Ni 10.11.17 Zirtawpni zing ka football practise haw tur, wallet leh phone ka lo ken theihnghilh si, ka haw-na tur ka buai em em laia ka hriat mi pawh ni lo, pa pakhat bike MZ 01-G – 0076 neitu, min phurtu kha i chungah ka lawm teh a nia, ka tan chuan Samari mi tha dik tak i ni.
9856719378
————
State Consumer Union inti ve si Vawksa zuarten tlema an nawr dek deka 12% (Cheng 250 atanga 280) lawiha san an remtih mai. Consumer lam tan an peih thlawt lo a ni.
Dikna Duha
—————
ZONET U Got Talent hi keini thingtlang kil khawr atang pawn kan lo en ve thin a, a hmuhnawmin mit leh beng an titlai hle mai. Mahse, ka’n ti teh ang zai ho hian enga tinge Mizo hla an sak ngam loh le? Lam te pawh hian Mizo hla an hmang tlem a, Judge te pawh Mizo tawnga sawi hram tum kan awm laiin, tawng dang hman hram tum kan awm niin a lang. TV lamah hnamdang ho show kan en hian mahni hnam tawng hla hi an ngaina-in, Mizo hla phei chu min sak sak ngai lo hrim hrim a, sap hla sak hrim hrim hi changkanna-ah kan ngai lua a ni lo maw? Kei Mizo tlangval hian puipunna leh show-a hnam dang hla sa hi ka ngaisang hlawl lo a ni e. Mipui, mimirin kan hriatthiam tlan zawnga thil tih hi zir kan ngai niin ka hria.
7628875325
—————
Hmanni chu mi pahnih ti ti ka ngaithla a. Pakhat chuan kan ram hian mipa hlir mai CM-ah kan la hmang a, hmasawnna kan nei chau thei riau mai si a, hmeichhiate hi CM atan hmang ve tawh ila, West Bengal, Delhi, Tamil Nadu te ang khuan hma kan sawn ve dawrh lovang maw a ti a. Pakhat zawk chuan i la hre nange kan nei reng a lawm. A bula awm ve ziah PUTAR THAU DEUH hi a DEPUTY a nia a ti mai a. Chutiang zelin RATION BUHFAI-ah SEHREP a tam tia iak iak ho kha hnathawk ta che u, mahni thawhchhuah pawh ni lo lo sawisela chik chik lo khan. Keini pawh lo kan nei a, buh kan thar a, vaibuh kan la lova, kan thawhchhuah kan ei a, kan ngawih mai mai hi.
Tlangvala
————
Mimal hamthat nan chauha NLUP dawn leh lal ve hrim hrim duh vang leh ram tihchangkan tum inti si, ruahmanna engmah awm si lo ai chuan ram leh hnam dinchhuah tak tak nan leh SEDP hmanga bul tan duhtute tan hnam pasaltha Martar-te hial lo hringchhuaktu MNF, ka hnam party ngei hi fel loh chang awm thin mahse Pathian rawn chung zela dik leh fel taka hmalak pui turin thihna chauh lo chuan min then suh se tia ram leh hnam tan tiam tlat e tih mai tur tih Zofa leng zawng zawngte hian i hria ang u.
Uitang rual
————-
Zemabawk Cancer Hospital kal kawng hi PWD lam hian han siam tha tel ve thei se a va lawmawm dawn em. Damlo na tak tak han veivah leh phurh kual velna atan chuan a kawng hi a chhe lutuk lam deuh a ni e.
Berbera Pu
—————
Mizoram hi chu a boruak a nuamin thengthaw nuam viau mahse ami chengte hian kan zir thlawt lo. Ram hruai dan dik bawk hek suh. Ami chengten zir bik hek suh. Kan ram hi chu sawi nghing a, her rem a ngai tawh takzet a ni.
No. thup
—————
Zirtawpnia Congress Bhavana CM thusawi khan Kohhran ho kha a cho nge, an tihchhiat siam tha turin Pastor rual kha a ring tawk hle ni ang? Mi 12-in ram an tichhe thei a nih chuan Pastor sang rualin an siam tha thei dawn lo’m ni tiin zawhna a siam kha a ni a. Pastor ho chhan chi niawm tak a ni.
Dindini pu
—————
Kan Zoram chu khawizu leh hnute tui luanna ram ni lovin zu leh ruihhlo luanna ram a ni ta der mai, a rapthlak ngei mai. Kan sual em mai a, kan Pathian pawh hian min hawisan tawh a niang. Kan CM lah chuan thil an lo tisual a nih chuan Pastor rual ten an tawngtaipui mai turah a ngai hmiah mai si a, a zahthlak ti rawh u. Inchhira sim chu a hnaih loh hmel khawp mai.
Zoram veitua
—————
Mizoram thanmawh bawk lian ber chu thar chhuah tur leh thil siam chhuah tur zawnga sorkar a kal tlat lo hi a ni. Hetiang hmasawnna lam ai hian a thlawnna sem bak hi ngaihtuahna sorkar hian a nei lo. Thil sepsel te te thar chhuak tura mipui hnena chhawpchhuah fo pawh hi a hun tawh lo. Thar chhuah tam a ngaihzia lam leh Project mumal neih a hun tawh zia hi kalpui a ngai tawh hle.
PH FANAI
————-
Awle tunah chuan Zoram mipuite chhanchhuak turin ZPM lo chu an awmin ka hre tawh lo. Chuvangin mahni party kalsanin ZPM lamah theihtawp ka chhuah tawh dawn.
Roliana, MNF Champhai
—————
Kohhran hi Pathian khawpui a ni a. Chu Pathian khawpuiah chuan Pastor-te hi Berampu an ni. Lalpa hriak thihte an ni e.
RUTHII PU
————–
Inthlan a hnai a, ram hmangaihtu kan ngah leh ta. Mahse, inthlan zawha reh leh mai tur hmel pawh a lang nual, mahnia kaw hran hreuh tum, hreuh kaw zo lo engzat tak awm ang maw?
8730099759
—————
Keini thingtlang kut hnathawk ram riakte tan khawnvartui kan mamawh tehlul nen kan va dawng khat ta ve. Pu Modi-a nge Pu Hawla mawhphurtu? Tunge a kaikuang zawk? Mo kan hmuak ve ngam dawn lo a ni maw?
Thingtlangpa
—————
Police lak turah fit tha leh tling ngei te lak a ni ang tih an ni a, a tling ngeite leh fit ngei te chu an han training anga, an chhuah hunah chuan kum 2 khat lekah chuan an fit lo leh tho ngei ang. A chhan chu zu a tam em a lawm.
9862385339
—————-
Kan Zoram Politics boruak kal dan hi a fuh lo tak tak a ni. Party hi tlinna atan hmanrua a ni a, tu nu leh pa ro mah a ni lova, unau leh thenawmte kan inrem thei lova, party leh party a chhe thei ang berin kan inchirh theh a, remchang chang intih hmingchhiat nan leh lehlam pawl an nih chuan intihmualpho nan kan hmanga, nakkum inthlanah hian party mal tumah an sorkar hmel bawk si lova, engtin tak awm ang i maw? Mi dik tak an awm laiin mi dik lo an tel lo thei lo. Eng hmanrua emaw hmangin sorkar dan tur kan zawng leh dawn a, a va luhaithlak leh dawn em. Zoram boruak thlirin Colliation a piang ngei awm si a, i lo thlir phawt mai teh ang. Congress tan hian sorkar leh theih dan a awm reng mai a, an hre der si lo. Dai buak palh a hlauhawm hle. Pu Hawla hian hre tak ang maw? Tih fuh chuan sorkar siam thei tawk mi 25 hi chu a har lo, an tifuh lo a nih vaih chuan seat 15 bak an la dawn lo hrim hrim, ngun taka ke pen thiam a ngai, an tifuh lo ang tih ka hlau. Keichu Neutral ka ni a, ka thlirna tlang hi a dang khawp ang i lo thlir phawt mai ang u. Inlarna tih vel hi rin tur a ni lo, Zawlnei der an tam tawh lutuk, politics dik tak Game hi khelh tur a ni zawk.
Chhim-Pa
—————
Miss Angeli kha ka fak. Khatiang Judge kha ka ngaisangin Zofate zinga an lo awm hi kan va vannei em.
9612028199
—————
Pu ZONET mi thenkhatin an sim theih loh ngaimawh deuh mai ka nei a, chu chu nasa – nasat, lian – len etc. a ni. Entirnan – Ruah a sur nasa hle, a sur nasat avangin tui a lian, tui a len nasat avangin mi tam tak an buai. Thli na tak a tleh, a nat em avangin in tam tak a chhia tih ang hian sawi thin ni se a dik tur a nia le. Ruah sur nasa avangin, tui lian nasa avangin, kan ti ta mai thin hi chu sim theih ni se. Mizo tawng dik humhalh tih kan rel kha ti raw?
8413931575
—————
Kan ram, kan hnam min chawinung tur leh mipui min dawm kang tura kan thlan lalte hi keini mipui hmaah engatinge an thil tih sual, inthlan dawn hnaih lamah hian ngaihdam an dil ziah mai le? Ngaihdam dil thang te chuan kum tin an dil hun velah ngaihdam an dil leh ngei ngei thin an tih hi a lo dik ngawt mai. Mipui lah a lian a te-in zirna sang leh hniam, mipui, mimir te lah thudik tan ngam lovin thing kih tlu tur awn ang maiin kan awn dual dual zel mai si taka aw…! Kan va la ropui lo tak em! Inngaihtuah chian a hun ta hle mai. Bumin awm tawh suh.
Aizawl-pa
—————
Kei chu ka pawm ve lo e. Thingkah pa kha pakhatna ka ti e. Rui chunga pakhatna an nih zel dawn chuan khawnge rui ve ngai lote kha Pu PL?
8413024814
—————
2017 Yamaha Fiamthu Fest-a Lalngaihsaka’n 1-na a la kha induhsakna liau liau niin ka hria. Khang ang kha chuan tihnawn chiah kei chuan ka ngai lo a ni.
8974400388
—————
Yamaha Fiamthu Fest final kha nghakhlel deuhin kan lo thlir ve a, a hmunah chuan an tui viau mai thei a, mahse entu lam tan chuan tuipui a har ang reng, a behbawm vel a rei bawk si, Adama lah hi intih nuihzatthlak a tum lutukna lamah hian a tinuihzatthlak lo zo vek zel. Tin, Adama hi kan hmang lar viau sia, tawng a hmang uluk si lova, lo zirtir hmasa thin teh u.
CHENKUAL PA
—————-
