Tukin Vanglaini ka chhiar a, Mizo dawrkaiten vai dawr lian, Vishal leh Bazar India-in an dawr a nghawng dan ka hmu a, min \hawng dawt mai. Tunah hian dawrkai tam takin inhralh har an ti tawh tihna a ni a, a bikin Bawngkawna dawrkaite kha an khawngaihthlak hle mai. Tuna a man tlawm kan buaipui hian nakinah chuan Meghalaya-a Maruari hausa ho pawh ram neitu Khasi hovin an ngam tawh loh ang hun hi a thleng ang tih a rinawm a. Tuna Aizawla Vishal leh Bazar India-ah pawh Mizo \halaiten hna kan hmu ti mah se, vai thuhnuaiah dawr an nghak ta tihna a ni, a la pawi dawn khawp mai.
THLIRTU
————-
Pu Hawla kaihhruai Congress sorkar chu a mualpho rem rem ngei mai. Hetianga kawng siam hnatlang hi tu sorkarah mah a la awm ngai lo reng reng.
9612880873
—————-
Lal chak lal nuam ti, khuallian nih thlahlel, thil hawn nuam ti, hnathawh atchilh mang si lote hruaina ramah kan ram hi a luh i hlau ang.
RK Sanga
————
Tunah chuan Zoram chu pan lam neiin a kal ta muah muah mai. Sorkar thar lo piang mai tur \angrual ho hian kan ram chu a chiah hneh hle mai. Congress ni lo, MNF ni lo sorkar-tir hi an tum ta takzet a ang khawp mai. Heng party 2 te hi chu Zoram hian kan lo en chhin tawh a, kal ngaihna an hre ngang tawh lo a nih tih hi mipuite hian kan hre bel hneh hle a nih a rinawm. |angrual sorkartir an tum khawp mai, lo thlir zel phawt mai ang.
9856536040
—————–
YMA hian gas leh thildang buk dik lo hi dap lo ta se, mi hlemhle-te hian mipui hi min tiduhdah nasa lehzual ngawt ang. Heti khawpa an bei chung pawhin heti hi kan ni a.
|antua
———
Mizoram sorkar ding lai hian ram chhung mipuite hi a tithinur kim thawkhat tawh lo maw? Tunah hian eng Pawl leh eng Kohhranten nge Congress sorkar hi duh ngawih ngawih la awm hram ang le?
PH FANAI
————–
Aizawl khawpui motor tawt lutuk avanga thingtlang min nghawng tel zel hi a va \ul lo em! Mahni nawmna ngaihtuaha, Traffic jam tihziaawm nan tia zirna school \an hma avang hian thingtlang lam fate chuan pum na kan vei \anin, kan insawisel chu a nih tawh hi. Nangni, Zawlkhawpui mi hausate chuan in fate zing thawh hlim a\angin Vitamin \ha \ha, a tui tui in ei tir a, nileng pawhin an ril a \am nang. Keini thingtlang fate chuan zing thawh-ah ei tur \ha chu sawi loh, thingpuisen thlum in tur takngial pawh an hmu lova, hma takah chaw an ei thei si lo. School banah te zing chaw an han ei ta \hin a nia, pum chuan \hat leh dam reng ngaihna a awm lo. Zawlkhawpuia chengte kan chan ai tam tak min chhuhsak an tih piah lamah, in nawmsak tum luat avang hian min tuartir tawh lo hram rawh u. Motor intlan chhawk tih velah te hian min telh lo hram ang che u.
RT Khiangte
—————
Aizawl a\ang hian khawi lamah pawh zin leh dawn ila kawng a chhiat em em avangin ka zin loh phah leh ta chu a nia. Hei vang hian kei leh ka chhungte zawngin Congress vote kan tum ta lo.
9862450070
————–
Total Bandh hial buatsaih ngai khawpa Mizoram, kan ram chhunga kawngpui zawng zawng a han chhe ta mai hi chu kan unau Mizoram Congress-te hian engtin tak ngai ve ang che u maw? A lungchhiatthlak in ti ve nge, in la zak lo fo dawn? KHAWTHLANG MIZO
8732079803
—————-
Ration buhfai chhe lutuk hi tu mawhphurhna nge le?
9615833805
—————
Pu Manzuala khan, ‘Mizote hi mi nghet lo kan ni e’ a ti a, a hriat chu a nuam vak lo, mahse a dik si a ni. Upa tak takte pawh hian an nulat tlangval laia an sawi dan an nu leh pa, an pi leh puten eng tin nge an lo sawi pawh an ngaihtuah chuang lo, \hangthar tih ang angin an ti ve tawp mai \hin. Entir nan:- nasa-nasat, lian-len, hniak-hniah etc. Hetiang hian an sawi \hin-Ruah a sur nasa mai, a sur nasat avangin tui a lian. Tui len avangin mi tam tak an buai. Vawk hniak a tam mai, kawngah a hniah chiar dup saw tiin. Hniak-hniah te hi an theihnghilh tawh avangin Vawkhniahzawn, Vawkhniahzawm, Vawkhniakzawn tihah te putar pui pui an inhnial vak vak mai.
8413931575
————–
PWD-te hian kawng hi a chhiat \an tirh hian siam \hin sela kawng hi a ziaawm mai ang. A chhiat nasat hnua siam \hat tum hi a sawt lo.
Malsawma pa
—————
Fakselnaa “Ram hruaitu \ha i thlang ve tawh ang u” ti \hintute hian hruaitu \ha an nihna leh an hming puanzarnate han nei ula. Ram leh hnam tan hian hrehawm engtia nasa nge an lo tuar tawh a, engtiangin nge hma an lo lak tawh a, mi dik leh huaisen, Party-a zuang lawr ve mai mai ngai lo, mi rinawm leh rethei khai chhuah ngaite tana ruahmanna \ha nei an nih leh nih lohte pawh hriat an nih si loh chuan ram hruaitu \ha tih leh ringawt zel mai zawng a famkim lo tlat.
Tlabung Uitangrual
—————-
Thil reng reng hian chhan leh vang a nei vek. |hal tir atang khan PWD hian an theih tawk chuan kawng chu an siamin an hnawh phui ngei alawm, an tih hman loh pawh a tam ang. An tih hman ho pawh tunah chuan a chhe leh tawh. An duhsak zawng tute emaw rora an in-supply tir a, heng an thil inpek ho hi a chhia a ni tih a chiang banga, a kawi nuai mai a nih hi. Kan ramah kawng \ha pui pui tur company lian tak tak kan thawh tira, a enkawltuah PWD kan hmang leh a, an che zia a\angin an zuamawm a ni ang, hna \ha taka thawk duh reng reng an awm lo. Heti taka kan kawng a chhia pawh hi a bul berah chuan PWD mawh liau liau a ni. Kan Chief Minister hian bial tina kawng viltute hi an performance check vek sela, kawng siam tlo lo lutuk ho hi chu TUI THIANGHLIMAH chiah zel sela a zia em em ang.
9436958149
—————
Set top box mawlh mai hi aw! Set top box a nih hma kha a ngaihawm hle mai. Man tlawm zawk bawk si, channel bo/tawp chut chut kha a awm bawk hek lo. Tunah chuan man to bawk, channel nghet lo, mumal bawk lo, hetiang mai mai man pe l^wk a, sang zawka sumdawn hi inbumna a ni mai lo maw? Enge Pu ZONET i ngaihdan? A awm chhun tam tak hi chu BJP channel hlir, a titotute a nih ngat chuan kei chuan Vai channel rang riai ruai ho hi chu a man a tlawm zawkna tur a nih chuan paih vek ka duh e.
|HALAWMA
—————-
India ram changkang leh ropui tawh taka mi ropui tak tak te pawh hian âtna riau kan la nei fo mai hi chu ka veiin ka rilru an va han tina \hin em. India ramah hian bawng a vang ta viau em ni? Bawng talh khap chungchang hi an sawi uar riau mai, bawng hi kan nunna atan a pawimawh a, pathian ang hiala kan zah dawn chuan tui te, boruak te, eng te leh chaw te pawh hi pathian angin zah ila, kan duh dan danin i hmang lovang u. Kan nunna atan an pawimawh \heuh si a, bawng chauh zah bik lovin.
Tlabung aw
—————-
Sesawng meter reader hian ai kal a la a, a MDI Meter reading a la thiam si lova, a peih lo chuan bang mai rawh se. Lehkha thiam an tam.
No. thup
—————-
Mi fingin an fin man an ei seng lo. Mi ^-in an ^t man an chawi seng hek lo. Tun hnaia AMC thil tih atthlak tak hian \ul lovah sum a va kal raltir nasa dawn ve. A chawh chhiat nana rawng man leh chawk chhe tura lirthei kal man leh chawk chhetute hlawh, inrem lehna tura JAC te hun leh sum leh tha sen, a siam\hat leh nana buaipuitute tha sen bakah chumi senso rulh nana AMC/mipui sum \ul lova kal ral tur hi a va turu tham dawn ve.
Puipuii pi
————
Tunlaia thudik tak chu Mizoram inkalpawhna kawng khawi hmun pawh hi a chhe takzet tih hi kan hre tlang e. Heng kan kawng te hi siam a nih loh avanga chhia a ni tih pawh kan chiang tlang leh hle a. Mizoram kawngpui pawimawh reng reng hi kum dang zawng khan eng hunah pawh siam a ni \hin. Kum 2016 leh 2017 hi engvanga kan kawng te hi siam ta lo nge an nih tih hi insawimawi lova, insawifiah turin mipuiin sorkar kan ngen. Tunlaiah kawngpui siam nan hmanrua kan nei \ha tawh a, fur ruahtui tlak laia hman theih pawh a awm vek tawh a. Pawisa lah a awm bawk si. Heti tak maia kan sorkar hruaitute an chak lo mai hi a zahthlak a, an mualpho chiang hle. Ram mipui kan thinrim vek tawh e. Zu zawrh vangin Kohhran, chhiah uchuak vangin lirthei neitute, sum uchuak thilah Kolkata zirlaite, hnam thilah NGOs, heng bakah hian a la tam mai. Hetiang neka Mizoram sorkarin ram a kalpui ta mai hi chu aw!
PH FANAI
—————
Ram chu Lalpa ta a ni a tih ziak a ni a, chu ram Lalpa ta enkawl \ha duh lo kan sorkar mek leh sorkar tawh MNF party hian a mawh an phur ngei ang.
Daniala nu
————-
Champhai kawng chhiatna, Seling a\anga km 90, Khawzawl leh Tuipui inkar kha ka ngaihtuah a, Aizawl leh Champhai inkar hi km 210 a lo tling lo a ni maw Pu ZONET?
8731000950
—————-
Mizoram puma Total Bandh neih tur hi ka thlawp tlat e. An bandh har tawh zawk ngawt alawm. Kan sawrkar rorel dan hi dik thlawt hek lo, mipui hi min pawisa lo lutuk. Kei tak emaw an inti a, lal hrawt dan an thiam ringawt a, mipui min tihlungawi loh chuan inthlan leha tui tla ang maiin an tla bo vang vang mai ang. Chuvang chuan an tih \hin ang kha bansan vat rawh se.
No. thup
————
Mizoram hi Kristian ram tih ngam pawh a ni tawh lo e. Eiru ho tawm khawmna hmun a ni ber mai. Kan Minister-te eiruah kan puh leh ngawt \hin, kum 5 term Minister hlau lo Director level rual engzatnge awm? Kan Officer lian ho hi alawm kan ram, Mizoram, an ram ngei hmelma chu ni. Anni rual ho hian kan ram chu mi duham, misual rual tawm kuka siamtute chu…Aw nang eiru dul kiar, zah tuar huai, nakinah chuan khawiah nge i thlarau a kal ang le? Zakaia ang khan “Lalpa ka eiru a nih chuan a leh liin ka rul ang” i ti ve ngam dawn em le?
Saia Mizo ngat
—————-
Ruahsur avanga kawng chhia chu ni se Assam kawngte khu a chhe nasa awm. Phai lam phei chu kawngpui chu sawi loh an in te pawh a chim pil vek a, an kawng te chu ruahsur vang a nih chuan a chim pil vek si a, tuiin a len bo vek ta ve ang a.
8794746089
—————
Tuichang lei (Kei\um-Khawlailung) Aizawl lam zawk lei leh a inzawmna bul chiah metal chiah hi a khi ruak a, a hlauhawm khawp mai. Motor lian deuh tan chuan fimkhur deuh teh u. Sawrkar lam hian min ngaihtuah ran sak se a va lawmawm dawn em. Tuichangral lam chak lakna ber a ni si a.
RUATSANGA, N.VANLAIPHAI
—————
Pu Hawla hian Brig T.Sailo a tar ^ tawh a tih lai khan Pu |hena kum zat ai khan tunah hian a kum a tam tawh a, ani pawh hi a thusawi hian a luhkhung ve tawh a ni lo maw? Tunah lah “PRISM hian inthlante an chuh ve dawn a nih chuan Mizoram tan an hlauhawm khawp ang. An kalphung a hre chiang pawl ka ni a, eptu lam apiang mi beihna atan pawisa an dil \hin a, kei pawh eptu kan nih laiin min dil a, ka pe lo. Sorkar hnathawkte pawh an dil a, a pe duh lo chu eiruah an puh \hin,” a ti leh ta kuk kuk mai a, a chang leh Camera man tur min dil a ti thul…PRISM hian an sawifiah deuh a ngai a ni.
RUATSANGA RENTHLEI
—————–
