Zonet buatsaih Mizo Idol Audition round neih mekah Judge-te infakawmin inhmel hmuh a nuam. Intihsiakna boruak zangkhai taka inkalpui \hin hi contestant-te tan a hlu hle-in ka ring. Hei erawh ka sawi duh, Judge pakhatin a comment lai leh a sawi tur a sawi zawh hma-in lo tlakzep inching hi bansan teh u. A duh ang a sawi zawh hnuah insawi duh chu sawi ve mai ula. Sawina tur hun thawl inneih \heuh kha. Tichuan in lama TV a\anga lo entute tan phunna tur a awm lo mai ang.
DIKI PA
—————
Idol Judge-te endik dan hi file cover kawm khuh deuh \ut lo hian ni thei se. Endik tute hi show inni tel a nia. |henkhat chuan zaithiamte aiin inchezia, comment kan thlir nasa zawk hial mai thei. X factor hlawhtlinna chhan pawh Judge-te che zia, comment vang te hi a ni vek a nia. In comment te a bengvarthlak si a.
9862175887
————-
Tun \um Mizo Idol thlanna chu le aw a la rei dawn sia, a ninawm dawn mange. A chhan chu endiktute hi mi pangngai deuh an awm tho awm sia.
9856684894
————–
Mizo Idol neih mekah zaithiam tih deuh deuh ka nei nual mai. Judge pathumte an \ha tlang hle mai. A hmeichhe awm chhunin contestant te nervous leh zak lutuk turte nuih heh leh mi hlim thei a nih ang ngeiin a lo ti tlangnel thiam bawk nen. World Cup zo kan khawhar tur pawh min hnem a, a lawmawm e.
Mamtea
———–
Ka’n sawi ve lawk. Zonet-in Mizo HD channel insiam hi chu intifuh thlawt a ni. TV \ha neih man a awm hliah hliah. Mizo ngei maiin Zonet HD-ah fiah em emin Live telecast te kan han en thei a, Zonet puipate infakawmin fak inphu takzet a ni. Tunah MIZO IDOL kan en a, reiloteah Mizoram Premier League inkhel kan han en leh anga, a hmun a kal ve lo tan pawh buaina tur a awm lo. Zonet HD-ah fiahfai em emin kan en leh mai dawn a ni. Zonet chhungkuate i lawm ang u. Vul zel rawh se Zonet.
H. Lalenfiaha, Tuikual North
————-
Two Wheeler Taxi khalh ho hi an polite lo mah mah \hin. Chep tak karah pawh mi pelh an tum ngar ngar zel a, veilam a\anga intlan pelh leh ‘double overtake’ an ching si a, lirthei khalh ve dang tan an ninawm \hin.
No. thup
———-
Aw ka pu MNF hruaitute u, tuna kan kal dan en hi chuan Congress tan kawng kan hawn sak leh dawn a ang hle mai. Congress duh lo kan in\hendarh nuai nuaia, mipui tam tak lah hian a sorkar tur lama tel an tum tlat bawk si. Inngaihlu apiang an tlawm ang a, inngaitlawm apiang chawimawiin an awm ang tih a nih kha. Zu zuar zel ang kan tih chuan tuna kan kal dana kal zel hi a \ha a ni mai.
Chawnghlut val
————-
Kan inthlang tur hi mi thil chik mite chuan Congress a sorkar leh ngei an ring. A chhan chu Congress duh lo an darhsarh lutuk an ti zel. Congress duh lo zawng zawng hian inzawmkhawm zai an rel a nih loh chuan sorkarna siamtu lama tel ve duh zawng zawng chuan Congress zawm mai tur.
Neutral dik tak
—————
Pu Hawla hi zawng Hindu-ah a lo inlet daih tawh a, chal a hnawihsen a, coconut a sawhkeh khan Hindu-ah baptisma a lo chang reng a lo nia lawm mawle.
Kristiana
———–
MSACS hovin fakna atan an hman HIV/AIDS hian kan ram dung leh vang kil tinah name plate-ah tarin sum tam tak sengin motor kawngpui tluanah km 1 dan pawh tling lovah an tar a. Zoram mipuite hian kan zawm em ka hre lo. Ka’n sawi duh tak erawh chu condom tel lovin hmeichhiat mipatna hman loh tur. He zirtirna hian tih ve chhinnaah min hruai lut mai ang em? HIV/AIDS chanchin zirna a\angin a hlauhawm lohzia a hriat theih a, a hlauhawm lohzia hriatna a\angin a hlauhawmzia a hriat theih bawk. MSACS hovin mitin hriat, bengngawngte pawhin an ngaithla ning tawh awm mang e tih tur khawpa uara an aupui, HIV kai theih dan leh kai theih loh dan inhrilh nawn tlut tlut nana pawisa tam tak hman ral hem hem hi kan \halaite venhimna pawimawh ber a ni lo. Kan culture mila her rem chunga ko kan thlak a ngai ta.
RENTHLEI CABIN
————
Transport Department-in late fee chawi lova document inhan discount kha kan va lawm ve. Khawngaihin a la ti remchang ve lo leh harsatna hrang hrang vanga ti duh si, remchang lote thlakhat chance min pe leh thei ula kan lawm hle ang.
9485495907
—————
Tuikuk ho hian ka farnu an pawngsuala, an that zuia, ka unaupa, tu pawimah sawi lo, a \hat lai hun hmang ve \an chauh an kap hlum a, misual chu um lohin an tlan tih a ni reng a. Tumah um lohin Tripura-ah an tlan chhiaa, an kal pahin ka \hianpa, bike an vawchhiaa, an hal a, miin min ral tel telna bak kan sorkar chak tak hian eng nge min pek a, engtin nge min \anpui? Tunah misual um loha tlan te chu lo kir leh r’u, in hmun te, ram te, cheng nuai li te, ration te a free-in, in pawh a thlawnin kan sak sak ang che u kan ti em ni le? Tuikukah lo piang ve zawk ila \ha tur.
Mizo tlangval
————–
ZPM Party chu Leader-ah an buai lova, Symbol-ah pawh an buai lova, mahse, inthlan zawh hnuah an buai dawn, a chhan chu tling an awm dawn loh vangin an buai ang. An kal hrang leh vek dawn.
Duata pu
————–
Lalremsangi Chawngthu hi a puang thiam si a, a hmel\ha bawk sia, puang deuh reng teh se.
8014007624
————–
Kumin inthlanpui chu Tuikuk leh Chakma ngaimawha sum hmanga lei ve theih loh Zofaten ZPM i vote vek ang u aw.
Mizo Tlangval
————-
Sakhaw puithiam \henkhatten lalna chan tum vanga politics-a zuanglut sem policy helh ta viau ringawt hote leh ui buk anga bauh peih tak tak, tapchhak zawl a\anga mi bauh \hin ho hian lalna han chang ve se chuan Pathian finna hmanga insawi pawh ni lem lo mifing tak tak tam an inti si a, khawvel finna leh Pathian finna a luang kawpin, ram hruai hna an thawk dawn a nia. Arpuisente thawnthu ang deuh khan bawngin bu bu keimah a ti anga, kelin be be, uiin bauh bauh, keiman keiman” a tih ang mai kha an ni mai lo’ng maw? Keimah tithei tur fing pui pui an tam hmel bawk si a.
Tlabung Uitangrual
————-
Ram hruaina hna hian ram venhim hna te, ramri chinfel hna te a keng a nia. Hetiang kawnga hma la ngam mang si lo hi chu phur viau loh a \ha ang tih hi a ring ta hle mai a nih hi.
RK Sanga
————-
Lal Thanhawla hian NLUP hi Pathian programme tiin a sawi fo mai a. Congress tan chauha programme siamtu pathian hi Kristiante Pathian hi chu a nih hmel loh khawp mai.
Carolini pu
————-
Nuho lo hriat atan. Baibing chhum a hmin \ha thei lo intihfo \hin hi a hmin hma dan awlsam chu i baibing chhumah khan soda tlem han telh la, a hmin thuai mai ang.
Biaka
———–
