West Tuipuiah hian Chakma vote hmun li-a \hen hmun khat pawh Mizo hian vote kan nei lo a ni a, Congress leh BJP-in Chakma pakhat ve ve candidate-ah an dah a, Mizo candidate pakhat MNF-in kan nei ve a, develop mamawhna avangin MLA Mizo neih ve ngei kan tum lai mekin, tling lo tur tih chiang sa reng reng, Mizo candidate pakhat ZPM-in an rawn dah thuah ve leh ringawt mai a ni. Heti chung hian Whatsapp, Facebook leh Fakselnaah te ram leh hnam hmangaih ber ang hrimin sihal ang maiin an u leh chuah chuah mai dawn chu a ni a, Super CM nei tur inti si an chet dan erawh a dangdai hle thung niin a lang.
Tlabung Uitangrual
———–
Congress party hi kan thlangtling leh mai ang tih ka hlau. Anni hi Pathian pawh zah lo, Kohhran leh mipuite \awng\ai chhanna chu zu zawrh a ni an han tingamte hi Pathian thinurna tawngbaw lo thei kan ni lo. An Minister te lah khan zu te chu Pathian thusawi huai nan a \ha te an la tingam leh zel te hi an mawl ka ti tawp. Kan Pathian hian an ni ber kher hi chu a sawi hniam tawh khawp ang.
LF Colney
———–
BJP a luh chhan ber chu ram hmangaihna a ni ber thei lo. Sum leh pai therhlo mai mai a ni. Anni telna sorkar kan rama a din vaih chuan hnam leh sakhua a nghawng lo thei lo. Chutih hunah chuan BJP kan kawh rawn tawh ang a, a sawt tawh chuang lovang. BJP tel lohna leh telna sorkar hi tun inthlan hian a hril dawn.
RK Sanga
————
Hman lai lal lallai chuan lal ngai lo lal a na an ti \hin a, a chhan chu inthlah chhawn lal an nih vang a ni. Tunah chuan lal ngai lal a na a, a chhan chu kan thlan lal an nih vang. A thlang lotu mi tam zawkte chu kan bet tlawk tlawk \hin, party sorkar an nih vang a ni. Tun \um chu mipui sorkar ni ngei tur i thlang tawh ang u.
HT Rohminga, Tuma pu MSV
————
Ramin a bawhchhiat chuan a tlusawp \hin. Chuvang chuan ram hruaitu \ha, Pathian chakna leh a kaihhruainaa innghat mi kan neih theih chuan kan ram hi a dam leh ang. A hmalama kan ram lo hruai tawhtute avangin tun hi kan thleng. Party ka sawi lo, tute pawh ding se kan thlan tur chu Pathian \ih mi, Martar ngam khawpa ram hmangaih mi ni rawh se. Chu chu kan tunlai boruak dinhmuna min hruaitu tur kan mamawh chu a ni. Chutiang kan thlangtling lo a nih chuan kan ram hmabak hi ngaihtuah pawh ka ngaihtuah ngam love. Lalpa’n he ram hi hruaitu \ha min pe mawlh rawh se.
Ramthar Nghaka
————-
In bial \heuhah ZPM candidate hi lo vote lo hram ang che. Independent veka an din avangin a tling chhun pawn duh duh an thawhpui dawn a, BJP-te nena an thawhdunna chance a sang hle a, chuvangin ZPM hi lo vote lo hram turin ka ngen duh che u a ni.
RUATSANGA RENTHLEI
————-
Rev. Thanzauva chuan midangin ADC an neih a sawi a, retheihna a\anga chhanchhuah a duh bawk a, a ngaithlatu tan chuan ADC a ngiat pui pawh ti ila a sual loh khawp mai. CYMA-in hma a lak laia hetianga \awng\aipui tura a lo thawh chungchangah hian CYMA hian Rev. Thanzauva chungah hian a na thei ang bera action an lak kan phut tlat a ni.
MIZO TLANGVAL
———–
MLA inthlan dawnah chuan Zawlnei der leh Opinion Poll lem kan hre leh \an ta maw? Lo awih tawk lah hi an awm ve zel mai si a.
7005811526
————
Mizo idol inelna a tawpna a rei tawh vei nen in playback rei lutuk a, a khamawm ta lek lek mai.
7005512416
————-
Eiruk thubuai pathum nei Pu Zoramthanga hi kan ram sum leh pai enkawltu atan kan ring ngam meuh ang maw? Chhut chiang teh khai. Hmana kan ram sum leh pai tam tak eiruk vanga hmingchhe em em Pu Zoramthanga tho kha a ni e.
The Rationalist
————-
CONGRESS-te hian BJP-te hi Hindu kul muk hleah an puh \hina, anmahni zawk hi a lawm Hindu kulmuk zawk lo ni le. An symbol-ah pawh an pathian bawng lem leh Hindu pathiannu Goddess Parvathy kut dinglam thla a lawm an hman hi, in thup an tum a nih rau rau chuan ZU UM hmang mai sela an inhmeh viau ang. Pu JV HLUNA hian milem pathian hmaah coconut a la sawh keh ve lova, a nupui nen mombati chhiin milem pathian hmaah an la kun ve lova, Babutea angin Rakhi pawh a la bun ve miah lo.
BJP-A CHHIMPA
————
Hmanni chu sorkar office-ah engemaw thil \ul tiin ka lenglut ve a, politics an lo sawi laih laih a, MNF leh Congress kan ning tawh nak a laiin ZPM party a lo chhuak a, kan lawm tawh tehreng nen mahse a lu an vuah fuh lova an lo tia, an lo nui dar dar a. Ka ngaihtuahna a tithui ang reng khawp mai. Chuvang chuan Congress hi mipui hian an sawisel nasa tawh sia, MNF hi a khan ta riau mai.
AIZAWL PA
————
Kum tawpa veng chhung/kawn chei \hin hi a \hain veng pawh a ti nuamin mipui te pawhin kan hlimpui khawp mai. Mahse, a siamna tura veng chhung chhungkaw tina hnena pawisa an khawn leh kher hi chu a \ha ka ti lo khawp mai. Chhungkaw tam tak ni tina inhlawhfa chawpa eizawngte tan chuan cheng za, zahnih hi a uihawm duh khawp mai. Sum lama kan induhthawh lai hun tak a lo ni bawk si a. Chhungkaw tam tak tan tlem viauva an ngaihlai khan ni tin inhlawhfa chawpa eizawngte tan chuan phurrit pakhat a ni ve thei tlat a ni. Chhung tina pawisa khawn kher lo hian pawl leh sorkar a\anga \anpuina pawisa hmanga siam theih nise mi tam tak tan chuan a \ha zawk ngei ang.
Zoa BK, Aizawl
———–
Pu |hena’n min boralsan a, kan ui em em a. Ani ang tluka CM \ha an awm loh thu leh ram hmangaihtu tak tak a nih thu mi tam takin hahipin kan la sawi kan la sawi \hin a nih hi. Chutiang bawkin, \awng thu chhe lovah Pu Duhoma pawh hian min kalsan ta se, kan la inchhir ang. Misual, a dik lo zawnga mi chanchin thehdarhtu Zoram Party worker \henkhatte hian mipui dawt min hrilh hnem hle. Brig. T. Sailo ngei pawh kha mi \ha lo tak angin an chhuah duh a nih kha. Tun hun, hun remchang kan neih lai hian Pu Lalduhoma hi kan ram hruaitu lu ber atan i thlang tling ve tawh ang u. Lui pawh a hnar a\anga nû chu a mawng lamah a fim thei tawh \hin lo ang hian CM atan kan duh loh leh kan hnawl tawhte pahnih hi chu i dah awl ngam rih ang u.
Tlumtea
————
