Tlabung Uitangrualin ramri chungchang a sawi hi a \ha thlawt. Full support ka pe e. 0389 hian sawisel a tawng zing ta hle. Eps 1 ka en ve chhin a, en a lo hahthlak deuh a ni. Camera awmna lam a hriat em em a, sound system a chhe thlawt bawk a, an \awng hriat mumal loh chuan film a hmuhnawm ngai loh. Tin, tih lar intum luat vang nge ka hre lova, channel hrang hrangah inpe vak mai a, chu chuan he film hi mi nin a hlawhin mi rilruah a tla na thei ngang lo niin a lang. Zonet hrim hrim hi sound system-ah infimkhur hle a ngai. Chanchin thar kan en a, a kar lakah fakna in dah tam bakah a sound a dang daih zel. |an han la thar teh u khai.
Johan Lalrinawma pu, Saron veng
9436392544
USA sorkar chuan Mizorama Muster Roll a chhawr mek ang chi te tan Pension Scheme a pass sak ta rup mai.
Mizorama Ministry fawng vuan mekte hian an Manifesto no.10 a Muster Roll te dinhmun chawikan tur tia a dah ang ngei hian Muster Roll Study team ten Proposal an siam aia \ha zawk hian duhsakna lawmawm hlan thei se tiin sorkar hnuai hna tinreng thawktu, Muster Roll ten an ngen e.
LB-a pa
84140 29478
Aizawl Civil Hospital sir, Bus stand leh police office chhohna bul kawr vel uih rimchhe \hin lutuk hi thuneitu lam hian enfel thuai se a duhawm hle mai. Faina leh thianghlimna nen pawh hian a inmawi lo bakah Aizawl hmun pawimawh lai uih rim chhe lutuk hi a zahthlak a ni.
LT Ralte
98620 07651
He MNF sorkarah hian Bru, Tuikuk ho chungchanga heti tak maia \henawm state te an rawn inrawlh ngam ta mai leh min rawn zuam em em mai hi eng nge a chhan ni ta ang le? Kan CM office tualah a ram mite ngei pawhin thil phut kan neih lantir tur pawha kan luh theih lohna hmun ngei maiah Vai 140 rualin Tuikuk ho tan Sitting Demonstration an rawn nei ngam a, an rawn nei thei ta mai hi a zahthlakin a rilru nat thlak tak zet a ni.
Ramriah min rawn tibuai a, chutah lah kan tlawm vawng vawng a ni mai si!
Heng zawng zawng \obul ni ta ber chu eng dang ni lovin kum 30 chuang patling 2 kaihhruaia ei leh bar leh hmasawnna tak tak nei lova kan awm vang chiah hi a ni. Hei hi hria-in kan \henawm vaite pawh hian min rawn zuam ta em em mai a nih hi. Pum thep riltam chungin ral a do theih miau si lova, Zoram mipuite pawh hian hetiang mi kan thlang tling leh\hin hi a rah kan seng chho zel dawn ta a nih hi. “
Aw ka ram Mizoram zan mu chhin a hun tawh lo.”
Mizo Tlangval
93666 30785
Ropaia Bawk leh Ramrikawn inkar kawngpui sira motor lian chhe tawh, siam \hat theih tawh loh tur pahnih hnawk taka hun, rei tak a awm reng mai hi a neituten emaw, thuneituten emaw lak sawn vat a va \ha em!! University kawng lun tak mai a ni bawk si a, a hnawk takzet a, kan sorkar viak \ha tak khan han ngaihven vat teh u.
MESAKA PA
81198 70233
RAM LEH HNAM HUMHALH KHAWIAH NGE? Hmalakna tak tak hmuh tur leh hriat tur hi mipui nawlpui hian kan hre meuh emaw chu? Mi langsar tak tak, a taka hnathawk tak tak si lo, sawi nuam ti tak tak si hi an va tam tak em! Vai sumdawng motor-a dawr bungraw sem, thirchhe zawng adt. pawh tam tak an awm ang, ram leh hnam humhalh han tih hian tih tur a tam, a taka thawh erawh hmuh tur kan hre meuh lo chu a ni e. Kan sawi leh kan tiam te hi a taka kan bawhzui loh chuan HMUI DAW THEI kan ni ang.
PAVALAI
8014499153
A pu Zodintluang, a pu Ramtea pawhin thil sawi vak vak hi a insum ve tawh a, Bawng insi anga thawh thut lam hi a ching tawh zawk dawn a lawm. Chawlhni serh leh serh loh lam kha chu maw kan Bible-ah hian Chawlhni serh rawh tih te, Isua buh hmuna kal thu te han chhiar hian thil tih \hat nana hman chuan eng ni pawh a \ha vek a, thil \ha lo tih nan erawh chuan eng ni pawh hi a \ha lo vek ti mai ang aw.
Lianvela
8974244232
Eco.& Statistics Deptt. Mizoramin nikum leh kumina thil chi hrang man inthlauh dan a tihlan, Aizawl Post-in dated 11.9.19-a a chhuah hi a taka kan hman dan nen pakhat mah hi inmil a awm miah lo va, dawt hlirin report an pe \hin tihna a nia. Dawt Department tiin puh ila an haw viau dawn bawk si. Hetianga mi zawng zawng deuh thawin langsar taka a dik lo tih kan hriat vek anga report/record siam hian eng nge hlawkna a neih ang? Hlawk pawh nise hlawkna dik a ni thei lo. Kum 10 a liam meuh chuan he dawt hi thudik tak angin \hangtharin an la ngai dawn si a. Ka thu miah loh rualin a dik tak report/record ni zawk se \ha ka ti. Hetiang mai maiah pawh dik lova chhinchhiah a nihin rorelna dik beisei thei kan ni dawn em ni?
Ramveitu
9089667399
Nizana 0389 hmuhnawm ka ti lo ti tu kha a la en tam tawk loh vang a nih kha. Entir \ha tak a nei; chu chu “Zara leh Pa Mawia in\hian\hatna kha a ni.” En ve la i hre mai ang.
0389 ngaisangtu
9862006020
Pathian leh kan ram tan ti tu chuan Chawlhni pawh pawisa lovin milem betute ho nen ek sat hai an zuk ti ta maw? Pu Hawla chal hnawihsen kha a lawmtu ber kha a ni reng a ni. Nakinah phei chuan a chal pawh a la hnawihsen ve ngei ang le. Tunah chuan baal hmaa \hing\hi ve lo hruaitu pakhat chiah kan nei ta, hriatna tur beng nei tan chuan hai chi a ni ta lo e. Zu zuar lalpa nih nge i duh, chawlhni bawhchhe tu?
RZA Ralte TD
8730841016
Ramri buai chungchang hi a chinfel dan hria inti kan Chief Minister Zoramthanga hian Mau a sawi ang zet hian han sawi chhuak ve tawh rawh se. Tun hi sawi hun tak a ni e.
9862859675
Zonet channel pakhat, Rihnim tih hi i lam dik \hin lova, Rihnim leh Rihmim hi thildang daih an ni. Rihmim chu thing chikhat, lian ve tak, buk nalh thei tak a nia, hmim tih lai tak kha, sava chikhat vahmim kan sawi nen a rik dan inang chiaha lam tur a ni a, Rihnim erawh chu hming bik nei lem lo, thil engemaw lungrun deuha sawi nan an hmang \hin, hnim tih lai tak kha, tuifim kan sawia fim tih thluka lam tur. Entirnan:- thing rihnim, rihnim tlang, tih te. Tin, Thehlan kha i rawn lam dik lova, eng nge a nih hriat loh tlat chuan lam dik a harsa, ka dem miah lo che. Mizo pa inchhunga awm a nia, rapchung ni si lo, engemaw dahna hmun a ni. Thehlan chu lo zawt chiang teh aw, Fakselnaah chuan sawifiah a har deuh.
9856684894
Kan eng neih dan hi a va manganthlak tak em! Congress-in kum 27 kan ram a ro an rel chhung zawng khan power hi lo ngaihtuah deuh chu ni sela \ha tur a nia. MNF-in kum 13 ro an rel chhung lah khan hmalakna lah a chhia va bawk si. Engtikah tak intodelh ang i maw? Luipui kan neih \hat nen. |an han la deuh teh u. In ropui insak hian power-ah kan intodelh phah lo a nia.
Carolini pu
9862216410
AMC hmalakna bawlhhlawh chungchangah hian a fuh lo lai a awm awm e. A thlakna tam tham awm hmain polythene hman a khap a, mipui an buai nasa. Bawlhhlawh paihna hmunkhat a nih laiin mipuiah \awih thei leh thei lo an thliar tir a, hmun thuhmunah an paih leh si. A hmasa tur zawk a hmasak loh chuan a buai \hin. Mipuiin AMC nge nge tia \awiawm chak taka an hmalak ka duhsak. Tuna an chetdan chu a fuh tawk lova, mipuiin hnawksak an ti palh thei a ni.
RK Sanga
