Tunlai Jio Signal chhe lutuk hi a va buaithlak \hin tak em! Company lam khan \an han la leh deuh teh u.
7005498783
————
ZPM Super Chief Ministerial candidate chu Pu Lal Thanhawla inah zanriah a kil an tih ka hria a, eng tak sawi dun ang maw? Hei hi ZPM Val Upa Council hian an phalsak nge, ZNP angin zanriah a kil zawk?
8974154790
————
Ram hmangaih chu sawi loh mahni tuchhuan kal zel tur pawh kan hmangaih zo lo hlawm ni berin a lang. Mahni inchhung khur pawn hmangaih thei lo chuan khawi ram nge a hmangaih tehlul reng ang ni? Heti khawpa kan tunlai Mizoram chanchin leh boruak inlumlet vel kan hrechiang chung hian Party atchilh a, ram siam\hat lam ni lova, lal ringawt atchilh kan va han tam tak em. Pathian ai pawha mahni party vei leh \awng\aina ai pawha party tana campaign nasa leh mahni inchhhung khur aia party ngaihsak, heng zawng zawng hi kan kalsan hma loh chuan Zoram hian khaw eng hi a hmu dawn lo a nih ber hi.
Rosanne-i Pa
————-
Chief Election Officer leh Tuikuk chungchanga kan buaina leh a bik takin Kolasib DC Office-a buainaah khan lo kamnam palhte pawh an awm mai thei e. Mahsela hnam humhalhna a ni tlat mai si a, Kristian bik riau leh Missionary rilru pu bik riau te khan engtin ngai che u maw!?
LB-a Pa
————
Val Upa Council an tih hian khawi a\angin nge thuneihna a neih le? An MLA-ten Party dang zawm se engtin nge an hrem ang?
Party an nih loh avangin Anti-defection Law-in a phuar ve lo an ti si a, an MLA nihna hlih theih a nih loh chuan an MLA reng tho anga, a hlauhawm lo teih teih dawn tho lo maw?
Boruak \ha fu anga lang, a taka engmah ni leh si lo te hi a lo ni ang nge, i fimkhur ang u.
BJP hian a siruk lain hma rawn lak an tum ngei ang a, BJP sorkar te hi kan nei lo ang tih pawh a sawi theih loh a nia?
A hre thui deuhte khan han tuihnih teh u? Ngaihtuahna thui tak hman a ngai inti ve lo maw?
97743 54495
————-
Inthlan dawn chuan DC te pawimawh zia kan hre \heuh, hmun pawimawh bik Kolasib, Aizawl, Lunglei angah te hi chuan Mizo DC te lo dah nachang kan CM hian hre ve se chuan kan buai lo deuh tur. Mizo Officer te chuan Tuikuk vote a rukin an lo thun awm si lova, kan CM rel fel loh hi kan tawrh phah ta a nih hi.
Lalfinga
————-
Hnam hnatlang neih niah political party zawng zawngin party office an khar vek a, dawr zawng zawng khar a ni bawk a. Hetihlaia ZPM office an hawng lui tlat mai kha hnam hnatlang zah lohna a ni dawn lo’m ni?
7642929719
————-
Kum 2015-ah ZNP leh BJP Bye-Election-ah an thawk ho tawh a, CADC-ah Congress leh BJP-te an thawkho leh ta a, tun thlengin an la thawk ho reng a, MNF ve chu North East-ah Congress duh lo party hrang hrangten NDA leh NEDA an din a, hetah hian member pakhat a ni ve chauh a ni. MNF leh BJP an thawk dun tihna a ni lo e.
Sangpuii Pu
————
Tuikuk chungchanga NGO Co-ordination Committee hmalakna hi a fakawm thlawt e. Chutihrualin chhim lama Chakma MLA Candidate-a dah loh tih hi chu a fuh ber lo mai thei a ni. A chhan chu, chuhpuitu awm lova Chakma MLA independent-a tlin tirna a ni dawn tlat.
7005811526
————
Kan MPF zahawm tak ten Aizawl constituency pakhat chauha Joint Platform an buatsaih hi a ropuiin kan khawp kham lo khawp mai. District capital tinah hian ti thei se a va lawmawm dawn em. An tih theih loh chuan kan ram, District leh khawtlang tana mi \ha tur hi kan hre thei dawn lo tlat mai.
Peka pu
———–
Hruaitu chapo tak, induh tak, dawtsawi hmang tak, ram mipui tana hnathawh sawi tlak nei mang lo, eiruk erawh thiam tak nia hriatte hi chuan Mizoram hi hruai tawh lo sela a \ha ber mai.
Citizen
————-
Party hrang hrangte dawta inpuhna a tam chho leh ta. A nihna takah chuan Congress sorkar chimawm leh ninawm lutuk, hleih nei taka kum 10 lai rorel, lal chhungkaw politics tenawm lutuk leh zu zuar, Kohhran mite hmusit leh engahmaha ngai lo, development leh kawngpui siamna tur sum ei zo vek, corruption nasa lutuk hi a ninawm tawh em a, chunglam khian Zoram mipuite rilruah hnathawkin party lian ber Mizo hnam party, MNF hmangin mualpho takin tun inthlanah hian a hnawl dawn niin a lang a ni. Congress sorkarah chuan kan dam zo lo a nih hi maw. A malin chak takin tuma puihna tel miah lovin Pathian zarah kan ram leh hnam dam nan MNF a sorkar ngei dawn a ni.
Lawngtlai pa
————
Hnam hnatlangah khan Pu Zoramthanga hmel hmuh ka lo inbeisei tehlul nen a reh vang vang mai a, zin bo pawh nise lo tlan haw nal nalna tham a nia. Nationalist party awmchhun inti an ni a, hnatlang ve ngei ngei chi a ni a sin le.
7005678161
————-
ZPM hian MLA hi a nei ve ting tang anga, inthlan zawh meuh chuan BJP hian eng tin tin emaw a lei lut mai ang tih a va hlauhawm si ve aw. Anti-defection Law-in a phuar ve dawn si lo va.
8575660155
————-
