Electric bill hi \henkhatten electric thuk an hman pawhin cheng sawmnga chauhte an chawi leh si a, dik taka electric hmang te leh tlema han khawsa thei deuh te bill hi a tam leh hle si a, hman dan inang deuh rengah pawh hian a intam hleih lutuk \hin hi chu thil fel lo engemaw chu a awm ngei a rinawm.
9612238063
————-
Hotu inti LAL tak te hian anmahni tlawntute fak derna dawt muhlum an lem fuh a zarah HRUAITU ROPUI TAK ni hian an inngai tlat \hin pek a. A pawi em em mai a ni. Mahni nihna lopui nia inngaih tlat hi chuan eng hna mah hi a thawh \hat theih loh. Inti LAL pui pui kan lo hrawn tawhte a\ang ngawt pawh hian a chiang em em mai a ni. Mi rethei eichawp dap tak meuh kan nih hlawm avang hian dawt tinreng hmanga hnuhkawi theihah min hmu zo tawh a. Tuna lal mekten Rs. 1,00,000/-ah min hlawhchhampui zo chauha. Rs.3,00,000/- lai maia rinna nghah \hat leh han tum leh beu mai chuh. Sawhthing kg 1 Rs. 50/-a leisak tura inthlemna pawh hi keichu ka ring hlawl lo. Han lal ve chiah se, lei mai a harsat rih thuin a nia kum nga chhung teh tlawng kan inhrawn leh pek ang. Chuvangin i duh duh kha lo vote ve mai rawh unau.
Tlangvala
————-
ZONET ti hlutu pakhat chu FAKSELNA hi a ni. Nizana Fakselna hun chiaha en tur an awm lo ringawt mai kha chu a ho ngawt mai. Mipuiten kan fak duh kan fak a, kan sel duh kan selna, kan vei zawng kan puan chhuahna, thil ning khawng kan hriatna hnar a ni. Dawt muhlum hi chu thawh lo ila, dikna kawngah erawh huaisen tlang thung ila.
RK Sanga
————-
Sangpuii pa khan ZPM-in MLA pakhat tal an neih theih nan nang leh i chhungte zawng zawng khan inawmna bialah \an lo la ve ula a va \ha dawn ve. Hetiang rilru input \hin avangin a lawm kan nin em em te hi kan thlan leh \hin ni. Kumin chu ram mipuite hi ZPM candidate te tlin tir ngei turin i harh mawlh teh ang u.
9862322234
————-
Chanchinthara Home Minister Pu Zira khan, “Thil harsat zia hre si lova, thiam taka mite sawichhiat vak vak ching” tia a sawi kha Congress sorkarna hnuaiah hian lei chim, hnatlang, thla 10 dawn hlawh la lo, zirtirtu ban, zu vanga thi, gas harsa, buhfai chhia, thil man sang uchuak lutukte leh dangtea \anin, party sorkar tawh zinga engkimah a chhe lama a ber an ni chung pawha insiam\hat tum si lo, sawisel duh bawk si lo, lalna chan hnuah chauh Saipui kallai bauh din theih loh, inthlan dawna |huro anga nunnem nih leh mai hi CM leh Pu Zira te hian a thil tum ni berin a lang.
Tlabung Uitangrual
————-
Zu hi a induhte tana zawrh a ni. Phalna nei lova zuarte pawh hian zu induhte lei atan an zuar a ni. Permit neia zuarte pawhin zu in \hinte lei atan an zuar bawk. MLPC Act \hat lohna ber chu zu check \hin YMA, VDP, JAC etc. te kut a ti chawl hi a ni.
|hakimi pa
————-
Two Wheeler khawlaia tlan bengchheng lutuk check ngam SP hmalakna chu a va lawmawm em! Kawngpui bula awm tan a ziaawm ta hle. Dan kengkawh ngam chu chawimawi tur.
Lawma
————-
Ram leh hnam hmangaih vangin Pu Hawla’n CM post a kian a, hnam sipaite an lo haw a, mahse, kum sawm thum a vei meuh chuan kan fak leh duh lem lo. Pu Rama leh a hote phei chuan remna chungchang an sawina apiangah Pu Hawla hming sawi hi an hreh hle niin a lang. Mahse, Pu Hawla inpekna hi a hlu a, chung lam pawhin mal a sawm a ni ang. A lal leh mai \hin.
VL Ruata
————-
ZPM hian mi leh sa ngah lo angin lang mah se, mahni party chhuahsan kher lova, a ruka vote tum an tam hmel hlein ka hria. Hetiang a nih chuan sorkarna pawh an chang mai thei.
Lalrinfela
————-
Khawnvartui Retailer rate liter khat Rs. 80/- hi a va to ta em.
Berbera Pu
————-
Congress chu ka ni lo nain, Pu Zira’n tunlaia party thar din ho a hmuh dan hi a dik viauin ka hria. Mahni hmasial tak, \awngkam thiam si, veng chhunga tuma rawn hlawh lem lo, mahni ngaiha intifing ho a tih hi an tam ka ring tlat.
7005873180
————-
Fakselna ka lo thlir hian ZPM hian beih a tawk nasa hle mai a. Chuta \ang chuan ngaihdan thar ka nei ta a. ZPM hi a \hang nasa a nih dawn hi, huphurhawm a tling ta a nih ngei dawn hi ka ti a. MNF ka ni \hin naa, ZPM lam hawi ve ka tum ta.
Thlirtu
————-
NEC 67th Plenary Session-ah chuan kan Governor leh Chief Minister-te thusawi han ziah lan tlâk a awm ve lo em ni? Vanglaini-ah a va lang lo ve.
Lalzabiaka, Chanmari, Aizawl
————-
Mizoram chhunga hnam bil ro inrelna Mizoram sorkar siam, Chakma, Mara leh Lai te kalphung Mizo hnam inpumkhatna \ha lo tak siamtu kan duh tawh loh vei nen tunah hnam bil rorelna hran Sinlung Hills Council siam zui leh a ni. Heti hian Mizoram chu chhim lam leh chhim thlang lam zawng chu Hnam bil ta a lo ni tawh a. Mizoram hmar lam pawh hnam bil tan \hendarh a lo ni leh ta. Hmar chhak lam pawh hi hnam bil area ni tura buaipui leh mek a ni. Mizoram zimte hi Manipur tlangram angin, “Nang i hmunah, kei ka hmunah” kan ti ve ta der mai. Mizo hnam humhalhtu inti te khawiah nge an awm tak? Hetiang hi em ni ‘ram leh hnam humhalh’ kan tih chu? A chhang eitute doral an chang zo ta a ni ber zawk lo maw?
PH FANAI
————-
Tukin Vanglainia uivulh chungchang rawn ziah angin mi \henkhatin duat tak leh fai tak, in lengte tan pawha hnawksak lova ui an vulh laiin \henkhat chu uluk lo deuh, an ina luh hrehawm khawpa vulh an awm a. An in luh ruala hing leh thang huam, enkawl \hat loh tih hriat rengnaah chuan len luh pawh a chakawm loh. Chutih ruala min lo hnim thut thut mai phei chu luakte pawh an ti chhuak. Tin, mi in bul leh compound chhunga an zun leh ek te hi a rimchhiain tenawm tak a ni. Uluk tak leh fai taka enkawl peih lo tan chuan ui vulh hi intihhmuh mai mai chi a ni lo tih hi i hre tlang ang u.
Puii Pa, Aizawl
————-
ZONET pute u, kan channel hrang hrangte leh programme te pawh a \ha e. Mahse volume ber mai hi a control theih em aw! Chanchin thar, fakna, zai rimawi leh inkawmnaah te hian ring thut thut hi awm lo se a va duhawm tak em! Ring thut thut \hin hi ngaihthlak a hrehawm \hin em mai. Control a theih hlauh a nih chuan ka lawm khawp ang.
C. Lalnunmawia
————-
Tualpui khua bawlhhlawh paihnaah sawhthing chawhsa a hralhna awm loh vanga an paih hnur mai han hmuh hian a chingtute inva khawngaihthlak tak em. ZPM sorkar hi kuthnathawktuten an nghakhlel hle mai. Lo lungphang suh u kuthnathawktute u, nangmahni hruaichhuak turin ZPM a lo kal mek e, hlim takin lo hmuak rawh u.
Hruaia
————-
Rawtuai/mautuai a lo thar leh ta. Rawtuai bai hi chu a tui ve khawp mai. Mahse heti reng renga mau-rua \hanglian tur kan ei zawh zel chuan kan va la buai mai awm em! Rentin daih kan maute hi khuahkhirh deuh a \ul lo maw? Hetianga mau \hanglian tur kan lawk thlu zel dawn a nih chuan mau sah tur pawh a vang tawh teh a nia. Kan sorkar hian engemaw ti zawng talin kawng dap teh se. Nakinah kan la inchhir palh ang e ka ti deuh.
Ramveitua
————–
Kan vengah eirawngbawlna gas bur khat Rs.898/- a ni a, driver-te hian tumah cheng 2 an kir duh lova, bur 250-ah chuan cheng 500 mipui ta an ei ringawt mai hi mipui min rawk a ni. Thuneitu lam hian enfiah thei se a van \ha dawn em.
9862117705
————-
World Cup third place inchuh inkhelh hun hi Ruata of Zonet hian Ningani zan a ti mawlh mai a, Inrinni zan niin fixture-ah hian a lang si a, Ruata hian ngaihdam dil se a \ha ang.
Teffany
————-
