Kawng chhawng kan nei dawn hnai ta em ni? Motor kan va nei changkang sawt ve. Nia, kawng chhawnga khalh tur motor chu man to deuh hlek a ngai a niang. Kan ram hruaitute hmasawnna kawng min kawhhmuh hi a va ropui \hin em aw.
LEMMY
70058 35399
Tunlai huna sorkar felfai kan hriat theihna chu langtlang sorkar siam ngam hi an ni a, sorkar chu a langtlang lo a nih chuan mipuiten kan dikna chanvo kan hre thei \hin lo. Chuvang chuan Central-a Congress an sorkar lai khan mipuite dikna chanvo ngaipawimawhin RTI Act te kha an siam ta reng a ni. Pu Hawla sorkar pawh khan zu zuar mahse a langtlang ngam tlat a, zu vanga boral leh drugs vanga boralte chhinchhiah zel an nih kha. Mahse, hei Tlabung Uitangrualte pute chuan langtlang sorkar nih chu an ngaihnat zawng a ni ve lo a nia nge, zu vanga boral zat chhinchhiah loh tur an tih tak kha.
David M Zadeng
98626 72589
An sangawizawnpuiten theihpalingkawhin Delhi UT-ah lal tumin an bei a, sorkar \ha tak mai chelhtu ber Arvind Kejriwal lah mi firfiak (terrorist) an ti thul. CAA dotu nuho lah vuak darh turin an vau thul.
He lam ni se tui leh electric mumal pe thei lovin function hrang hrangah an hawi pir hle a, an thawveng rei em lovang chu. AAP ang sorkar hi Mizo ten kan neih ve nan chuan MNF leh Congress angte hi chuan kan vote an phu lo.
Ramliana
94361 97357
Tuna kan rama sorkarna chang mek Party hian inthlan campaign laia an auhla pui ber “CHHUNGKAW TIN HNENA CHENG NUAI THUM SEM” tih kha engtikah nge an \an dawn le? Tuna kan CM ni mek hi a sawi tamtu kha a ni bawk sia, a bikin thingtlang lam te hian kan nghakhlel teh mai a nia.
Hlimpuii pu
70858 90979
Dt. 11.2.2020 Aizawl Post phek 5-na, “Mizo theologian ropui leh chhuanawm Rev. Dr. K. Thanzauva leh Vanglaini Editor K. Sapdanga te hi chu politics tuinua inhnimphum atan chuan an pamhmai lutuk ka ti a ni” Familia Fanai Laltansanga’n a ti hi ngaihtuah thuak chuan a awm hle a ni. Mahse Mizote hi Kristian kan ni si a, ringlo mi/India ram politics tuinu ni lovin, kan rin Isua duhdanin kan ram hi enkawl leh hruaiin a awm tur a ni a, chutiangin Pathian duhdana kan ram hruai, siam \hat leh enkawl duhtute zingah an ni pahnih khi an tel a ni. Chhungkua siam \ha tur chuan midang ni lovin mahni chhungkua ngeiin kan siam \ha tur a ni a, kan ram siam \ha tur pawhin a siam\hat hna thawk thei tur zinga an tel a ngai tlat a ni. Chuvangin tun hmain kohhran upa leh kohhrana inhmang em em, ram hruai hna an thawhnaah India ram politics tuinua hnim pil bo an lo ni tawh \hin. Anni pahnih khi pil tawhte khai chhuak tur leh tipiltute hruai dik tura an tel leh an insanphek a \ul zawkin, ram hruai hna hi mi pamham, Pathian thu awihlotute thawh tur ni lovin, Pathian thu awihten Pathian duh danin an hruai tur a ni zawk. Ram hi LALPA ta a ni si a. Tin, kei hi engmah thiam nei lo, awm hmuna environmentalist/global warming activist/climate change activist lo ni ve em em ringawt ka nih avangin vawi khat hmana paih mai chi plastic leh polythene tihrem nan leh a la zuar leh hmang ho chawitir zel rawtna hi tih hlawhtlin ngei atan \ha ka ti hle mai. Ramveitu
9089667399
Kumtin kangmei lakah fimkhur turin kan inchah \hin a, kangmei tichhuak lo tur zawngin kan inzirtir hi a hun tawh zawk lo maw? Kangmei laka fimkhur ngawt chu kang a awm tawh chuan fimkhur a har tawh \hin. Tihdam aiin venhim a \angkai zawk. Kangmei tihchhuah loh a him ber zawk.
Mimi Malsawmkimi Ralte Thingdawl
8730841016
KAN HNATHAWH MIN EN ULA, |HA INTIHLOH CHUAN MIN VOTE SUH U tia huaisen taka Campaign ngam, Arvind Kejriwal-a kaihhruai AAP chuan a vawi 3 nan hneh takin India ram khawpui Delhi-ah rorelna chu an chang leh ta.
He pa, ringlo mi anga kan ngaih, kalphung thar hmanga Delhi siam danglamtu Kejriwal hian a chak \hinna nia a sawi chu, “Isuan kawng min kawhhmuh angin ram kan kaihruai” \hin tiin a sawi. Heti taka a ram mipuiten an duh nachhan hi eng dang vang ni lovin, a ram tana \ha tur nia a hriatah chuan dik tak leh taima tak, dawt tel lo, a campaign au hla ang ngeia hna a thawh \hin vang hi a ni.
Amah hi chuan lan ropui viau hi chu a tum hauh lo niin a lang. Muffler-a a lu a tuam kual \hin vanga “Muffler Man” tia a hming an phuah, a office car pawh Santro old model ve mai, Nationalist rilru pu dik tak a ni. Keini ram hruaitu mipuite pawisa budget hmanga mahni hlawh inpun ching, Car manto ber ber nena lan ropui tum, hmasawnna kawngah erawh State rethei ber leh intodelh lo va min chhuahtu, Central lama kut zuk dawh leh \hin te nen hi chuan inang lo tak an nih hmel a ni. Hawh u, mipuite hian kan ram tan hian rualawh nachang i hre ve tawh ang u.
Jonathana Pu
93666 30785
Khawvelin Coronavirus buaipuiin ramri check post an ngaipawimawh hle a, keini ram ve erawh Zokhawthar nena kan inri-na chu Office hour chhung vel lek an duty ve a ni awm e.
Duty loh hun chhung rei takah hian engzat nge rawn lut ang le? Burma ram lah hi he virus chungchangah hian a ngawi hmiah bawk si.
Ngaih a \ha mawlh lo.
LB-a Pa
