Lirthei intlan chhawk kan ti a, kan ram hruaitute zingah pawh Traffic Jam rehna tak tak tura ngai an awm hial a ni awm e. Lirthei intlan chhawk hi maw, a tak takah chuan mipui inrah behna tlukah ka ngai. Lirthei pahnih pathum nei thei chin kan hotute hi an buai ve tak tak lo, mamawhna avanga loh theih loha lirthei pakhat sual thlu thei ve ngawr ngawrte bawk hian kan tuar leh ta a nih hi. Kan ram square km 1 biala mihring 42 vel lek awmna hmuna lirthei intlan chhawktir a ngai hi ram hruaitu hmathlir nei lote tuh rah kan seng vang zawk a ni. Heti chung chung hian kan hotute hian kawng sira lirthei dahna a\anga sum lak luh hi an la thlahlel viau mai bawk si. Lirthei intlan chhawk ai chuan kawng sira lirthei ding a\anga sum lak luh it lovin thianfai tak tak ngam sela, lirthei intlan chhawk hi a la \ul lo mai thei bawk.
Dawrkai Nu
————–
Kan Zoram hian revolution ropui tak chu a mamawh takzet ta e. Zoram People’s Movement te hian Zoram history bung thar min kai pui thei tak tak ang em? Nge ni “a fanuin a nu a chhun” tih ang tho hi an rawn ni leh mai ang em? Tuna tan chuan Zoram mipuite mit fukna ber an ni si a. constitution atana Bible hmang ngam, Pathian \ih mi, ram hmangaihtu dik tak hi kan va mamawh tak em. Hetianga kan kal zel chuan kan ramah hian thisen a la luang ngei ang.
Amos LT Hmar, Sesawng
——–
Kan Zoram khawvel han thlir hian khawtlang leh vantlang nunah sual a lian tial tial niin a lang a, ram hruaitute leh roreltute lah chu hlawh phu lovin an hausa mai si a. Kristian ram Kohhran inzirtirnaa sei lian, awt suh tih leh mi hausa Vanram luh ai chuan sabengtung hriau benga luh a awl zawk tia zira seilian kan ni si a. A chhan nia lang chu Kohhran pakhatah member kan tam lutuk hi niin a lang, member za tel awmnaah mi hlim lam kan tam, mi hlim lo tan chuan Lalpa hi fak ve loh tur emaw kan ti tawh mai si. Member tam hian CHAPO-na bak a hring lo niin a lang. Kohhran pakhatah hian in 50 vel bak ni lo ila, mi hlim lam buai aiin nun tak taka Pathian fak kan tam zawk ngei ang le. Khaw khatah hian Kohhran hi 5/6/7 te awm ila, khawtlang leh vantlang nun chu tun ai hian a ziaawm ngei ang. Thurin hmun khat khua phei chu an inlungrualin an initsik hauh lo ang. Synod hian bul han \an se kan Zoram khawtlang nun chu a nghawr ngei ka ring.
KALVARI LUI
————–
Vishal-a thawk te, Bazaar Indiaa thawk te, company hrang hrang Airtel, Aircel, BSNL, Voda, Idea tih vela thawk ho hi mi in welcome lo thei e. Biak in har a, in induh hlawm hle bawk. Chuta in chhuanlam chu ‘kan buai alawm’ tih hi a ni. Vai ramah pawh an buai a, min lo welcome thei lutuk. Biak nuam deuh hian awm ula, in customer te min lo induh khum tawh suh u. Vishal leh Bazaar India-a thawk ho lah hi Hindi thiam in vang a, English-in kan inbe thei tho alawm in ti a, a \ha lutuk e. Mahse, English aiin Hindi han thiam zawk mah teh u, an ngaisang daih zawk ang che u. Sim Card company hrang hranga thawk leh Vishal, Bazaar India-a thawk ho kha biak chakawm leh dawr nuam turin lo awm tawh ula, in ze \ha lo kha sim tawh rawh u.
Lalmimi-a
————-
Zoram People’s Movement chuan Val Upa Council an din lawk nghal pang mai maw! Sorkar thar khalh ngiltu tur an ti a, khalh ngil ngai an awm sa emaw ni dawn le? Val Upa Council an din hian ngaihtuahna a tibuai riau, inrin tawnna a awm lo em ni ang? Kalphung thar mak pawl tak a ni awm e.
Lba Pa
—————
Nakkum 2018 MLA inthlan lo awm turah hian mipui hi an \hangharh \an ta niin a lang a, Zoram min kaihhruai danah hian mipui min bumte zawng zawng hi an lo \hangharh ta niin ka hmu a, sorkar thar a piang dawn a ni. Kei Congress pa ngei pawh hi Party ruihchilhna hian min lo tuam rei lutuk tawh a, ka harh chhuak ve ta a, tunah hi chuan Mizoram mipui zawng zawngte harh chhuak ve turin ka rawn sawm mawlh mawlh che u a ni e. MNF lah hi an sorkar dawn lo chiangin a lang sa reng a, mipuiten mahni leh mahni in-vote nachang kan lo hre har lutuk hi harh chhuak ve tawh ang u. Kan hnathawh rah rate hre saa thawh hian kan ram a tung ding mai bakah chhungkaw din chhuahna awlsam ber a ni tih ka han tarlang duh ve a ni e.
Duati Pu
———
Mikhual cham rei, kan chunga pawr ngam ta te chungchanga pawi ta ber chu kan Mizo officer lian pakhatin chhinchhiah a tumna, khatih laia CM-in a remti lo nia an sawi kha a chhan lian tak pakhat chu a ni chiang mai. Tunah pawh mahni hmasial vang em ni an thlavangte hauh a la nih tak dup dup? A la pawi thui dawn mang e!
Citizen
————
Saipui kal lai, Saitual leh a chhehvelten District thar duhin an lo hmuak chu a nia le. Eng tak ang maw? Hman kum kha chuan election dawn khan a pek vak mai kha a.
Lianvela
———-
Kulikawn damdawi in panna kawngpui kopangah hian tui chhe paihna a awm a, chaw nawi leh chawhmeh nawi tenawm tak tak, vantlang hmuha mawi lo, tenawm tak tak an rawn paih \hin hi vantlang tan a hmuhnawm loh. Tu mawh nge le?
9862831087
————
Kan Zoram mipuite \hanmawh bawk ber chu he kan party lian lo sorkar tawh \hinte hian kalphung hluia min hruai \hin vang a ni. Mahse, kalphung thara han kal ve erawh an duh viau \hin na a, a ngaihna an hriat miau loh avangin vawiin thleng hian kal khatin min la kalpui reng a nih hi. Zoram hi heti renga min kalpui a nih chuan ram ropui min kaipui thei hian a rinawm loh hle a ni. A ngaihna an hre tlat si lo alawm le! Inthlan hnaihah chuan an campaign ve leh ngei ang a, mipuite hnenah kalphung pangngai ang lo deuh thil thar lam hmuchhuak tawh ni awm takin an han campaign leh ang a, mahse an han sorkar chiah chuan a ngai bawkin kalphung hluia kal lehin mipui lungawi lo authawm ngaihthlak lamah an tuar chhel lehin luhlul an chhuah thiam leh hle dawn a ni tih hi mipuiten i pawmin i hre thar leh ang u.
MS Chhakchuak, Aizawl
—————
Joint Director Acctount & Treasuries Office Lungleia an dah hi kan \angkaipui hle a, mahse mi \henkhat pawimawh ve tak tak regular lo lutuk hi chu a zia lo ngawt mai. Mamawhtu kan tam si a, in lama file an hawn vang ngawt hian Aizawlah rei tak tak cham kher lo sela a \ha ang. Thla khat chhung leka min tihfelsak theih mai awmte hi kum khat dawn nghah a ngai deuhthaw a, a tuartu tan chuan rei duh tak a ni. Tin, Lunglei District pensioner hotute pawh \awngkaa hrilh in ni tawh a, lo ngaihven \ha teh u. Hlawh lak loh reng hi kan buai phah teh a nia.
Kungtea
———-
ZPM te hi ram leh hnam tana chaw vawi khat pawh la nghei lo leh ruahmanna fel leh \ha tak pawh nei si lova a him chin a\anga mite sawi chhiat leh mahni infaka, thawm an han nei lian ve vak ringawt mai hi chu i ram lo thleng rawh se tih thupuia an neih te nen kha chuan a inpersan ta hle mai. Lo sorkar ta pawh ni se pawl hrang hrang inzawm khawm an ni sia, an thawm a ring \ha viau lovang maw?
Tlabung Uitangrual
————-
State kan nih hnua kan CM pahnihte hi Pathian nunga leh Vision-a ka ti mai.
Laldika
———-
Kan ram tan hian mi \ha an rawn lang chhuak tih hria ila, ZPM hi i vote vek ang u. Anni hi mi tin mi lian leh mi rethei huapzo an ni.
Malsawma pa
—————
Pathian a tel loh chuan tuarna leh harsatnain a hneh ang che. Pathian a tel erawh chuan tuarna leh harsatna vek chuan a tichak ang che.
Angaihtei, Lungsum
———-
Kan CM hi a ram tan hian thawh tur a hre thlawt lo em ni? Motor kawng zauh tum lovin intlan chhawk zawngten min han ti leh ta maw? Hman kum, MNF sawrkar hmasak ber kum ni tain ka hria, Aizawl khaw chhung kawngpui zauh turin hma an la a, an zawh hmain an sawrkar kha a tla ta mai a, Congress an rawn sawrkar leh a, MNF KAWNG zauh saah in an rawn sa khat leh ta vek a nih hi. Tuna Congress tih theih tawk chu intlan chhawk. Kawng chhia pawh an siam thei lo huiha heiha.
Taitea AZ N
—————
Kan rama vote nei zawng zawngte kan hma lawka kan ram hruaitu tur kan thlanna turah hian kan vote hlu tak hi mahni tana \ha tur chauh ngaihtuah lovin, kan ram pumpui tan ngaihtuahin vote i thlak hram ang u. Tichuan, kan ramin hma a lo sawn ang a, tichuan Zoram thar chu a lo piang tawh mai ang.
Tlabung aw
———
