Tunhnai mai atanga Political Party ding thar ZPM hi chak tak leh tluang taka a kal hi duhpui hle mah ila, an kalphung hi a la fuh tawk lo. Mipui rin ngam tura Party inpumkhat thei an ni ang em? Tangrual Pawl kan inti a, mahni Party sahuai thingvawn tlat te, tan hona pawl din te tea mahni party chauh buaipui leh tho si te, ram hruaina chelh tum si tan chuan thawhhona hi MLA inthlan nan chauha hmang lova, mahni party bik paih bo a hun tawh zawk lo maw? Ram mipui rinna hmu tur chuan inchhunfin Policy a nih hma chuan awih a har zozai ta e. ZNP leh PC/MPC te hi MLA inthlan dawn apianga “Thawhhona, Tangrual Pawl” sawi rik ngai ziah thin an ni si a. Chuvangin ZPM Party te hian tan han la teh u.
PH FANAI
————-
Kan mithiamten uluk taka an duan Tuirini lei, motor lian bungraw phur pawh dawl zo tura ngaih chuan pafa pawh a dawl lo an ti maw? A van mak thin ve aw.
Tenu-i pa, City Area
————–
A va han pawi thin tak. Ka Pu Hawla te unau mangkhawng siamah chuan nunna pakhat chu a ral leh ta maw? Zahna chang hre tan chuan zah a hun e. Mawhphurhna la-in bang ngam tak ang maw?
9862216410
—————
Huiha lei chim tih reng mai. Lei dawhtute hian an va han dawh rinawm lo thiam reng reng ve mawle. Motor rit phurin a zawha, a chim a ti dawn emaw ka ti a, mihring pahnihin an lo zawh chim zawk lo niin. Kan pu ber lah chu India ram Politician zinga hausa Top ten-ah lo tel ve vei bawk nen. Mizoram veitu tan zawng vei tur a va tam tak em.
Peka pu
—————
Fakselna kaltlang hian ka’n sawi tawp mai ang e. Kan vengah hian mi zawngtah lawh ruk ching a awm a, a hnawksak khawp mai. A lo ru leh ka hmuh chuan a hming nen lam ka rawn tarlang tawh ang. Veng dang hriatah kan veng hming a tichhe tlat, a hnawksak dawn khawp mai.
No. thup
————–
Eirawngbawlna gas mawlh mai hi a ni buaithlak chu. Kan vengah chuan thla hnih danah pawh an sem lo chu a ni si a. Chuti chuan black lei tur chu a awm reng bawk si a, YMA ten hma la thin mah se awmzia tak tak a nei thei lo chu a nih hi. Hahthlak tak meuh chu a nih hi.
Aizawl pa
————–
Tuirini lei chim chuan ngaihtuahna a va tithui ve le! A chhuat pawh la phah loh pahnihin zawh chim ngawt mai chu! Ton 20-a rit phur zo tura ruahman PWD-in an ti bawk si. Mihring thih tlem theih ber hunah a chim ta mai a ni thei ang em le aw?
RK Sanga
————–
Pu ZONET Congress sorkar hian LEI hi chu a dawh rinawm thei lul lo a ni e ti raw? Tunlai khawvel changkang tawh takah hian LEI dawh thar leh dawh lai mek chim fo hi kan sawrkarin MIZORAM leh MIZO MIPUITE min ngaihthah zia a tilang chiang hle.
8132811469
—————
Tuirini lei dawh lai mek chu a chim leh ta rup mai maw!? A zahthlakin a mualphothlak zozai ta em mai. Unaua PWD enkawltu Minister-te hi hun tlem tawh viau mahse mawh la ngamin bang mawlh teh se.
Citizen
————–
Lei dawhchim thiam sorkar leh Engineer kan nei a nia, a va vanduaithlak tak em! Eng ang takin thiam thu han sawi leh ang maw? Nge, election te a hnai bawka, an han in suspend khaw mawi vel dawn em ni?
Thlirtu
————–
Kan sorkar hrawn tawh leh hrawn mekten mipuite min hruai dan han bih chian tak tak hi chuan lungawi a har tak meuh zawng a nih hi tunah lei dawh chim avangin mi pakhatin nunna a chan leh ta a, lo ngai reng mah teh u ruling lam chu an insawithiam leh mai dawn a, mipuite i thangharh teh mawlh ang u. Keichuan ZPM hian swrkarna han chelh ve se tiin an niah hian rinna ka nghat tlat a, beidawng lovin mipuite hian enchhin ve ang u hmiang. Beidawnna hi setana hmanrua a ni si a.
RODY PA
—————
Congress Party leh MNF Party hian kum tam tak ro an rel tawh a, mahse hnamah an la chian tawk loh avangin vawiin thlengin Chakma ho foreigner vote awtin an la awt ngawih ngawih mai a ni a, hetiang hrepa Zoramah Party mal hamthatna tur leh hleilenna atana sorkar tum fo tute hi tunah chuan mipuite hian i bansan ngam tawh ang u. Kan ram an tichhe zo takngial dawn e. Bumin i awm lul tawh suh ang u. Chhan tlak kan la awm e, min chhan ru tiin Zoram tang fan fan.
Spockment Neutral Group
————–
Kan Engineer-te hian sorkar tihmualpho an tum nge, lei chim leh kawng chhia a ri ta reng mai.
Duata pu
—————
Lei chim bawk maw ni leh ta. Kan Engineer-te hian kawng siam leh lei siam hi an thiam thlawt lo a nih hi. Vai Engineer chah chhuak mai teh u.
VL Ruata
————–
Chanchin thar puangtu atan aw ki sang deuh an awm thei lo maw le aw.
9862153088
————–
Ram hruaitu tha loten ram an hruai chuan mipuiin an tuar a, chhiatna a thleng thin a ni a, Congress hruai sorkar hi bang rawh se.
9612880873
—————
