February ni 25 khan Assembly House-a budget pharh hnuah Tourism tan cheng vbc 1,000 leh department dang tan vbc 4,000 min pe a tih vang a niang sum lama harsatna an sawi ngai tlat loh ni. Mahse, a Deputy CM enkawl PHE officer te chuan pipe hui thlak nan mipui sum an dil tlat. Khawi ramah mah hetiang infrastructure tan direct-in mipui hnenah kut an dawh ngai lo.
ZPM Pavalai
87946 59715
Pu Zonet tunlai hri hlauhawm Covid-19 chungchang kan mithiam, Doctor te leh mi thil hre zawkte sawi, TV-a inkawmhonaah kan hre hnem ta viaua, a vei tawh dam leh te hian a kai nawn leh theih leh theih loh chungchang lam hi sawi a awm lova, eng nge a awmzia? A hlauhawm dan a la inang tlang vek tho tihna em ni aw? Kan mithiamte Zonet Fakselna kaltlangin ka rawn zawt che u a ni e.
Lianhnuna
6909 715 764
Mizoram chu duh aiin kan inthlahdah hma. Chhunah pawn chhuak leh motor jam thei khawpin pawn chhuak kan tam. He hri hlauhawm hi kan cho zawk emaw tih mai tur. Sorkar hi strick leh se hun khirh kan tawh hma hian. Doctor ngei te pawhin ” Kan cho lo” an tih tawh chuan fimkhur a ngai hle. Tin, ramria duty te hi an khawngaihthlak lutuk, sorkar hian ei leh in bakah thuam \ha tak pe teh se, an khawngaihthlak em mai.
Aizawl Nu
96129 07066
Ruatruata Pa khan Congress MLA lemchan kha tawp tawh rawh se a tih kha ngaihthlak a va hrehawm ve. I Congress lo a ni tih chiang takin a lang. I ngaihdan i sawi a nih paw’n midang tan ngaihthlak hrehawm zawng hi chuan \awng lo hram hram ila a va \ha ve. Sorkar a thlawp thu a sawi kan hriaa, hetiang em ema hneh deuh maia i’n sawi hi chu ram hlui zia a ni e. Tun angah chuan mimal hi chu i insawi vak vak lo ang u.
Pakima, ITI
70054 47128
Covid-19-a vanga inkharkhip hun a zawh a sorkarin len chhuah, inkhawm leh adt. a theih tawh e a tih hunah leng chhuak leh inkhawm tur kan awm tawh lo palh mai ang tih a hlauhawm em mai. Chuvangin sorkar leh mithiamte thu awih/zawm hi kan tih ngei ngei tur a ni e.
|hahnemngaia, Venglai
98629 42144
Central-in inkharkhip chhung (June thla thleng) Document tifel lote ngaihhnathiamna neih tur a tih laia Transports Dept. in late fee an chawitir zel an tih hi a va mak awm ve! Pek duh loh vang ni lova inkharkhip avanga pe thei lo na na na han chawitir tlat mai chu. Transport Minister hian hma la vat se a va \ha awm ve aw.
Thlirtu
96122 96526
Ramri venga Mizote virus laka min hum tumtute, riahna mumal leh nuam lo pawh sawi lova thosi kara an Mizopuite himna atana an inpekna hi an fakawma, an chhuanawm takzet. Pu Lalnun\awma ten duty-te an han kawm kualnaa sorkar laka an lawmthute an han sawi ve a, sorkar lam hotuten an tlawh \uma petrol manah Rs.6,000/ min pe tia lawmthu an han sawite kha tlawmngai kal khawm tih takah an lawmna te kha a te hle-in a hria a, lungte pawh an ti chhe lek lek zawk a ni. Sorkar hian kan hriat loh hian ramria duty te hnenah \anpuina tam tham tak chu an seng ang tih chu a rinawm a, chutihrual chuan an ni hi kan himna leh him lohna hriltu ber an nih avangin CM relief fund tling khawm a\angte hian hmun 4/1 tal hi chu anmahni enkawl nan mai bakah an nupui fanaute tan hian dah sak thei sela a va lawmawm lehzual dawn em!
Pa Mawitea
98623 44897
Motor chuan man (fare) bawk sawi leh ang. Sumo hi khaw kar kawnga tlan an ni a, dan pangngai chuan mi 10 chuan theihna a ni a, tunlai boruak avangin mi 5 an chuang thei. Kar hmasa khan ka \hian pizawn Aizawl a\angin Lawngtlaiah an haw dawn a, ticket man ka zawt a, a leta an kal tur thu a sawi. Heti em em tur hi niin a lang lo va, khaw kar kawnga Sumo tlan \hin ho hi kal lam leh haw lam hi engtik lai pawhin mi 10 hi an chuang reng bik lo. Aizawl a\anga Lawngtlai hi ₹ 700 lo ni ta se, tun dinhmunah chuan mi pakhatin-in ₹ 1,400 a chawi a ngai. Heti em em lo deuh hian mi pakhat kal man hi ₹ 1,000 emaw, ₹ 1,100 emaw pawh nise motor neitute hian an \hatpui tho ang. Sumo-a zin \hinte hi mi rethei, motor nei pha lo, in chhungkhur mamawhna a san avanga zin \hin kan nih hi min hriatsak hram teh se. State Transport Authority pawh hian hma la vat teh se. Inkharkhip a zawh hunah chuan a ngaiin a kal leh dawn tho.
Johan Lalrinawma pu, Saron veng
94363 92544
Covid-19 hripui buaiin Zoram pawh kan hmanhlel ta hle mai. Hnam tlemte kan ni a, kan ram intodelh lohna lam chu sawi loha leng a ni a, kan fimkhur loh chuan kan hnam tan chuan pul hri hlauhawm tak a ni dawn a ni. Kan fimkhur ngaihna lai hi sawi a tam viau tawh a, kan dinhmun pawh tun dinhmunah chuan a la pangngai viau rih mai. Amaherawhchu, phai a\anga Mizo lo haw tur mawlh mai hi veiawm tak an ni. An awmna state-ah awm reng se kan ti mai thei, mahse eng chen nge ni dawn tih hriat a nih loh mai bakah hun khirh a lo thlen chuan mahni ram leh chenna ram chu ngaih a na a, an thlamuanna hmun ber pan an nih viau avangin tuman dem ngawt lo ila a \ha awm e. A tuartu dinhmun lamah inchan fo a \ha awm asin. Chutihrual chuan kan lo dawnsawn danah kan fimkhur viau a ngai a, mi 8,000 chuang mah an nih avangin inthlahdah a thiang hauh lo tih hi sorkar lam pawh hian an hre ngei mai. Quarantine pawh an uluk a \ul, Home Quarantine leh Hotel remchang tih vel hi chu a fuh lo deuh lo maw tih chu rilru lian tak a ni. Uluk tak maia chhungte laka invawn up reng chu khawngaihna avangin a har deuh thei, chuvangin engemaw palh thila kai palh a hlauhawm em avangin sorkar hmun siamah chauh inkhung hi kei him ka la ti fan mai. Ram himna hi kan inthlahdah leh dah lohah a innghah miau avangin uluk taka a bika sorkarin a siamah ngei hian Quarantine hi kalpui ni ngei teh se. Sikul building hman sen loh a awm a, tun angah tumah class an kal chuang lo va, hmun hma siam belh kawngah harsatna a awm chu ka ring hauh lo a ni tih thu hi uar takin ka rawn ham ri ve duh a ni e.
Serlui Pachuau
87874 87887
Covid-19 hian min va chawk buai tak em. Taxi, City bus, two wheeler taxi, sumo adt. tlan kan phal a nih rau rau chuan a leng tawk (capacity) chanve chauh phur phalsak tih hi ennawn leh a \ha. Two wheeler hi tlan phal a nih si chuan a khalhtu leh a mi phurh insi renga chuan a \ul. Chuvangin, taxi, sumo, city bus te hi a seat leng tawk hi phurh phalsak ni se, city bus-a din hung ang kha khap ni se, hmaituam erawh uluk taka tih ni se. City bus, sumo leh taxi seat chanve tih hi chu a fuh lo, chuan man san phalsak an ni bawk si lo. Hlawkna a awm lo; thuneituten ennawn leh teh u.
Coronavirus vei awm lohna ramah Pathianin min siam a, fimkhur tak sia nunphung zalen deuh zawka kal dan kan ngaihtuah a \ul hle mai.
RK Sanga
94361 90314
Sumdawngte GST file vat vat turin a nawr a, sorkar hnathawkte hlawh a lo it em em bawk a, sum kaihhnawih dept head te lu a tihai hle a ni an ti.
87946 03279
Hripui laka inven nan ‘fimkhur hun lai tak’ tih hi a va pawimawh em. Ram chhunga awmte hi him thawkhatah inngai ta ila, hnam dang leh Mizo tangkhang lo lut zawng zawng lo hriat veka an fihlimna enchian hmasak vek hi tih makmawh a ni. Nimin ni khat chhung khan India-ah mi 2,000 chuang leh USA-ah mi 20,000 chuang vei thar an awm a, hetianga darh chak a nih chuan Mizoramah kar 2/1 chhungin kan vaiin kan kai vek thei tihna a ni. Motor bungraw phur lo lut te laka him thuah leh dan siam tawhte ‘strict’ lehzuala kenkawh thuah thuneituten ngaihtuahna fim hmang vat se, mipui chuan kan thlawp zel ang. Mizote hi thuawih thei tak ni mah ila, kan innelin kan del dul riau. Hruaitute kutah thui tak a innghat a ni.
97743 77231
Ramri vengtute i duat ang u. Keini hi chu semi lockdown kan ni a, kan zalen. Ramri veng duty-te hi an duty ai duty chhawk ngawt dawn ila, anmahni tlukin an duty-na ram leh zeizia kan hre dawn si lo va, sum leh eitur lamah \anpui mai ila a \ha ngawt ang. Tin, kan nulate meuh pawh ramria an duty lai hian zu leh ruihhlo ngaite pawhin kan ram tan i sim ang u. Keipawh sahdah ka hmuam tawh lo ang.
Mr. Mipui
98623 61451
Covid-19 vangin ram pum kan buai a, Mizoramah ngei pawh eizawnna lamah pawh harsat phah kan awm nual ta. Pu Rama’n sum tamna a hriat, tui hna thal kang sen loh a tam vanga amah pawhin a awih loh hial kha tunah hian a hman theih tawh lo’m ni? Mi tlawmngaiten sum tam tak an thawh tawh sia. A mumang a sawi a nih loh chuan hmui ngawt zawng a innghahna tlak loh em mai.
Hluhlui pu, Thingdawl Thlanmual veng
8730841016
|am kum atan sum lo dah \hat hi a sual em ni le? Josepha ang khan fing taka sum leh a theih apiang lo ngaihtuah a, buhzema lo chhun khawl a ni mai a, lo buaia, sum lo venpui vak hi buana hmaa lo kherh vak hi mi chak lote zia niin ka hria. Ngaihtuahtuten an ngaihtuah hi ring tawk mai ila.
Jonathana pi
9612131627
Myanmar a\anga bungraw lo kal \hin kha inkharkhip hnu hian a lo kal belh miah lo va, a lo thleng sa hlir kha tuna kan rin mek hi niin a lang a, chuti ni si engtizia nge a to tak em em le? Kan sumdawngte hi an rinawm lo khawp mai tih hi a lang reng. Miin Pathian a \ih loh chuan dawt hmangin a ti to reng dawn a nih chu. Midangte harsatna ngaihtuah lek lova mahni inhaivurtute chuan zah nachang inhre mawlh rawh se.
Zonuni Champhai
7085491566
Phut let leh beisei nei rana thil tih hi tlawmngaihna a ni ngai reng reng lo. A phute hnena an mamawh tihsak chu a bata bat a ni ngei mai. Ramri vengtute an fakawm thlawt. Chutihrual chuan an châkna a chhuah tawha engmah pawisak nei lo, zan khaw tai rekah pawh ram palailenga kea thui tak kal peih tur tih hriatte ven hneh an har khawp ang. Anni ho hi engtin emaw tak tih dan ngaihtuah vat a nih loh chuan kan rama hri rawn pu luta tidarh vaktu an ni ngei ngei dawn tih a chiang em em a ni.
Mi zawng zawng Putea
8413024376
Covid-19 vanga Zoram mipui kan buai em em laia ZPM MLA Pu Lalduhoma’n sorkar hmalak dan tur thil \ha tak tak, rilru puitling taka a lo finchhuahpui \hin leh party hrang hrangte pawh an fakawm \hin hle laia Congress Leader, Pu Zodintluanga’n Rulin ka mei rap se ka chuk ang ti ang hrima Party ham\hatna tur lam a lo buaipui \hin hi pawi kan ti a, tin, Chakma \henkhat hri venna kawnga Mizo mipuite min thawhpui thei lo, hnam thila buai em em ringawtte hi Mizoramin mamawhna a nei lo a ni tih inhria se, an ramah min lo haw san hrih mai se tiin Fakselna kaltlangin kan ngen nghal bawk a ni e.
Tlabung Uitangrual
9862014844
Khawpui leh khaw kar kawng siam\hat ngaihna hre lo, sorkar hnathawkte hlawh za zela cheng 10 tum ve tur chu, pek loh vanga hlawh rei tak tak pe thei lo sorkar khan tunah hian min la hruai se eng ang tak ni ang i maw? Ngaihtuah ngam pawh a ni lo ve.
Thlirtu
8729984567
Pu Zonet, Fakselna kaltlangin kan mirilte thu sawi fo, sorkar hnathawkte hlawh cut chungchang hi keipawh ngaihtuah ngun ngai hle-in ka hre ve a. Sumdawng lian a\anga a te ber thlenga sorkar hnathawkte hlawh thlir ran chunga thil man tih san \hin a ni a, kan hun tawnin zir se chuan a tam emaw, a tlem emaw a pun hun chho tur a ni a, mahse, pung lovin cut a lo ni dawn zawk ta sia. Mipui mimirin thla tharah chumi khami tia kan hmathlir \hin khan eng teh ual a ang thei dawn ta lo a nih hmel. Kan hun tawnah a bikin ei leh in lam rate pawh awm fumfe theih lohna, hmun \henkhatah phei chuan inkharkhip hmaa anhnah tel a let thawka a to tawhnaah hian sorkar hian kan MLA zahawm tak Pu Lalduhoma sawi ang khan sorkar hnathawkte hlawh cut lovin sorkar a kal theih hmel hle a, hei hi chu kan sorkar hian thlir nawn leh se a van duhawm em.
No. thup
9862013837
Sorkar fawng vuantu lam hi chuan fak leh sawisel hi an dawlin tuang an tichhah \hin hi a ni ngai a. Tun kan sorkar hrawn lai hi chuan media kaltlanga eptu pawl zawkte remchang vak loh leh uchuak tak taka an beihna hmuh tur atam zawk mah a; a sorkar fawng vuantu ber zia lo hle-in ka lo hre ve deuh.
No. thup
8413032247
Sorkar chuan a hriat leh theih ang tawka ngaihtuahna hmangin HRIPUI laka kan him nan hma a la takzet a ni tih kan hmu tlang reng a, an rilru leh taksa hah ve tur zia pawh a rin hriat theih. Ram chhan tura ramri kiltina rammu kan pasal\hate leh tih theih engemaw tal ka nei ve mahna tia penchhuak nula leh nute leh force hrang hrangte hian thla in timuang takzet a ni. Lalpa’n chakna, finna leh remhriatna pe zel che u rawh se. Chutihlaiin an ven mipuite inthlahdah taka kan lo awm chuan ram \henkhat TSUNAMI rapthlak takin a nuai ang maiin he COVID hri hian min r<n hnuhnawh vak thei reng a ni tih i hre mawlh teh ang u. Kan lo inhmakhuana kan thlai leh buh chinte hi sengtu tur leh eitu tur awm lovin an rah thlawn \euh thei dawn tlat. I thlamuang satliah ngawt lo teh ang khai.
Amos-a pu, KLK
