Vodafone Company hi chu aw a va nawi deuh ve. Company call ninawm deuh deuhin ni tin min call ziah mai. Bakah kan subscribe loh pui pui, anmahniin min lo phuah chawpsak \hin a, ninawm tak a ni. Kan balance te an lo cut \hin hi chu na tak a ni. Nimin lamah pawh lifestyle pack i subscribe e tiin Rs.50/- vel ka balance an lo ru. Hetiang dawt phuahchawp hmanga rukruk ching company hi chu ka hmang rei tawh lo khawp ang.
Vodafone ninga
————–
Missionary Day vawi 124-na, ni 11.1.2018-a VANGLAINI chanchinbu chu rin a ang lo deuh mang e.
Kan ram Daily chanchinbu darh zau ve ber chuan Kristian ram kan nih anga Missionary Day sorkar pawhin Holiday-a a puan meuh chu Headline-ah a hmang lo chiang hle mai.
Pu Sapdanga ka hmuh dan a danglam chiang hle.
Thlirtua
———-
Selna thu hlir deuh thaw ngaihthlak zan tin mai hi a khamawm lek lek \hin. Mahse, sel ngai hi kan lo hre hnem em a lo nih hlawm hi!
Mesaka Putea
————-
Chhiah i la tawh ang u. Sawrkar hnathawk, Rs. 20,000/- a\anga nuai chuang laah Rs. 2,500/- chauh lak a ni a, a va fuh lo em. Tunah hlawh san an han phut lehnghal pang a. Kan ram sum dinhmun hre chiang ber ber tute ni si hian ram hmangaihna an va nei lo em. Vawi khat lek CM nih ve ka va chak. Chutah, Party ho lah hian mipui bum nan SEM POLICY an han inzuar zel a, tuna party lian teah hian rinna ka nghat thei lo kei chuan. Ngaihtuah chiang mang hlei lova hetianga kan ti leh ringawt \hin hi sim a hun ta hle mai. Mipuite u, sem policy tawktarhtute hi min tithatchhetu tih i hria ang u. Sem mai mai lo it duhtu em ni i nih, in en chiang la, i lo dawng a nih chuan zak rawh. Hetiang i lo dawng a nih chuan an thuhnuai nghal che a, engmah i sawisel ngam lo nghal tihna a ni. An thuhnuai nghal che. Kuminah kan inthlang dawn, he kan chenna neih chhun hi a chhiat zel i phal dawn em? I VOTE leh i rilru \hatna hmang khan ZORAM siam \ha rawh aw.
8787895828
——————-
Ruihhlo avanga thi tih chanchinbu-a an chhuah hian ‘ruihhlo’ tih ringawt hi chuan a chiang tawh lo. Ruihhlo tih ringawt ai chuan damdawi leh zu avanga thi zat emaw, damdawi vanga thi te hi ti zawk sela, kum 2017 chhung hian zu kaihhnawih avanga thi hi chu a lo berah mi 500 te hi chu an tling awm hle si a.
Pa Mawitea
————–
Fakselna huanga kan thu au chhuahpui hi thu \ha tak tak a tam ve si a, \angkai ve tak maw? Ram leh hnam humhalhna atan ka veizawng ka rawn tarlang ve leh ang e. Tunlai hian thingtlang khaw tam takah thingzai khawlin thing an zai nasa hle mai a, thing zai theih loh tak tak pawh a awm tawh lo a ni ber mai. Hetiang chuan kan ram neih chhun zimte hi kan tichereu vek ang a, sik leh sa, fur leh \hal a danglam ang a, tun ai hian vur a la tla nasa ang a, kan thlaite hian an tuar ang a, khua a vawh leh a vawt lutuk ang a, a lum leh a lum lutuk bawk ang a, chutiang chu ka rin dan a ni e. Tin, hmunphiah hmun leh oil palm hmun siam pawh hi sawi mawi chi-ah ka ngai lo, ram tihchereunaah ka ngai, ka rin thu mah ni se a dik ngei ka ring tlat a ni. Thingzai khawl hi khaw tin hian khap beh theih ni lo mah se, thing lian \ha leh ram ngaw hi chu i humhalh tlat ang u.
SANGA
————
Mihring hi mi \ha leh mi sualin a \hen phawk theih a. Mi \ha kan tih ho hi an ngaihtuahna \ha zawk an nunpui vang a ni a. Mi sual kan tihte pawh an ngaihvahna sual zawk an nunpui vanga sual nih hlawh mai an ni. Tupawh sual thei, \ha theia siam vek kan ni. |hat leh sual hi kan duhthlanna a ni. Tumah kan chhiat \hatah puhmawh tur an awm lo. Mahni duh thlanna dik tak a ni e.
RK Sanga
———-
Pu Hriata Chhangte hian India rama state pachhe ber, thawh chhuah nei lo, khaw kar kawng etc. lah \ha sawi tlak nei lo ni siin zep ruk ngai khawpa CM hausa tawntaw a lo nei reng mai hi mak a ti a, a ram mipui, a Mizo puite min han hrilh hi a huaisenin a ti \ha hle a ni. Fin phah nan kan hman phei chuan a va \ha dawn em!
Zopa
————
Engatinge kan sorkar hian BSP University (UP) hnuaia B.Ed degree neite hi a pawm mai loh? A hmain mi engemawzat a lo pawm tawh tho sia. IASE, CTE vel a\anga degree neite nen an danglam chuang bawk si lo. Heng ho hi pawm se mi leh sa engemawzat an siam belh a ni mai dawn bawk si a, inthlan a hnai tawh nen.
Sangtei pa
————–
Khawvel lawm nan a lo kal a, a lo kal lawm nan kan khawvel thung a, kum a thara rilru a thar si lo. Sum vangin uire kan pung a, Kudam a ruak a, dawrkai an muk thung. Kawtthler a zau a, khawthlir a zim si. Incheina tunlai hmangin ngaihtuahna hmanlai kan hmang a. Inserh hranna Pathian biak kan intihhmuh a, rum ru chungin kan nui \hin a nih hi.
8014159218
—————-
A hmingah chuan Maka, Remruattua tih hi a pu zo ngawt asin. Awm \an ni nei lo, a bul leh a tawp, Bethlehema lo piang, damlo ti dama, krossa thia phuma tho leh a mi thianghlimte lawr tura pawh Isua tho a ni dawn.
9612131627
—————-
Khawvel sik leh sa, thlipui leh tuilian, kangmei thlenga extreme ta hi mihring duham uchuakna vanga Pathian pawi kan sawina vang a ni a. Mihring hi hmasawn zel tur kan nih rualin Pathian remtih chin awmte hi ngaihtuah a ngai hle a ni. Mahni nawmsakna leh awlsamna te, sum leh paite kan um luat avangin kan ram zimte pawh hi kan suasam chhe zo ta \ep si a, thildang chu sawi loh, polythene ringawt pawh hian kan ram, mual leh luikawrte a tichhe nasa em em a, a vei ber awm Forest Deptt. lah polypot hmang uar em em an ni bawk si a! Khawvel pum chu sawi loh, kan ram zimte tal chhanhim tur hian polythene, plastic bungraw hrang hrang leh disposable lam reng reng hi hman loh hram dan zir zel teh ang u. Heng hmang lo hian kan felfaiin kan changkang thei a nia.
Puipuii pi
————–
Pension hlawh December thla chu kumin Janaury ni 10 khan kan la chauh mai a, krismas leh kum tharah thawhlawmte leh naupang thawmhnaw thar pawh lei sak thei lovin kan buai hle a, sorkar hian krismas hmain min pe tawh \hin se a lawmawm hle ang. SAMARI MI |HA an ni mai dawn alawm.
9862385339
——————-
|henawm khawveng rel ching ho hi chu mi dik an ni ngai lo. Mi in chhung chanchin hre thei deuhte pawh hi Mizo zia a ni ngai lo. Hetiang ho hi chu hnam dang rim an nam deuh a, hriatthiam ngai chi an ni tlangpui.
No. thup
———–
