Health care hmang duh lo private hospital-a sorkar Doctor thawk \hin te hi titawp mai se, sorkar damdawi in a\anga damlo harsa tak tak te private hospital-ah refer an ngai lo tur. Tin, sorkar hospital pawh damlote tan book a ngai lo tur. Mi rethei tan private hospital bill a sang lutuk a, a manganthlak hle a ni. Kan sorkar hian ngaihvenin hma la teh se. Thingtlang mi rethei aw a ni e.
9862385339
A va thlamuan thlak ta huai huai ve! LS MP meuhvin Pathianin kan ram a siam dawn e a tih chu! Ani hi Pathian thua mi tui, l^m mi leh mi hlim a ni an ti a, a thusawi hi LALPA hnen a\anga a dawn ni ngei turah ngai ila. Kum 2008 inthlan dawna Pu Ramtea’n kawng chanveah Lalpa’n min kalsan dawn lo uar taka a tih ve ai kha chuan ka ring deuh zawk!
Sipai Liana, TT
9862539105
Pu Hawla khan CAA hi sakawlh aiin a hlauhawm zawk a ti a, Pu Hawla hian sakawlh leh CAA hi dah hrang lul lo se a va \ha em. Sakawlh chu ringlotute leh tluksantute a\angin a lang chhuak dawn. Dah hran daih chi a ni lo. Tukin Vanglaini chhuaka Rev. Lalhmingchhuanga Jongte thu rawn ziah kha chhiar mai rawh, Aadhaar pawh i hrethiam uar tawh mai ang. Pathian ringtu tak tak te chu he khawvelah hian an chep tawlh tawlh tawh mai dawn a ni. ‘Kristian kal fimkhur rawh hlauhawm a hnai’ tih hla kan sak \hin kha a tak a ni \an ta!
SANGA
9856931179
Kan Pathian thu chuan dikna hmachhuana engmah hlau lo tur leh englai pawha Amah rinchhan ngam turin min ti a, mahse enga tinge Discovery Channel-a ramsa dawihzep deuh, mei sei ngiuhngeuh, ke 2-a ding, a hlauh tur zawnga a hawikual zeuh zeuh \hin ang mai hian CAB an tih loh leh ramri an ti; Chakmate leh \henawm state te CAA hmang tur thlengin “mitthlain ka hmu che ngaihzuali” tih ang deuh khan suangtuahnate nen hlauh tur an zawng ruai ruai a, Fakselnaah mi pakhat phei chuan “Kumin chu CAB tak tak ang aw” kha a rawn ti a, tunge sawi hlauhawm thiam tiin an insawi hlauhawm siak dawn te pawh a ni mahna.
Tlabung Uitangrual
9862014844
Lunglei lamah hian Cable TV pahnih pawh tur a awm a, JB cable network leh LDF cable a ni. JB cable network hi Zonet-in in lei tih thawm kan lo hria a, Lunglei mipuite’n beisei kan tih san tehlul nen, TV hmeh en ruala ‘No signal’ tih inziak hmuh reng hi kan ‘fee’ pek nen a inmil lo deuh hlek chu a ni e. Hei aia nasa zawka in\an theih chuan kan lawm hle ang. Zonet vul zel rawh se.
KP |huama
90773 92007
ZONET FAKSELNA hi a hlu hle a, ram kalsiam siamtu pakhat a ni. Chuvangin mimal ngaihdana political party inchirhtheh nan chuan i hmang lo ang u. Kan ram hmasawnna tur inhrilhhriat chu a \ha. Chuvangin kan thu thawnte hi mi rilru natna turin i ti lo ang u.
Aizawl Nu
96129 07066
VC, Local Council kan thlang leh mai dawn. Mizote hian CAA hi kan duh nge duh lo tih a takin a hriat thuai dawn a, sorkar lai party sawisel vak vak lovin VC leh Local Council inthlan result hi i lo thlir phawt mai ang u.
LT Ralte
98620 07651
Aizawla mo thuam hawh theihna dawr pakhatah ka nau nupui tur ten inneihnia an hak tur mo kawr pawisa pe lawkin an book a, inneih hma ni hnihnaah la turin kan kal a, an lo pack fel thlap ang a, kan la nghal mai turah ngaiin, Zarkawt McDonald Hills pan chhohna tur kawngpuiah motor-in kan lo nghak a, an rei tak em avangin Traffic Police-in min lo hau nghe nghe a ni. Chutia an rei tak em avang chuan ka phone ta a, an kawr hawh tur an book vek tawh zing ami, mo \hian kawr tur an hmuh zawh loh thu leh an zawn mek thu min hrilh a, an hmuh zawh tak loh vangin rawng dang an thlang chawp tihte pawh min hrilh tel bawk. Mo \hian kawr rawng mil turin mo pangpar te kan lo buatsaih ve a, pangpar rawng thlengin thlak leh a ngaih phah a, kha mothuam hawhna dawr hawngtute kha an fimkhur tawk loh vangin namen lovin kan buai phah a, dawr zel tlak an ni lo a nih hi, kan \hian te leh chhungte, hmelhriatte inneih tur an awm chuan dawr reng reng suh u tih turin tiin thuthlukna kan siam ta a. Chumai bakah mo khim tur veil te pawh a hmaa an lo hauh lawk sa ni lo an pe bawk a, thil dum te a kai nei nuai bawk vangin inneihniah pawh an khim ta lo a ni. An dawr hming chu thup sak rih ila, midang laka an fimkhur loh thu hriat tur a awm zui chuan kan tarlang tawh ang.
Joshua Nu, Aizawl
Aizawl a\anga Mamit panna kawng, Dampui kawng chho, nakin lawka rauhsan mai tur, siam\hat tumna awm tawh si lo, tuna a helna tur Dampui khaw hnuaia laih mek an la siam zawh loh vanga kawng chhe lutuk tak zawh reng la ngai bawk si hi a ngaihmawhawm ka ti. Kawng a te-in a kikawi kual em em a, a chhe em em mai bawk si a, a helna tur kawng lah siam zawh hleihtheih a ni bawk si lo, furpui a thlen meuh chuan khualzin phur motor, nitina veivakte tan engtin nge ni ang? He laii kawng chho helna tur, Dampui khaw hnuaia lung chang laih tlang harsa an tih hi laih tlang vat a nih theih nan thuneituten hma la vat teh u, furpui thlen hma ngeia he kawng thar hi hman a nih theih nan in khawngaihna kan ngen e.
