buaipuitu tur? Sorkarin tangka tam tak senga a rawih, hlawh tih tham lawih la ho hi engtin nge an awm ve a, eng hna ber nge an thawh ve \hin tih hi mi tam tak thinlunga zawhna awm reng a ni lo thei lo. Tam tham taka an man hote hi chu hêkna a awm vang tih a chiang si a.
8413024376
E Pu Ram, kea China thleng thleng kal ngai tawh lovin Vairengte lamahte, Bairabi Zophaiah te kan ramin a au ta che, i sipai rual, uisathiam, i uitangrualte nen khan ram chhan turin rawn feh chhuak tawh rawh u le. A bauh thei thei bauh se vai ho khu rawn umchhuak teh u. Aizawl tlanga huk dum dum tawh lovin. Pu Rintea lah chuan hma la tawh lo turin a ti ngam \awk a nih kha. Um chhuahte chu ka ha a ni ringawt mai. RZA Ralte TD
8730841016
Pu Lal Thanhawla’n kum 10 Hunthar veng lei tlahniam a siam theih loh kha MNF sorkarin a siam dawn ta. Pu Hawla hian ram tan hna a va thawk lo tak em!! |awng intih pa ringawt hian hna a thawk lo, a tak a ngai.
Para, Aizawl
7005401919
Tlabung uitangrual ho kha inthu chu a fing ka ti lo, mah se inngaihdan a \ha \hin e.
Hminga, Thingsai
6909492706
AP State chuan India rama Multipurpose Project lian ber tur MOU an ziak leh ta rup mai. Rualawh a va na \hin em. Kan ram hruaitute hi engtikah tak harh chhuak ve tak ang maw?
9862322234
Nitin kan ei khawpin chaw min pe ang che tia miin an hre lovang tih hlau niawm taka Biak Ina ring fea sawi \hin te chuan retheiten ei ve se tih aiah kan lei khawl anga, kan chhungkuaa kan ei chuan an ti leh ta maw? Hengte hi Kohhrana chanvo \ha \ha changte kha an ni leh ang. Kan inkhawma Pathian thu kan zir \hinte kha tun hun atana hman tur a ni dawn lo’m ni? Eng emaw a lo thlen apianga dawr thil an tito nghal ngawt maite hian ringtu tak tak kan nih loh zia a lang chiang khawp mai. Milem bia te kan tluk lohzia a lang chiang khawp mai. Tin, party ruihchilhna hi i bansan teh ang u.
Fela pa, KK
8118904367
Ramria Mosolman Biak In sak kal lai mek hi Police ten an veng hneh lo a nih chuan lang lo lam a\anga ven mai chi a va nih hmel ve. Pu Rama hmeh bel ngawt leh a bauh mai mai chi a ni lo va, HEI ZOFATE MIN CHONA DIK TAK ZAWK A NI A, NGAIHZAM MAI MAI CHI A NI LO.
Tlabung Uitangrual
9862014844
Fakselnaa thu rawn thawh ngun deuhte hian Party \an bur kan nei vek a, thu kaihlek rawn thawn te hi kan ching phian a nia. Thlirtuten awih chin lo nei mai teh u.
Mr. Frank
