Mutnaah ka ram Mizoram tan eng nge ka tih ve theih tiin ka ngaihtuahna ka kawm mial mial a, chuta ka rilrua lo lang, ka vei zui em em mai chu Zonet Fakselna kaltlang hian ka rawn share mai mai ang che u. Kan ram a dam lova, hnam a dam lo, sakhua pawh a dam lo. Zoram mipui hian kan hria, kan ram, hnam, sakhua damna tura pawimawh ni ta bera ka hriat ve chu Pathian thu awih hi a ni. Pathian thu, kan thu aia kan zawm chuan kan rama thil \ha te kan neih a, kan ei a phal a ni. Chumi nei tur chuan dikna, rinawmna, taimakna leh hmangaihna kan neih a ngai a, Zoram zimte enkawl tur pawh hian ram hruaitu lu ber ni tur chuan mi tak, thu tak pai, ram tana din chhuahpui tur ni si lo, sum tam tak senga luanral tir mai mai lotu tur leh coconut sawhkeha milem pathian hmaa chal hnawihsen ve lo tur Pathian \ih tlat mi kan mamawh a, chutiang mi chu kan thlanchhuah thiam a pawimawh khawp mai. Mipui pawh hian ram hruaitu \ha nei tur chuan Pathian \iha a thu kan awiha, kan zawm thiam a pawimawh khawp mai. Ram tana \ha tur pawh ni lo, Zoram dung leh vanga vah kualpuia, taipawng pawnga sawi mawi chawp ai chuan, kan rama awmsa hmang \angkai thei tur ram hruaitu \ha hi, kan ram din chhuahnan a kan mamawh chu a ni e.
KLB
9612226314
Mizoram leh Assam ramri hi Mizoramah chuan Politics khelh nan kan hmang a, Assam Cachar lam te chuan an hman ve loh avangin kan ngam thei lova, kan buai fe zawk si a a nih hi!
PH FANAI
8014010889
Rs. 50 chawina tura min tlansak duh lo/min phur duh lo Taxi hi tunhnai teah vawi hnih ka tawng tawh a. Taxi hi a la tlem a ni ang, duh an la thlang thei tlat. Aizawl khawpui atan hian 500 vel pek belh se, hmanhmawh thilah pawh hnai deuh hleka hman tur an awm phah ang em tih hi ngaihtuah tham tak a ni.
8837489511
Ramri chungchang inremnaah ziah fel a ni lo tih hi sawi nawn fo a \ul ber lo. Lo ziak fel tehreng pawh ni se, Congress leh MNF hi chuan ram hauh inti na lo em mai a, tun kan dinhmun bak hi chu kan thleng chuang lo vang. Ramri chungchangah chuan hriam hrak a ngai. Sipai pension tawh pakhat thusawi, ka rilru a nung reng chu, ram buai \heuh \heuh Naga chuan an ram an zauh a, keini chuan kan ti zim zawk a ti. Dimapur khu kumkhua-in Assam ram kan ti \hin a, tunah chuan Naga-in an nei daih tawh a ti. Ngaihtuah peih te tan aw.
RK Sanga
9862366590
ZPM ho hi nakin lawkah chuan an va ral \hum mai awm ve. Hman deuh khan party pakhatah inchhunfin vek tur ang khan kan lo hria a, nimahsela, MPC President, Pu Lalhmangaiha khan MPC party chu \hiaha pawl dang zawm chu a tum loh hmel nasa mai si a. MPC party hian ZPM-a inchhunluh an tum ve loh chuan Pu Duhawma te ho chu tih tham an va ni tawh si lo ve.
Aizawl pa
9612898237
Tun \um inter branch YMA Football khelh mek chu Aizawl vengchhungah player te mahni veng bil ni lova khel an awm fur an ti maw?
Hetiang tur chuan kan Central YMA hian tih chhunzawm tawh loh hi a va \ha em. Khawpui ni ve lo tan chuan chance a awm lo a ni.
Thingtlangpa
8837410439
Mizo Kristian intiten BJP kan la tuipui thei hi chu chhan dang puh tur a awm thlawtin ka hre lo. Ram leh hnam hralh hial pawh duhna thinlung a\anga lo awm niin ka hre ve tawp. Ka hre dik em tih erawh thu dang ni se.
8794835807
|awng nem tuai kan pung kan ti a, kan buaipui laiin fakna velah mipa tuai ni loten thil an faka, an han \awng nem vel hi bansan chi a ni. Tuai inti huangtau tlat. Tichuan faknaa tuai zak lo fahrana a rawn tei hawi vel hi huatthlala em em a ni.
FACANSONS
81318 61999
Ramri chungchanga ti \ha duh lo ve ve rau rauah Congress sorkar Zophaiah khan kan in “\ha \hen” a.
MNF sorkar Vairengteah hi chuan “kan tlawm” a nih ber hi maw!
9366630785
Mizo channel-ah hian TUAI \awng sin ret rut hi zawng faknaah hian rawn hmang lul tawh teh suh u. An tih dan pawh zir loh tur. Celeb emaw an intia, kawng dungah pawh an zah tawh miah loh hi. Naupang hmuh atan phei chuan thil \ha lo tak a ni. Mizo channel en chakna a reh lek lek thei dawn a lawm.
Khatla pa
8131989888
Mizoram leh Assam inter state boundary, Mizoram chan chhungah innerline reserve forest sq. mile 509 a awm a, hei hi Forest Department kuta awm, an thuneihna liau liau a ni a, tunah Cachar, Assam Forest enkawl tir a ni a, chhiah (royalty) pawh Mizoram District Council-ah an chhung \hin. Mizoram UT a nih hnu khan an rawn chhung ta lo. Kan \hing bawk hek lo. Tuna boundary kan tih, he reserve, kan ta, staff neih tlem avanga Cachar Forest kuta dah hi enga tinge lak let kan sawi ngai loh? Zophai Forest reserve chhungah tu leilet pawh nise Forest-in an phal loh chuan Police an pun anga, Forest reserve humhim an tum leh \hin ang. Kan reserve chhung hi a neitu ni lo, Cachar (Assam) lamin an enkawl avangin vai khuti zozai khu awmin an ti chereu nasa ta a nih khu. Khungho khu forest phalna (no objection) avanga awm an ni. Chuvangin kan sorkar hian kan forest reserve 509sq mile khu lak let tum thuai thuai teh se. Silai (Police, IR) tih lam a ni lo, court lam thil a ni zawk ngei ang.
8730003677
Bawngkawn a\anga Chaltlang city bus tlan hi footpath an siam chhung chu tihtawp rih ni rawh se.
ZRT-a ZK
