Reiek kawng siamtuten kawng chhe mek an siam \hat (repair) lehna hi an uluk lo hle mai. Thuneitu lamten enfiah thei se a va \ha em. Tun bak chu an siam leh mai mai tawh awm si lova. Heti ringawt chuan fur a lo thleng ang a, a chhe leh rang ngawt ang.
Berbera Pu
————–
January ni 11 Missionary Day hi Presbyterian hovin Missionary Day-a an pawm lai kha chuan Kohhran pakhat chuan an hman pawhin zanah te an inkhawm ve \awk \hin a, Presbyterian hovin a ni an sawn ve leh uar takin awm ni khamin ruai nen an hmang leh si. Kum 100 zet liam ta thlir letin khang hun lai khan he ni hi engtin nge an lo ngaih le aw?
7085845905
—————-
Kan rama mipui leh Kristian zawng zawngte hian ngun takin i ngaihtuah teh ang. Kan ramah UT kan nih a\angin han chhut vang vang la, lal reng reng hian mi nunah hian thuneihna tam tak an nei a, an nungchang pawh copy a awl fo \hin a ni. Chuvang chuan heti hian kan ngaihtuah ngai em aw, kan ramah hian Chief Minister 5 kan nei tawh a, chung ho a\ang chuan tu sawrkar laiin nge zu zawrh theihna kan neih a, tunge chala rawng sen t^t hmasa ber? A tunge zuk leh hmuama fihlim ber ang a, tunge kohhran lam hotute zah thiama chawimawi thiam ber ang? Mizoram mipuiten thu lai la-in i ngaihtuah tlang teh ang u.
Tlabung aw
————–
Kan rama condom fakna hluar lutuk hi chu a zahthlak teh e. Bus-ah, kawngpui dungah, kar kawng thing dingah te kan tar chiai chuai a. Sorkar lahin ngai pawimawi lo, kohhran lahin engah mah ngai hek suh. Layman ho hi kan zak tlawk tlawk mai a ni. Kristian ram chu kan la inti thlahrung lem lova. MSACS lam lah fimkhur hek suh, sex zuar tel kherin condom an han fak zui a. AIDS vei tamna ber State kan la ni zui.
RK Sanga
————-
Kum a thar ta, I NU LEH I PA CHAWIMAWI RAWH le. Tichuan, leiah hian malsawm i ni ang a, i dam rei bawk ang. Lei leh vana LALBERin a aiawha i hmaa a dintir I NU LEH I PA kha mawlmang leh engmah tih theih nei lo mah se, mihring i lo nih ve theihna chhan an nih kha. Fapa mawl chuan a pianna, a nu a hmusit \hin a, a pa a insualpui bur bur \hin. Fanu mawl erawhin a nu leh a pa chu chapona tlang chhip a\angin a zu thlir a, a tan hian amah hringtute chu an nep ngawih ngawih \hin a, an tling zo mawlh lo. I dam chhunga mi zah leh rawn phak mi pangngai anga lan ve i duh a nih si chuan I NU leh I PA kha zah la, CHAWIMAWI RAWH LE..!! Pawn lama mi nunnem, zaidam, tlawmngai, mi tana taima, nu leh pa hmaah SIPAI ^ leh nun chhia ang mai ni tawh lovin I SIAMTU hre reng rawh.
Mazovi, Biate
————–
Missionary Day mawlh mai hi sorkarin holiday-ah min pe a, a buai nuai tawh. Kum 1994-ah Kohhran tih bik awm lovin a kum 100-na kan khawpuiah kan lawm mup mup a, hun a lo kal det a, Presbyterian leh Baptist Kohhrante rawngbawl ho hlei thei tawh lovin an awm a, Pu Buanga leh Sapupa kha Baptist Missionary an lo ni si a, Presbyterian ten an han chhui thar leh neuh neuh a, March thlaah an sawn ta daih!! Kan ram, kan hnam tak hi chu aw….lo dawn ve teh.
LB-a Pa
———-
7th Pay hi Zoram mipui tan engti kawng mahin \hatna a awm lo. Tun apangin vawksa man an san dawrh hman hi.
9612126503
————-
Sawrkar hnathawkte hlawh pun duh leh a phusa ho hian Central-a an tlukpuite aiin hlawh an la lut tam zawk tih an hre lo em ni? Anni chuan an hlawh 1/3 dawn Income tax, ram hmasawn nan thla tin an pe asin. Mizoram budget hi kan intodelhna tura hma lak nan a beitham tih nak alaia, mahni invur nana lo lak \hen hi a dik ber em? A sur a sa hnuaia inhlawhfa leh thiamna bik nei – pvt. driver te pawhin sorkar hnathawkte ber hlawh zat ve pawh an lak loh hi. Tunah pawh hian sorkar budget 80/100 dawn hi sorkar hnathawk hlawh leh an pension, an inrelbawlna tura dah a ni. Central hnuaia thawkte hlawh kum 10 dana ennawn hi state pawhin a ennawn ve thei a. Dinhmun a \hat viau chuan Central hlawh aia tam pawh a pe mai ang. A nih loh chuan a ti tlem zawk thei bawk. Mizoramah chuan hlawh pung hian motor, in sakna bungrua leh thawmhnaw incheina lei vak a hring ber a. Heng hi ram pawn, vai ta vek a ni. Kan thar chhuah ve theih leh thlai leina a pung ve chuang lo. India sawrkar chu a hausa a, Mizoram pawh kum 70 lai min lo chawmhlawm tawhin a hlawhfate pawh a duh leh a duat thei a lawm. Tuna kan sawrkar hnathawkte hlawh hi chu an kham khawp a la ni hrim hrim. Ram tan \hahnem lo ngai ve teh se.
Zoram Sentine l
———–
Kristiante hi rinnain kan kal a, rinnain rawng kan bawl a, rinnai chhandamna kan chang dawn. Ni-ah hian kan buai deuh em aw? Kan hunpui neih, Krismas ni 25 December thlaah Lal Isua a piang ngei em? Kan ni serh \hin Good Friday hian Lal Isua a thi ngei em? Palm Sunday hian Lal Isua ropui takin Jerusalem-ah a lut ngei em? Rinnain a ni lo’m ni kristian ten urhsun taka kan hman \hin. Eng kan ti zo ta nge Missionary Day chu kan hunpui ai hian a ropui ta bik em ni? A ni (day) number kha a pawimawh ta riau em ni? Mizoramin lungrual taka Centenary kan lawm tlan, January ni 11 hi hmang tlang ta mai ila, a \ha mai lo’m ni?
Ro hran neiha kawng hran zawh hi enge kan sawtpuina tur awm chuang ang?
Ni (Day) hian min chhandam lova, rinna avanga khawngaihnaa chhandam kan ni si a, rinna hi a va pawimawh em.
9862081109
—————-
