State pakhat sorkar ve riang ruang chuan thuchhuah kan siam danah fimkhur a va \ha em. Mizo mipuite kan chiai nasat \hin zia hre reng chungin thuchhuah hi siam \hin ni rawh se. Hei kan chiai khu leh ruai tawh a nia. Inpuahchah lamah hian chak zawka hmalak \hin ni se, hlawh pun leh ham\hatna lama kan \uan \hat ang chanve tal hian hmalak a va \ha em. Mipui pawh hi kan harh a hun ta. Engemaw hleka phi buai ruai lo hian thil hi i zirchiang hmasa ve \hin ang u. Kan nun leh Krista rilru a inhmeh ang em tih te hi i ngaihtuah hmasa tawh teh ang u. Biak Ina lam mup mup lam ai chuan kan nitin nun leh rilru put hmang hi a pawimawh. Zoram harh lul tawh teh khai.
LEMMY
70058 35399
Nimin lam a\angin eng nge maw avangin buhfai kan inchuh chiam mai a, buhfai hi khawvelah a awm tawh dawn lo va, a la awm chhun hi kan lei zo vek teh ang ti ni awm hrimin kan inchuh luih luih mai a, engvang tak ni maw? Midangte chuan nei lo mahse kan neih chuan a tawk kan ti nge ni, dawr tin deuh thawhah buhfai chu kan inchuh zo duak mai a, eng rilru puin nge he thil hi kan tih? |am kan hlauh vang chu a ni phawt ang a. He thu ka hriata ka rilrua lo lang chu ‘mihring hi chhang chauhin an nung lovang a, Pathian kaa thu tin chhuakin an nung zawk ang,” (Mat. 4:4). Kan pum puarna tur chuan kan che chak viau a, kan nunna tak tak zawk lamah erawh kan tha a zuai hle lawi si. Mihring hi buhfai chauhin a nung lo va, Pathian kaa thu tin chhuakin a nung zawk ang tih hi hre chiang ngat ila chu khati chiam khan ka phi khu chung lovang maw le. Kan phawk lek hma lutuk hi kan rilru ngheh loh zia ti lang chiangtu a ni. Hman deuhah pawh chi a vang dawn an tia, kan buai chuk tawh bawk kha. Kan chet danah hian Lalpaah kan innghat lem lo ni hian a lang fo mai. Buhfai ei tura Lalpan min ti a nih chuan eitur min pe em em ang; ei lo tura min ti a nih chuan zawng zawng mah ila kan hmu chuang lo ang. Chuvangin lo phi buai chuka, a awm awm lo inchuh zawh zel hi a \ul ber lo ve. Sem sem dam dam kan tih \hin kha maw. Buhfai tel lo paw’n Lalpa hian kan nunna chelh dan a hre lutuk ringawt. Kan awmdan tur chu Amahah nghat ila, Amah chu ring ila, Ama’n min ngaihtuah ngei ang. Buhfai kudam khat pawh nei ila a eitu turin thlamuanna Krista kan neih chuang si loh chuan buhfai ngah deuh, thlamuang si lo kan ni ringawt ang a, kan buhfai ngah kha a \angkai thui viau lo tihna a ni ang. Ringtu inti si, hlauh kan ngah lutukte hi a dik lo. Pathianin hlauhna thlarau min pe lo va, thiltihtheihna leh hmangaihna leh rilru fel tak neihna thlarau min pe zawk si a. (II Tim 1:7). Pathian min pek loh zawk hian kan nun a hruai zawk tlat zel hi chu a fuh lo a ni. Kristian inti inti \hin mah ila kan chet phung hian kan nihna a tarlang fo si.
Vincent Pachuau
96122 26314
Mary Winchester lakletna chungchangah sawi danglamna a awm leh ta. Tukina FB ka hmuh kha mi tam zawk chuan kan hre turah ngai ila, kan miril leh chinchang hre deuh te nen sawi chiangin, in debate teh se. He thu hian a khat tawkin sawi danglam a tawk fo mai. Nge nia Serchhip Kawlri a\ang hian lak a lo ni miah lo zawk? A hre chiang zawk ten chhang let ngei teh se.
Nghaka, Serchhip
98621 30116
A bik takin kan bialtu, MLA Pu Lalrinsanga chu a va ti \ha ve. A bial chhunga Saiphai & Saipum bazar an khar rih hi ram mipuite natna hlauhawm ber laka him nan an tih a ni a, a \ha khawp mai. Kum 20 teh meuh pawh vai thil engmah la lo tura Bagha kal an phal loh ai kha chuan ram leh mpuite tan a hlawk zawk ngei ang. Nakinah a boruak a zirin kan hawng leh mai ang chu.
Lianhnuna
6909 715 764
Forest Dept. a thawk MR te dinhmun kan hriat \heuh angin Dept. zawng zawng tih theih deuh thaw-ah MR an awm a, an hnathawh hahzia leh an rim tawngzia hi Zoram mipuiten kan hriat hnu a ni. Forest Dept.-ah pawh MR Mizoram sorkar hnuai leh CSS te an awm a, a bik takin side-a thawk te hi kan chik em aw? Sahuana thawkte dinhmun hi i han belchiang teh ang. Sahuana thawkte hi MR deuh vek an ni a, zingkar a\anga tlai ni tlak thlengte duty-in, zan lamah an awl meuh lo. Pathianni pawh thawk chhunzawm zelin Over time Allowance pawh beisei ngam lo va thawk char char an ni. Mipuiten Sahuan hi kan tlawh fo hlawm anga, a mawi loh leh a nawm loh hlauva thawktute hi MR an ni. CSS lam han en ila, Sanctuary lamah an thawk a, hah thi kultaiin chhun zan zawmin an veng niin a lang. Mahse, an hlawh hi thla 3, 4 dawn dawn te la lovin zuk awm \hina mawle. Chhungkaw chawm nan an hmanga, hlawh hetiang chen chen la lo va an awm \hin hi chu eizawngtu tan chuan a manganthlak ngawtin a rinawm. Kan sorkar chak tak hian an dinhmun hi zirchiangin belchiang thei sela a duhawm ngawt ang.
Benjamin S Dawngliana
80143 05198
Kan MNF lam unaute u, rilru zau i pu tlang tawh teh ang u. Kut tling lova hlawkna lamah hian i zau lo zawk ang u. Pu Zorama lem ziaktu khan Zofate hi hlim taka hnathawk \hin hnam kan ni tih Pu Zoramthanga lem hmangin a tarlang zawk a nih kha.
