Kan ram hruaitu politician kan tih hote hi mak riauna in nei a, ramri chungchangah opposition in nih laia in huai tehlul nen, ruling nih lai, Police \hahnem tak inthuhnuaia an awm veleh in dawih ta viau zel mai hi a mak. Opposition a\anga hmangaih tawkah kan ram hi in ngai a ang ber. Hei tunah pawh cabinet-in kan ram chin a pawm in puang a, ram china ngaihah police duty tur dah mai tur a nia, a teuh hmel loh khawp mai. Kan sawi duh ber chu ruling-a in awm lai hian ram hi hmangaih ber rawh u, opposition-a awm laia hmangaih aiin ramin a \hatpui zawk ang tih te mai hi a nia.
RK Sanga
9862366590
MPYCC hote khan Assam nena kan intihbuaite kha in rawn sawi ve ngam elaw? MZP ten hliam an tuara an mangan laia u\awk ang maia Mahni puka tawmkur hote kha in ni lo’m ni?
Dampa Uitang
8974244232
Vairengte thlanga Mizoram sorkarin Mizoram Police a dah hi a va \ha tehlul em! Kan inthlahrunna tur a awm bik lo, an duh duhnaah an rawn indin bik fo hi a dik lo a ni. Kan sorkar an fakawm takzet.
Zopa
8729984567
Assam ramri buaina chinfel dan \ha ber leh Vai hovin min zuam lohna tur a tana kawng \ha ber chu Silchar lama kal tawh lovin Lawnga man tlawm zawka India kan dawr theihna leh Kawrpuichhuah Border Trade tihpuitlin thuai thuai hi a ni a, kan sorkar thar hian chak takin hma han la teh se. Silchar vai ho zuk dawr a ngaih avanga kan ngamte pawh ngam loh a ngai fo mai hi kan ning tawh.
Tlabung Uitangrual
9862014844
Assam nena kan ramri chungchangah hi chuan kan sorkar hi hma la turin i nawr sek lovang u, eng tehchiam an su kaw lovang. An tih theih leh ngam chin chu an pass tawh kha kan \henawmte hian engah mah an ngaih chuan si loh chuan a tawp der a ni mai si a, an khawngaihthlak mai mai a ni. An tih theih loh ti tura nawr sek hi an sorkar loh lai hian thil an ti thei daih zawk a ni ang. An sorkar tawh chuan a taka hmachhawn a ngai tawh \hin si a, a harsa a nih hi maw, i hrethiam mai ang u.
Ramtea, Mz
9862539105
Pu Zonet, ‘Support, don’t punish’ interview kha a theih hram chuan lo play leh teh u. Kan en ning lo. Zu leh drugs ti chhungten kan en kham lo, kan var uar mai.
8794528419
A mak thei \hin, kan current hi a lo chhe teuh awm \hin. Thli emaw, ruah tlem te a tlak hian a chhe zel mai. Phulpui tlangdung khu an awhawm thlawt a ni; en loh lai an nei lo. Keini tlangdung hi chu ramriak ang reng kan ni. Eng nge a awmzia vanlal current?
9862378068
Mizoram leh Mizote vanneihna lanna mi entawntlak, chhuanawm leh nelawm ngainatawm IAS te, Lalnunmawia Chuaungo, Lalsawta & Lalthara te hi kan Mizo Officer dang zawng zawngte hian entawn \heuh se. Mizote hming leh kan thangva hi a va mawi dawn tak em.
Zohmangaiha.
9774373679
Kan tunlai \hangtharah hian tuai/mipa inti hmeichhia tlat, \awng nem hlei hlui hi TV faknaah hian an va tam ta em em ve, hmeichhia hian \awng thum hi han zir chho ve law law se. Mipain hetiang tuai aw phawi an hman avang hian dawr neitute hian an hralh theih phah a nih chuan a \ha vekah ka ngai tho e. Pathianin mipa leh hmeichhiaah min siam a, chumiah chuan lungawi thiam hi kei zawng ka la nunpui zel e. Faknaa mipa \awng nem hleihlui hi kei hian ka ning. Hawh u, Pathian min siam danah hian i lungawi tlang ang u.
9615711858
Alinery Ngilneihi i ropui e. Pathianin MIHRING a siam chhan i man a, i nunpui bawk a, i kal zelnaah Pathianin malsawm zel che rawh se.
ZNG Chhakchhuak
7640879112
Insual/sawisak rawn hi maw \hing rep rep leh dawihzep chhinchhiahna mawle. Insual rawn/insawisak rawn chingtute khan inhriat tur chu nangmahni leh kan ram \hatna atana a thim a var, a sur a sa hnuaia thawk leh mi sawisel huama thawktute sual rawn/sawisak rawn lo khan kan ram leh Mizo min hek leh min chawkbuai rengtu Tuikuk leh Takamte, Zophaia min tibuai rengtute khu khing ngam zawk ta che u. Chutianga ram tana in chet ngam chuan huaisen kan tiin kan fak ang che u. Tuna in chet dan hi chu khawlaia skintight nena kal zaw zaw, in make up duaia \awng hlawi hlawi pherh ho chet dan awm tawk vel a ni a, Mizo tih chi a ni lo tih hria u la, Mizo in nih ve leh kan ram hmangaihtu in nih chuan sim daih chi a ni e.
Ram veitu
9089667399
Khawnge sel zauh ang. Hmanni khan Graduate topper lawmna kha ka lo thlir ve a, fuihna thusawitu khan kei mimawl ngaihdanah hmaih lian tak pahnih a nei tlat. Smart study thlenga sawi si khan kan Bible chuan ‘LALPA \ih hi finna bul’ a ti, miin zir sangin smart study pawh chuan zir se, PATHIAN \ihna a neih loh chuan engmah lo mai a ni. Central service lam kha a sawi miah lo nia, Central lama IPS/ IAS/ IFS/ IRS hengah te hian exam ngam tura infuih a hun hle-in ka hria. Kan \henawm state an awhawm em mai.
Johan Lalrinawma pu,
Saron
9436392544
Mizote hi hnam boral mai thei kan lo ni tak tak a lawm le. Tuikuk leh Chakma-in huang an zauh zel a, thuneitu lam lahin an vote duh vangin an intlawnsiaka, an dang ngam si lo. Assam ram nen kan inri-na lah vai sipaiin kut thawh meuha hma an rawn lak laiin kan ram sorkar lah chuan a lo thlir liam mai mai zel bawk si. Pawmlai nei leh nei lote sex lamah kan insum thei lovin chu chuan natna tihdam theih loh kan thehdarh mek nen, kan \halaite lah ruihhlo tel lovin an khawsa thei lo, kan invui liam mawlh mawlh mai bawk nen. YMA-in ‘Ram leh hnam humhalh’ tih kumpuan a neia, YMA hruaitu hlun ve deuh pakhat fanu chuan vai pasal a nei nawlh bawk. Burma a\anga zu thlawr tura lokalte lahin an awmna hmun ram leiin kum hnih thum hnu-ah voter ID an nei thei zel lehnghal. Heng zawng zawng ngaihtuah chian chuan Mizote hi kan chhehvela engkim mai hian min chimralin hnam boral tur kan nih hi a chiang riauin a lang.
LT Ralte
9862007651
Kan sorkar hian school hrang hranga zirtirtute a siksawi dawn hian a hun tur hi thlir thiam deuh se ka van ti em. Tun \umah pawh exam dawnah an siksawi a, a nawlpuiin siksawi lem lo mah se, naupang ten session khat chhunga zirtirna pahnih pathum an dawn hian teaching method a inang lo bawk nen, zirlaiten harsatna an tawh phah nasa-in ka hria. Transfer an nih rau rau chuan Academic session tawp, school \an leh hma hi a \ha ber ang. Tin, Mizoram Education Deptt. hian mithiam, ti \ha peih lo ai chuan hnaa tui, taima a mamawh zawk.
9612615457
Stadium chhawng kan siam dawn titu khan a pu dungthulin thil a sawi advance mai mai a nih hmel.
Ni hnih khat a liama, ground floor, motor garage tur a ti leh tawh.
Khelmual pahnih, a chung leh a hnuai emaw ka lo ti hman pek a kei mimawl hian.
LB-a pa
8414029478
Nuai thum dawng chunga field chhawnga inkhel en tura, kawng chhawnga traffic jam awm miah lova han tlan par par hun hi a nghahhlelawm tawh ngawt mai.
Azova Rep VT
