Tuna kan buaina hi Mizo mipuite harh chhuah nan i hmang ang u. Tuna kan buaina avanga rilru na, hnam rilru pu zawng zawngte hian tuna kan rik luih luih hi a tawp na ni lo se, vote kan thlak hunah ramri humhalh ngam sawrkar kan siam a ngai. Tuna rilru na leh thinrimte hian a ngai bawk sawrkar tura vote kan thlak leh a nih chuan tuna kan buaina hian engtikah mah tawp hun a neih ka ring lo.
9862334458
—————-
Thingtlang pa thingzai chhuhsak tura sipai batallion khat tir a, Mizo zirlaite vaw hreh lo, pickup driver kutthlaka, FIR thehluh hleih theih lote, Sumo driver thil tar chhete vanga driving liscense hrensak hreh lo, kan Mizopuite ram chhan tuma vai sipaiin tiang leh silai hmanga thisen min chhuah laia ngawi leh tlat Congress sawrkar hi kan Zoram tan chuan mangchhia mai a ni. Inthlan leh peka an tling leh a nih chuan kan Zoram chu thim thuah thum an sawi ang vel hi a nih ka ring. Zoram harh rawh, Zoram hmangaiha chhanhim thei tur rilru fim tak puin vote i thlak tawh u. Kan party kan tih chhung chu kan ram hi a kal dik thei dawn lo a ni.
8575709227
—————–
Ramri buai chungchangah chuan hmanraw nei ve lo tan chuan zuk kal leh \hin hian awmzia a nei thei dawn lova, anni silai nen an inral ring ut mai si a, zuk kal hian kan na tam mai mai lo’ng maw? Kan tih tur chu kan thlan lal ten hma an hruai anga, an hnungah mipuiten kan zui tur a ni a, sorkar hmanraw nei ber hi kawng tinrengah a chet phawt loh chuan awmzia kan nei thei dawn tak tak lo. Tin, buaina kan neih hi buaina awm lovin state leh state high level-a inbiak rem theih reng niin a lang a, inbiak rem theih a nih loh chuan thu dang, a pawimawh ber chu kan sawrkar hma min hruai sak tura kan ngen chhuah hi a ngai a ni. Heti khawpa kan buai tawh pawha sorkar kan la ngen chhuak thei lo a nih chuan ram leh hnam hmangaihtu an ni thei dawn em ni? Mahni ram leh hnam pawh humhalh thei lo sorkar kan nei a ni mai a, ram hruaitu mi dik leh huaisen, thutak nuna ram kaihruai theitu kan mamawh takzet a ni.
9612238063
—————
Zirlai huaisen, ram chhana thisen sengtute u ka va han ngaisang che u em. Zam lovin kal zel rawh u. In thisen chhuakte a thlawnin a luang lo, inhnungah ram mipuite kan rawn ding zel tih lo hria-in kal zel ang che u. In lamah Lalpa mit a fu e. Zoram \ang fan fan.
8414095109
—————
Tunlai kan Zoram chu Israel-te lal Jeroboama hunlaite pawh a ang rum rum a lawm le.
8787399142
—————-
Ramri chungchangah hian MNF hian engnge tih tur leh sawi tur an la neih ve? Brig. T. Sailo khan Pu Laldeng, thil tifel hmasa lovin silai tung suh a ti lo em ni?
LC Renthlei
—————
Ram humhalh nana MZP-te hmalakna a fakawm. Congress Party OB meeting-in kan ram inches khat pawh hloh lo tura hmalak an rel hi a lawmawm lehzual. Politics-a hlawkpui tuma MNF lo phe ve sek hi an hneawm. Kum 2007-a Vairengte daia MZP Zorûn sak, Mizoram Police-te vuak \hiah tirtute kha mipuiin kan hria che u.
Lalchhuana Renthlei
—————
Assam Police-te chu kan mawza manto kha bun ila, zuk pet thlawrh thlawrh ila a ni mai lawm.
Mawza nei \haa
————–
E..heu a va mak thei ve aw. Kan sorkar hian heti khawp hian mipui leh kan ram an tichhe nasa a, \ha ber anga sawi fo hi engnge a chhan? Zu zuarte, ring lo mite pathian hmaa inthawite, field pavillion rem chim te, building sak chhe lutuk te, NLUP sem te, Lei dawh chim vawi ruk lai te, develop tlem lutuk te etc. Ka tarlan a\ang ngawt pawh khian fak tur a ni dawn em ni?
Vawrsela pa
—————
Pu Hawla sorkarna hnuaiah hian Mizoram Police-te hi an Mizopuite chungah an intipa em em a. Amaherawhchu, Assam Police erawh an ngam miah lo thung. Kolasib DC leh SP, MZP te \anpui ngam lote pawh an nep zia leh IAS leh IPS officer huaisen an nih loh zia a chiang hle!
The Natives, Mizoram
————–
Kan pute ho in K<t rei lutuk a, ralin Zion an lo thleng dawn a lawm le.
Dindini pu
—————
CM mawl leh chapo, phakar leh kawrap tak nia ngaihin Mizoram min hruai hi chu a pawi tak zet a nih hi. Harhchhuah phah nan hmang thei hlawm tak ang i maw?
Observer
—————
MIZO CHHUNGKAW LEILET RAM HI MIZORAM TA A NI. Tuna Bairabi Zophai hmun khu Assam leh Mizoram ramri tia sawi lovin, “ramri bul emaw, ramri hrul” tiin lam tawh zawk ang u. Mi State ram chuh ang maia kan sawi tawh loh nan thil \ha leh ram tana \ha, hnam tana \ha nia kan hriat chu eng hunah pawh tih a pawi lo. Tuna MZP hna kalpui mek hi Political advantage anga ngai tlattute khan ngaihtuah chiang teh u. He Mizote ram humhalh ngai kan humhalh hi hnam thil a ni e. MZP an ni emaw, midang tu pawl emaw pawh ni sela hnam tana thil ti te hi kan thlawp a ngai. Political Party atchilhna tenawm tak, mit leh benga lo thlirtute tan sim a \ha ang. Hnam thil ngaihtuahtute hmai beng zawnga lo sawi tawh lo hram turin kan inngen e. PH FANAI
—————
Mizoram ramri aia Kolkata-a Building lian tak neih ngai pawimawh zawk CM hausa tawh tak kan duh miau avanga tuar belhchhah zel kan ni hi hriatchhuah phah tawh ila a \ha khawp ang.
Citizen
————-
Kan mi chhuanawm Pu Lalfakzuala’n Mizoram Chief Secretary a nih laia mawlmang lo taka Mizoram chhung ngei Zophaia Police Out Post a lo siam tawh hi tu inti Chief Minister mawl leh ngeiawm takin nge \hiat leh tih hi puanzar ngei ni rawh se.
Zopa
————–
Tukin Vanglaini chanchinbu chu a va han update lo tak em! Zophai chungchang ziahna thu un pui pui kan chhiar ang chu tih nak alaia chhiar tur zu awm hauh lova!
8014499153
—————-
Tuna kan buaina hi han thlir chiang ila, RAMRI buai pawh a ni hleinem maw le! Mizoram chhungah kan CM hlui pu Ch. Chhunga leilet hmunah MZP-in chet an la a ni mai a. Kan ram hi Silchar hian min rawn chuh ni maiin a va lang ve. Kan sorkar pawh hi a rang a rang a Silchar-a sorkar hruaitute biak vat chi a va ni em. Kan ram a ni an ti ve tlat a nih chuan ram chhanin kan indo mai ang chu. Kan Police-te zu vanga nunna ch^n mai mai lovin, ram chhan nan an inpe ve tawh ang chu. Mahni ram em pawh chhan ngam lo sorkar neih hi Mizo mipuite hian kan hlau khawp mai.
RK Sanga
————–
Tun \um kan MZP hruaitute chu an huaisen e! An term tawpah pawh Congress-ah chuan an inpe ve lo turah ngai phawt mai ang.
SANGA
————–
Zion Street chhuk thlaah hian AMC bawlhhlawh bawm pakhat mah a awm lo maw le? Mihring kal tamna lai tak a ni sia.
Mr. CATS
—————
